Enzũko 8:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Neryo Omwami Mukulu mowa erikumba lĩsĩhĩre. Neryo Omwami Mukulu mwabũga omo mutima wuwe, ati, Sindiendisyaswatakira ekitaka busana nʼomundu kusangwa amalengekanĩa wʼomutima wʼomundu ni mabi erĩtsũka omo bũlwana. Kandi sindiendĩsyaswĩta obuli kindu kiriho, ngoko nabirikola.

Enzũko 8:21 Iomraidhean Croise

Enzũko 3:17

Nĩkwa Nyamuhanga mwabũga na Adamu ati, Kusangwa wabirihulikirira omulenge wʼomũkalĩ wawe, kandi wabi­rirya oko bĩgũma byʼomuti, ogo nakuha­na nyiti susyeryako. Ekitaka kyamataki­rwa busana nawe, Omo bũlĩge wasyalya ebyalya byakyo ebiro byosĩ byʼeribyaho lyawe.

Enzũko 4:12

Omugulu ukalima ekitaka, sikyendisyakuha amaka wakyo. Wasyabya mũsayĩ nʼomũgendĩ-gendĩ omo kihugo.

Enzũko 5:29

neryo mwaluka erĩna liwe mo Noa, ati, Oyũ yukandisyatũkĩranĩa omo mũbĩrĩ wetu nʼerinuba lyʼebyala byetu, busana nʼekitaka ekyo Nyamuhanga atsuma.

Enzũko 6:13

Neryo Nyamuhanga mwabũga na Noa ati, Namayisoha eribuga abandu bosĩ; kusangwa ekihugo kyabĩrĩũsũla nʼomwaga busana nabo. Lebaya, ngandĩsyaheryabo haguma nʼekihugo.

Enzũko 6:17

Neryo nage, lebaya, ngaleta erigunga lyʼamagetsi oko kihugo, erĩherya, ebyosĩ ebikahumula ebiri nʼengebe omwisi wabyo eyĩkwa oko bũtũkũ. Obuli kindu kiri omo kihugo kyasyahola.

Enzũko 6:5

Neryo Omwami Mukulu mwalangi­ra obubi bwʼabandu ibwamabya bungi omo kihugo, nʼakandi obuli bũlengekanĩa bwʼerĩganĩrya lyʼomutima wabo bwabya bubi busa-busa emigulu yosĩ.

Enzũko 6:7

Neryo Omwami Mukulu mwabũga ati, Ngandĩsyaherya omundu oyo nabumba erĩlũa oko kihugo, omundu, nʼenyama, nʼebindu ebikakululuka, nʼesyonyonyũ syʼomo kyanya. Kusangwa namayĩkũbya bomo busana nʼeribumbabyo.

Yobũ 14:4

Nindi wangatoka erĩlũsya ekindu kibuya omo kĩtowene kwehĩ? Sihali nʼomuguma;

Esyonyimbo 51:5

Indi mubi erĩtsũka ekiro nabutawa, Erĩtsũka ekiro nabutawa nabiribya wʼamalolo.

Esyonyimbo 58:3

Abandu babi bakakola nabi okwʼibutwa lyabo; Bakabiha erĩtsũka ekiro babutawa.

Esyonyimbo 58:4

Boswĩre mwʼobuti ngʼesyonzoka; Bakahoma amatwĩ wabo, ngʼefira eyĩtĩowa.

Erĩlũayo 29:18

Kandi wasyokererya embangale yosĩ oko kiherero; ni buhere bwʼerĩokererya busana nʼOmwami Mukulu; ni bumba bowene, obuhere obukayirawa omo muliro busana nʼOmwami Mukulu.

Erĩlũayo 29:25

Kandi wasyalũsyabo oko byala byabo, nʼerĩokereryabyo oko kiherero oko buhere bwʼerĩokererya, eribya nʼobumba bowene embere syʼOmwami Mukulu; ni buhere bukayirawa omo muliro busana nʼOmwami Mukulu.

Emĩsyo 20:9

Nindi wangabũga ati, Nabĩrĩerya omutima wage, Nyerĩre kwʼebibi byage kwehĩ?

Omũgambũlĩ 7:20

Kwenene sihali mundu utunganene muna-kihugo, oyukakola ebibuya emigulu yosĩ ĩsĩalĩhalaya.

Ĩsaya 47:12

Watahangana lino omo malyolyo wawe, nʼomo malagu wawe mangi, ago wabirikolera erĩtsũka omo bũlwana bwawe. Mbino wamabya wasyatoka eribana ndũndĩ, mbino wasyaleta erititimana.

Ĩsaya 47:15

Neryo litya abandu abo babiribya busana nawe, ababiritunda haguma nabo, ababirikola haguma nawe okwʼĩtsũka lyʼobũlwana bwawe. Obuli mundu abirigalaganda omo nzira yiwe. Sihali mundu wʼerĩkũlamya.

Ĩsaya 48:8

Sũlĩtowago. Sulitaminya. Nʼerĩtsũka kera okũtũ kwawe mokutahundukala. Kusangwa nabya nyasĩ kʼukanditeba, kandi ko wahulawa mo mundu wʼerihona erĩtsũka omo nda.

Ĩsaya 53:6

Ĩtwe bosĩ ngʼesyombũlĩ twabiritala. Twabirikita obuli mundu omo nzira yiwe, nĩkwa Omwami Mukulu abirireka ebibi byetu ĩtwe bosĩ erimuwirako.

Ĩsaya 65:6

Lebaya, ekĩ kĩsakĩre embere syage: Sindiendisyahuna, nĩkwa nasyaliha, ega nasyaliha omo kĩkũba kyabo.

Yeremĩa 17:9

Omutima ni wʼeriteba kwilaba emyatsi yosĩ, kandi alwere nabi. Nindi wangatoka eriminyago kwehĩ?

Yeremĩa 18:12

Nĩkwa basyabũga bati, Ni buyira! Kusangwa tukandisyakwama erĩyĩsũnza lyetu, kandi twasyakola obuli mundu ngʼobutsibu bʼomutima wuwe mubi.

Yeremĩa 8:6

Monahulikirira monowa, nĩkwa mobatabũga kwenene. Sihali mundu oyukabinduka oko bibi biwe, ati, Nabirikolakĩ kwehĩ? Obuli mundu akasubira emitsye yiwe ngʼesabayĩrĩ kwʼikatibita kutsibu oko malwa.

Ezekĩelĩ 20:41

Nasyabalĩga ngʼerikumba lĩsĩhĩre ndeke, omugulu nasyabalũsya omo bihanda, nʼeribakuma-kuma omo bihugo ebyo mwapanzirawamo. Nage nasyakangya ko ndi mũbũyĩrĩre omo katĩkatĩ kenyũ omo meso wʼebihanda.

Abalawĩ 1:13

Nĩkwa ebyʼomo nda nʼemihimbi asyeryabyo omo magetsi. Nʼomũhererĩ asyahera ebyosĩ nʼerĩokereryabyo oko kiherero; ni buhere bwʼerĩokererya, obuhere obũkokĩbawa oko muliro, ekikumbo kĩsĩhĩre busana nʼOmwami Mukulu.

Abalawĩ 1:17

Kandi asyakatulira omo bĩpũpa byako, nĩkwa isiatulako mo bihande bibiri. Nʼomũhererĩ asyokereryako oko kiherero, endata oko ngwĩ esiri oko muliro; ni buhere bwʼerĩokererya, obuhere obũkokĩbawa oko muliro, ekikumbo ekĩsĩhĩre busana nʼOmwami Mukulu.

Abalawĩ 1:9

Nĩkwa ebyʼomo nda nʼemihimbi yayo asyeryabyo omo magetsi. Nʼomũhererĩ asyahĩsĩrĩrya ebyosĩ endata oko kiherero busana nʼobuhere bwʼerĩokererya, obuhere, obũkokĩbawa oko muliro, ekikumbo kĩsĩhĩre oko Mwani Mukulu.

Abalawĩ 26:31

Kandi nasyayira emĩyĩ yenyũ mo bĩma, nʼahabũyĩrĩre henyũ nasyatsandyaho, kandi sindiendisyakumbirwa oko bumba bwʼekikumbo kĩsĩhĩre kyenyũ.

Abalawĩ 4:31

Kandi asyalũsyaho ebĩsabũ byayo byosĩ ngoko bĩsabũ byalũsĩbawaho oko hongo yʼamahere wʼobuholo; nʼomũhererĩ asyahĩsĩrĩryabyo oko kiherero busana nʼekikumbo kĩsĩhĩre busana nʼOmwami Mukulu; nʼomũhererĩ asyamũsanganĩa omo mbanulo busana naye, naye asyabuyirwa.

Abalawĩ 8:28

Neryo Musa mwalũsyabyo omo byala byabo nʼerĩhĩsĩrĩryabyo omo mũkĩ oko kiherero haguma nʼobuhere bwʼerĩokererya. Byabya buhere bwʼerihigula busana nʼekikumbo kĩsĩhĩre; bwabya buhere obwabĩrĩokererĩbwa oko muliro busana nʼOmwami Mukulu.

Emiganzo 15:3

neryo muyire ehongo oko muliro busana nʼOmwami Mukulu, obuhere bwʼerĩokererya, kutse obuhere bwʼerikera erĩberererya erĩlahĩrya, kutse ehongo yʼeriyitswa kutse omo biro bikulu byenyũ ebyahamulawa, eriyirira Omwami Mukulu yʼekikumbo kĩsĩhĩre, omo syonde, kutse oko mbũlĩ.

Matayo 15:19

Kusangwa omo mutima wʼomundu mukahuluka amalengekanĩa mabi, erĩĩta, erĩsĩngĩra, amaragane, erĩĩba, eribihira bandi, nʼebĩtsũmĩ.

Yoane 3:6

Omubiri akabuta omubiri, nʼOmũlĩmũ akabuta Omũlĩmũ.

AbanyaRoma 1:21

Kusangwa nomo banabya basĩ Nyamuhanga, mobatamũsĩkya nga Nyamuhanga, kutse erimuha ewasĩngya. Amalengekanĩa wabo abiribya buyira, kandi omwĩrĩmya abiringira omo mitima mĩkĩrũ yabo.

AbanyaRoma 3:23

Nĩkwa abandu bosĩ babirikola ebibi, kandi sĩbehĩka oko lukengerwa lwa Nyamuhanga.

2 AbanyaKorinto 2:15

Kusangwa tuli ngʼobukwa bwa Kristo embere sya Nyamuhanga obukakumba ndeke busana nʼabakalamĩbawa, kandi busana nʼabakahera.

AbanyaEfeso 5:2

Mukole ebyosĩ omo lwanzo, ngoko Kristo atwanza, kandi mwaha engebe yiwe busana netu ngʼobuhere obukakumba ndeke, ehongo eyĩkatsemesaya Nyamuhanga.

AbanyaFilipi 4:18

Nĩkwa nabiribana ebyosĩ, ngwite bingi; sindibula nʼekindu busana nʼolũsũnzo lwenyũ, olo Epafrodito aleta. Nĩ ʼhĩtya erikakumba ndeke, embere wa Nyamuhanga obuhere obutolere, obũkatsemesaya Nyamuhanga yo ndeke.

1 Yoane 5:19

Kandi tũnasĩ ko tuli ba Nyamuhanga, nʼekihugo kyosĩ kiri omo bũtokĩ bwʼOmubi Oyũ.

1 Samwelĩ 26:19

Nĩkwa lino kĩsĩ-kĩsĩ nyiti, omukama wage mwami ahũlĩkĩrĩraye ebĩnywa byʼomugombe wuwe. Amabya Omwami Mukulu ĩyũkakũkola-kolaya erilwa nage, alĩge ehongo; nĩkwa bamabya ini bandu, batakirawe embere syʼOmwami Mukulu; kusangwa bamanyihiga mũnabwĩre bati sinangamakirirana nʼomwandu wʼOmwami Mukulu, bati, Ugende, ukolere esindi nyamuhanga.