Enzũko 7:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo Noa mwingira omo bwato, nʼabagala buwe, na mũkalĩwe, nʼabalĩana buwe, busana nʼerigunga lyʼamagetsi.

Enzũko 7:7 Iomraidhean Croise

Enzũko 6:18

Nĩkwa nasyĩmanĩa endagano yage haguma nawe. Nawe wasyingira omo bwato, uwe, nʼabagala bawe, nʼomũkalĩ wawe, nʼabakalĩ bʼabagala bawe.

Enzũko 7:1

Omwami Mukulu mwabwira Noa ati, Ingira uwe nʼekĩtũnga kyawe kyosĩ omo bwato, kusangwa nabirikulangira kʼutunganene embere syage omo lulengo Olũ.

Emĩsyo 22:3

Omundu mũgerekanĩa amalangira ebibi akayĩbĩsa; Nĩkwa abakĩrũ bakatwangana ibahutala busana nabyo.

Matayo 24:38

Kusangwa ngʼomo biro ebyo embere wʼerigunga lyʼamagetsi, mobabya bakalya nʼerĩpũlya, mobabya bakahĩkya nʼerĩherũkanĩa, erĩhĩka oko kiro ekyo Noa ingira omo bwato.

Luka 17:27

Mobalya, mobapũlya, mobahĩkya, mobaherũkanĩa erĩhĩka oko kiro Noa ingira omo bwato, nʼerigunga lyʼamagetsi molyasa nʼerĩherya abosĩ.

AbaEbrania 11:7

Kandi busana nʼerĩkĩrĩrya, Noa iniakahanawa na Nyamuhanga busana nʼemyatsi eyite yalolwako, mwakenga Nyamuhanga; neryo mwakokotya obwato busana nʼerĩlamya ekĩtũnga kiwe. Busana nʼekĩ mwahĩra olubanza oko kihugo, neryo mwabana eritunganene erĩkahĩka omo nzira yʼerĩkĩrĩrya.

AbaEbrania 6:18

Neryo hali myatsi ĩbĩrĩ eyĩ eyitetoka eribinduka, kandi Nyamuhanga sialitoka eribiha muyo. Busana nʼemyatsi eyĩ, tukahanda emitima yo kutsibu, ĩtwe twabirisagira uku Nyamuhanga, tuhambe ndeke amaha awabĩrĩhĩrwa embere syetu.

1 Petero 3:20

Ebĩrĩmũ ebĩ byabya ĩsĩbĩrĩowa Nyamuhanga, omugulu abya akalindabo omo butaluha oko biro ebyo Noa abya akahĩmba obwato. Nʼomo bwato obo abandu bake, Omunani musa, mobalamĩbwa omo magetsi ayo.

2 Petero 2:5

Kandi Nyamuhanga mwatabalya ekihugo kya kera, nĩkwa mwateya Noa omũtũlĩ wʼeritunganene haguma nʼabandi balinda, mwabalyabo ekiro aleta erigunga lyʼamagetsi oko kihugo kyʼabandu abatakenga Nyamuhanga.