Enzũko 7:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Kandi ebihangikwa byosĩ mobyahola ebikagenda oko kihugo, esyonyonyũ, esyonde, nʼesyonyama, obuli kindu ekikakululuka oko kitaka, nʼobuli mundu.

Enzũko 7:21 Iomraidhean Croise

Enzũko 1:25

Neryo Nyamuhanga mwahangika esyonyama syʼomolĩ ngʼomũsĩndo wasyo, nʼesyonyama syʼeka ngʼomũsĩndo wasyo, nʼobuli kindu ekikakululuka oko kitaka ngʼomũsĩndo wakyo. Neryo Nyamuhanga mwalangira ko byowene.

Enzũko 6:13

Neryo Nyamuhanga mwabũga na Noa ati, Namayisoha eribuga abandu bosĩ; kusangwa ekihugo kyabĩrĩũsũla nʼomwaga busana nabo. Lebaya, ngandĩsyaheryabo haguma nʼekihugo.

Enzũko 6:17

Neryo nage, lebaya, ngaleta erigunga lyʼamagetsi oko kihugo, erĩherya, ebyosĩ ebikahumula ebiri nʼengebe omwisi wabyo eyĩkwa oko bũtũkũ. Obuli kindu kiri omo kihugo kyasyahola.

Enzũko 7:4

Kusangwa hakĩsĩya biro birinda ĩnawĩsya embũla oko kihugo ebiro makũmĩ anĩ omo musibo nʼomo kiro Obuli kindu ekiriho ekyo nabirihangika nasyaheryakyo oko bugali bwʼekitaka.

Yobũ 34:15

Neryo abandu bosĩ ibahola, Nʼerisuba kandi omo lũtũtũ.

Ĩsaya 24:19

Ekihugo kĩbũnĩkĩre kutsibu, ekihugo kĩtũlamĩre, ekihugo kĩsũkene kutsibu.

Ĩsaya 24:6

Busana nʼekyo, eritakira lyabirirya ekihugo, nʼabĩkere mukyo babiribanika kʼomusango. Busana nʼekyo, esyondũlanĩ syʼekihugo syabirĩsũnzũkalira, nʼabandu bake basĩgere.

Hosea 4:3

Kikaleka ekihugo ikyalira, nʼobuli mundu oyo wĩkeremo akabonda, haguma nʼesyonyama syʼomolĩ, nʼesyonyonyũ syʼekyanya; ega, nʼamahere wʼomo ngetsi akabulirana.

Yoelĩ 2:3

Omuliro akahĩsaya embere syabo; nʼenyũma kubo ekirimi kyʼomuliro kĩkahĩsaya; ekihugo kiri ngʼeririma lyʼeEdenĩ embere syabo; nʼenyũma kubo embwarara yʼomulala; ega, sihali oyukalama kubo.

Zefania 1:3

Nasyahwerekererya abandu nʼesyonyama; nasyahwerekererya nʼerĩlũsya esyonyonyũ syʼekyanya, nʼesĩswĩ esyʼomo ngetsi, nʼebĩkatwĩkalaya haguma nʼababi; Omwami Mukulu ati, Nasyabugaho abandu erĩlũa oko kitaka.

Matayo 24:39

Mobataminya ekyabya erĩhĩka aho erigunga lyʼamagetsi lyasira nʼeritwala bosĩ. Erĩhĩka lyʼomugala wʼomundu ko likandisyabya litya.

Luka 17:27

Mobalya, mobapũlya, mobahĩkya, mobaherũkanĩa erĩhĩka oko kiro Noa ingira omo bwato, nʼerigunga lyʼamagetsi molyasa nʼerĩherya abosĩ.

AbanyaRoma 8:20

Kusangwa ebihangikwa mobyatswerwa eribya buyira, butsira omwʼisonda lyabo, nĩkwa kusangwa Nyamuhanga mwatswerabyo atya. Nĩkwa habya amaha,

AbanyaRoma 8:22

Kusangwa tũnasĩ erĩhĩka lino ebihangikwa byosĩ bĩkasĩmba nʼerikunda haguma.

2 Petero 2:5

Kandi Nyamuhanga mwatabalya ekihugo kya kera, nĩkwa mwateya Noa omũtũlĩ wʼeritunganene haguma nʼabandi balinda, mwabalyabo ekiro aleta erigunga lyʼamagetsi oko kihugo kyʼabandu abatakenga Nyamuhanga.