Enzũko 9:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo Nyamuhanga mwatsumula Noa nʼabagala buwe, mwabũga nabo ati, Mubute, mukanyirire, mũsũlaye ekihugo.

Enzũko 9:1 Iomraidhean Croise

Enzũko 1:22

Neryo Nyamuhanga mwatsumulasyo ati, Mubute, mukanyirire, mũsũlaye amagetsi wʼesyongetsi, nʼesyonyonyũ sikanye omo kihugo.

Enzũko 1:28

Neryo Nyamuhanga mwatsumulabo, neryo Nyamuhanga mwabwirabo ati, Mubute mukanyirire, mũsũlaye ekihugo, mũgondayekyo; mutabale oko mahere wʼomo ngetsi nʼoko nyonyũ syʼomo kyanya, mutabalire obuli kindu ekiriho, ekikalendera oko kihugo.

Enzũko 10:32

Ebĩ nĩ bĩtũnga byʼabagala ba Noa, ngʼesyondengo syabo, omo bihanda byabo, Nĩkwa ebihanda mobyagabirwa omo kihugo enyũma wʼerigunga.

Enzũko 2:3

Neryo Nyamuhanga mwatsumula ekiro kyʼebirinda, mwayirakyo mo kĩbũyĩrĩre; kusangwa mwaluhuka mukyo oko mĩbĩrĩ yiwe yosĩ eyo abya abirihangika nʼerikola.

Enzũko 24:60

Neryo mobatsumula Rebeka, mobabũga naye bati, Uwe, mwali wetu, ubye nyĩnya wʼamaelfu mangi, kandi abana bawe basyasĩgalya esyongyo syʼabakabakwa obusu.

Enzũko 35:11

Kandi Nyamuhanga mwabũga naye ati, Ĩngye indi Nyamuhanga Omũtokĩ Wʼebyosĩ. Ukanyirire utomekerawe; ekihanda nʼendeko yʼebihanda byasyalũa ukʼuwe, kandi Wasyabya tata wʼabami.

Enzũko 8:17

Ũhũlũkaye haguma obuli kindu, kiriho haguma nawe ebyʼemihanda yosĩ, esyonyonyũ, esyonde, nʼobuli kindu ekikakululuka oko kitaka, bibutire kutsibu oko kihugo, bibane ehyana, nʼerikanyirira omo kihugo.

Enzũko 9:19

Abasatu aba babya bana ba Noa, nabo mobatsungana oko kihugo kyosĩ.

Enzũko 9:2

Obuli nyama syʼekihugo, obuli nyonyũ syʼomo kyanya, nʼamahere gosĩ gʼomo ngetsi, ebyosĩ ebikakululuka oko kitaka, byasyabubaha nʼeribasaga, neryo syabĩrĩhĩrwa omo byala byenyũ.

Enzũko 9:7

Nĩkwa Ĩnywe, mubute, mukanyirire; mubute kutsibu omo kihugo, mukanyirire mukyo.

Esyonyimbo 112:1

Mupipe Omwami Mukulu! Obutseme buli oko mundu oyukubaha Omwami Mukulu, Oyukatsema erikenga amahano wuwe.

Ĩsaya 51:2

Musamalire Abrahamũ tata wenyũ, na Sara oyo wababuta omo bũlĩge, kusangwa namubirikira omugulu abya muguma, kandi monamutsumula, nʼerimuyira mo bangi.