Enzũko 9:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Obuli nyama syʼekihugo, obuli nyonyũ syʼomo kyanya, nʼamahere gosĩ gʼomo ngetsi, ebyosĩ ebikakululuka oko kitaka, byasyabubaha nʼeribasaga, neryo syabĩrĩhĩrwa omo byala byenyũ.

Enzũko 9:2 Iomraidhean Croise

Enzũko 1:21

Neryo Nyamuhanga mwahangika esyonyama nene-nene syʼomo ngetsi nʼobuli nyama yahangikawa eyiriho, eyikagenda, eyikalendera omo ngetsi, ngʼomũsĩndo wasyo; obuli nyonyũ syosĩ syʼebĩpũpa ngʼomũsĩndo wasyo; neryo Nyamuhanga mwalangira ko byowene.

Enzũko 1:26

Neryo Nyamuhanga mwabũga ati, Tuhangike omundu omo mũsĩndo, nʼomo kĩsosekanĩo kyetu, atabale oko mahere wʼomo ngetsi nʼoko syonyonyũ syʼomo kyanya, nʼoko syonyama, nʼoko kihugo kyosĩ, nʼoko buli kindu ekikaku­luluka oko kitaka.

Enzũko 1:28

Neryo Nyamuhanga mwatsumulabo, neryo Nyamuhanga mwabwirabo ati, Mubute mukanyirire, mũsũlaye ekihugo, mũgondayekyo; mutabale oko mahere wʼomo ngetsi nʼoko nyonyũ syʼomo kyanya, mutabalire obuli kindu ekiriho, ekikalendera oko kihugo.

Enzũko 2:19

Neryo Omwami Mukulu Nyamuhanga mwabumba omo mutaka obuli nyama yʼomolĩ, nʼobuli nyonyũ syʼomo kyanya. Mwaletasyo oko mundu oyo ngʼakandiahulasyo omo mena wahi. Neryo obuli kindu kyahangi­kawa ekiriho, erĩna eryo alukakyo molyabya lĩna lyakyo.

Enzũko 35:5

Neryo mobagenda, nʼobuba bwa Nyamuhanga mobwabya oko mĩyĩ eyabya ĩtĩmbĩre kubo, kutse mobatasyakwamirira abagala ba Yakobo.

Enzũko 9:1

Neryo Nyamuhanga mwatsumula Noa nʼabagala buwe, mwabũga nabo ati, Mubute, mukanyirire, mũsũlaye ekihugo.

Enzũko 9:3

Obuli kindu kiriho ekikagenda-genda byasyabya kalyo kenyũ. Ngoko nabaha emyaka mibisi ko namabaha nyitya ebyosĩ.

Yobũ 39:11

Wasyayiketerayo kusangwa amaka wayo ni manene kwehĩ? Kutse wasyasĩgĩrayo omũbĩrĩ wawe kwehĩ?

Ezekĩelĩ 34:25

Nasyalagana nabo endagano yʼobuholo, nasyalũsya esyonyama nyibi syʼomo kihugo, nabo ibatoka erĩĩkala buholo omo mbwarara, nʼerigotsera omo mũsĩtũ.

Hosea 2:18

Nʼoko kiro ekyo nasyayira endagano busana nabo haguma nʼesyonyama syʼomolĩ, na haguma nʼesyonyonyũ syʼekyanya, na haguma nʼebindu ebikakululuka byʼekitaka; kandi nasyalũsya obuta, nʼomũyalĩ, nʼamalwa erĩlũa omo kihugo, kandi nasyagotseryabo ahisi nʼobuholo.

Abalawĩ 26:22

Kandi nasyatuma omo katĩkatĩ kenyũ esyonyama syʼomolĩ, esĩkandĩsyabahũnga kwʼabana benyũ, nʼerĩherya esyonde syenyũ, nʼerĩkehya emiganzo yenyũ; nʼesyonzira syenyũ syasyabya bĩhũma.

Abalawĩ 26:6

Nage nasyabaha Obuholo omo kihugo, nenyũ mwasyalambama erigotsera, isihali oyo wasyabatĩtĩmanĩa. Kandi nasyaleka esyonyama nyibi ĩsyũmbya omo kihugo, kutse omũyalĩ siendisyalaba omo kihugo kyenyũ.

Yakobo 3:7

Abandu bakabegeraya emihanda yosĩ yʼesyonyama esyʼomolĩ, nʼesyonyonyũ, nʼesyonyama esikakululuka, nʼesyosĩ syʼomo ngetsi, kandi babĩrĩbegerya esyosĩ.