Hosea 1:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Ekĩnywa kyʼOmwami Mukulu mokyahĩka uku Hosea, mugala wa Beerĩ, omo biro bya Ũzĩa, Yotamũ, Ahazĩ, na Hezekĩa, abami bʼeYũda, omo biro bya Yeroboamũ, mugala wa Yoasĩ, omwami wʼeĨsraelĩ.

Hosea 1:1 Iomraidhean Croise

2 Abami 13:13

Neryo Yoasĩ mweya abotata-kulu buwe; na Yeroboamũ mwĩkala oko kĩtũmbĩ kiwe kyʼobwami; na Yoasĩ mwatabwa eSamarĩa haguma nʼabami ba Ĩsraelĩ.

2 Abami 14:16

Neryo Yoasĩ mweya abotata-kulu buwe, mwatabwa eSamarĩa haguma nʼabami ba Ĩsraelĩ; na Yeroboamũ mugala wuwe mwabya mwami omo mwanya wuwe.

2 Abami 14:23

Oko mwaka wʼerĩkũmĩ nʼeyĩtanu wa Amazĩa mugala wa Yoasĩ omwami wʼeYũda, Yeroboamũ mugala wa Yoasĩ omwami wa Ĩsraelĩ mwabya mwami eSamarĩa, neryo mwatabala emyaka makũmĩ ani nʼomuguma.

2 Abami 15:32

Omo mwaka wʼakabiri wa Peka mugala wa Remalĩa omwami wa Ĩsraelĩ, Yotamũ mugala wa Ũzĩa omwami wa Yũda mwatsũka eribya mwami.

2 Abami 15:5

Neryo Omwami Mukulu mwaswĩrya omwami, kyaleka iniabya muhaga erĩhĩka oko kiro kyʼoluholo luwe. Neryo mwĩkala omo nyũmba eyabya aho wayo, omugulu Yotamũ mugala wʼOmwami abya mukulu wʼenyũmba, iniakatswera bandu bʼekihugo.

2 Abami 15:7

Neryo Azaria mweya abotata-kulu buwe; neryo mobamuta ahali abotata-kulu buwe omo mũyĩ wa Dawĩdĩ; na Yotamũ mugala wuwe mwabya mwami omo mwanya wuwe.

2 Emyatsi yʼEmigulu 27:1

Yotamũ abya wʼemyaka makũmĩ abiri nʼeyĩtanu omugulu atsũka eribya mwami, neryo mwatabala eYerũsalema emyaka ĩkũmĩ nʼendatu; nʼerĩna lya koyo wuwe lyabya Yerũsa mwali wa Zadokĩ.

2 Emyatsi yʼEmigulu 28:1

Ahazĩ abya wʼemyaka makũmĩ abiri omugulu atsũka eribya mwami, neryo mwatabala eYerũsalema emyaka ĩkũmĩ na ndatu; kandi mwatakola ekitunganene omo meso wʼOmwami Mukulu, nga tata wuwe Dawĩdĩ.

2 Emyatsi yʼEmigulu 29:33

Nʼebindu ebyahigulawa byabya esyonde syʼobulume magana ndatu (600) nʼesyombũlĩ elfu ĩsatu (3,000).

Ĩsaya 1:1

Obũlĩme bwa Ĩsaya mugala wa Amosĩ, obo alangira busana nʼeYũda nʼeYerũsalema, omo biro bya Ũzĩa, Yotamũ, Ahazĩ, na Hezekĩa, abami bʼeYũda.

Ĩsaya 7:1

Neryo oko biro bya Ahazĩ mugala wa Yotamũ, mugala wa Ũzĩa, omwami wʼeYũda, Rezĩnĩ omwami wʼeSũrĩa, na Peka mugala wa Remalĩa, omwami wʼeĨsraelĩ, mobahetuka eriyalwa nʼeYerũsalema, nĩkwa mobatatoka erĩkĩndago.

Yeremĩa 1:2

Ekĩnywa kyʼOmwami Mukulu mokyamũhĩkako omo biro bya Yosĩa mugala wa Amonĩ, omwami wʼeYũda oko mwaka wʼerĩkũmĩ nʼeyĩsatu wʼeritabala liwe.

Yeremĩa 1:4

Neryo ekĩnywa kyʼOmwami Mukulu mokyanyĩhĩkako kiti,

Ezekĩelĩ 1:3

ekĩnywa kyʼOmwami Mukulu mokyahĩka ndeke oko mũhererĩ Ezekĩelĩ, mugala wa Bũzĩ, omo kihugo kyʼAbakaldea, hakũhĩ nʼolũsĩ lwʼeKebarĩ, nʼebyala byʼOmwami Mukulu mobyamubyako.

Yoelĩ 1:1

Ekĩnywa kyʼOmwami Mukulu mokyahĩka uku Yoelĩ mugala wa Petũelĩ.

Amosĩ 1:1

Ebĩnywa bya Amosĩ oyo wabya muguma gʼoko balĩsya bʼeTekoa, ebyo alangira busana na Ĩsraelĩ omo biro bya Ũzĩa omwami wʼeYũda, nʼomo biro bya Yeroboamũ mugala wa Yoasĩ omwami wʼeĨsraelĩ, emyaka ĩbĩrĩ embere wʼomũsĩkĩ wʼekitaka.

Yona 1:1

Neryo ekĩnywa kyʼOmwami Mukulu mokyahĩka uku Yona mugala wa Amĩtaĩ, kiti,

Mĩka 1:1

Ekĩnywa kyʼOmwami Mukulu ekyahĩka uku Mĩka Omũmorasĩtĩ omo biro bya Yotama, Ahazĩ, na Hezekĩa, abami bʼeYũda, ekyo alangira omo nzolĩ busana nʼeSamarĩa nʼeYerũsalema.

Zekarĩa 1:1

Oko mukera wʼomunani, oko mwaka wʼakabiri wa Darĩo, ekĩnywa kyʼOmwami Mukulu mokyasira uku Zekarĩa mugala wa Berekĩa, mugala wa Ĩdo, omũmĩnyererĩ kiti,

Yoane 10:35

Tũnasĩ kwʼAmasako sialiketawa, neryo Nyamuhanga abiribirikirabo mo syonyamuhanga abo ekĩnywa kya Nyamuhanga kyahĩkako.

AbanyaRoma 9:25

Ngoko abũga omo kitabu kya Hosea ati, Abatabya bandu bage, nasyahulabo mo bandu bage. Nʼoyo wabya aponĩrwe, nasyamwahula mo mwanze wage.

2 Petero 1:21

Kusangwa sihali eriminyerera eryahĩka na kera omwʼisonda lyʼomundu, nĩkwa abandu mobabũga ebĩnywa ebyo Nyamuhanga ahabo, ĩbakasondolĩbawa nʼOmũlĩmũ Abũyĩrĩre.