Enzũko 7:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Neryo oko mwaka wʼamagana ndatu wʼeribyaho lya Noa, oko mukera wʼakabiri, oko kiro kyʼerĩkũmĩ nʼebirinda kyʼomukera, oko kiro ekyo esĩsoko syosĩ syʼemitobero minene-minene mosyahũta, nʼebĩtũ byʼelubula mobyawĩsya embũla.

Enzũko 7:11 Iomraidhean Croise

Enzũko 1:7

Neryo Nyamuhanga mwahangika ekyanya, neryo mwagaba amagetsi awali eyĩkwa oko kyanya nʼamagetsi awali endata wʼekyanya; neryo mokyabya kitya.

Enzũko 6:17

Neryo nage, lebaya, ngaleta erigunga lyʼamagetsi oko kihugo, erĩherya, ebyosĩ ebikahumula ebiri nʼengebe omwisi wabyo eyĩkwa oko bũtũkũ. Obuli kindu kiri omo kihugo kyasyahola.

Enzũko 7:6

Neryo Noa abya wʼemyaka magana ndatu omugulu erigunga lyʼamagetsi lyahĩka oko kitaka,

Enzũko 8:14

Nʼoko mukera wʼakabiri oko kiro kyʼamakũmĩ abiri nʼebirinda kyʼomukera, ekitaka ikyabiriuma.

Enzũko 8:2

Nʼesĩsoko syʼemitobero nʼebĩtũ byʼekyanya mobyũmbya erĩwĩsya embũla, nʼembũla eyĩkalũa omo kyanya moyakakĩrĩbwa.

2 Abami 7:19

Nʼomukulu oyo mwasũbĩrya omundu wa Nyamuhanga, ati, Lino, lebaya, Omwami Mukulu amayira amadĩrĩsa omo lubula omwatsi ali ngʼoyũ anganatokekana eribya kwehĩ? Elĩsa naye mwabũga ati, Lebaya, wasyalangirakyo omo meso wawe, nĩkwa Siwendisyalya kubyo.

2 Abami 7:2

Neryo omukulu oyo omwami abya egemereko oko byala biwe mwasũbĩrya omundu wa Nyamuhanga ati, Lebaya, Omwami Mukulu amayira amadĩrĩsa wʼelubula, omwatsi oyũ anganatokekana kwehĩ? Neryo Elĩsa mwabũga ati, Lebaya, wasyasamalirakyo omo meso wawe, nĩkwa Siwendisyalya kubyo.

Yobũ 12:15

Lebaya, akakakĩraya amagetsi, nago iniuma; Kandi, akatumago, nago ĩnĩũsũla omo kihugo.

Yobũ 28:4

Akatakula ekyũna kiri ahate bandu, Aho ebisando byʼabandu bitalendera; Bakaleremba hali oko bandu omo lukoba eyo bakakola ĩbobene.

Yobũ 38:16

Wabiriingira omo syongũnũnũko syʼengetsi kwehĩ? Kutse wabirirenderera omo mitobero eyʼemirindi kwehĩ?

Yobũ 38:37

Nindi yuwite amenge awangaganza ebĩtũ kwehĩ? Kutse nindi wangatoka erĩũta amatambya wʼamagetsi wʼembũla gʼomo kyanya kwehĩ?

Esyonyimbo 33:7

Mwahĩndanĩa esyongetsi syosĩ syo haguma; Kandi mwabika emitobero omo syombĩso.

Esyonyimbo 74:15

Mowaleka esyongũnũnũko nʼesĩsoko isyasenda; Kandi mowũmya esyonyũsĩ nene-nene.

Emĩsyo 3:20

Omwʼiminya liwe emirindi moyagabana, Nʼebĩtũ bĩkatogongaya ekimi.

Ĩsaya 24:18

Neryo kyasyabya, oyukasaga omulenge wʼerĩkwa asyawa omo buhya nʼoyũkalũa omo buhya asyanĩgwa omo kitego, kusangwa ebĩtũ byʼekyanya bĩkawĩsaya embũla, nʼebibanza byʼekihugo bĩkasũkana.

Ĩsaya 24:19

Ekihugo kĩbũnĩkĩre kutsibu, ekihugo kĩtũlamĩre, ekihugo kĩsũkene kutsibu.

Yeremĩa 5:22

Omwami Mukulu ati, Simulinyubaha kwehĩ? Simwendisyatitimanira embere syage, ĩngye nayira emisege eribya mutano wʼengetsi, ni kihano kyʼebiro byosĩ isiyangalaba kugo. Nomo ebisunda byayo byangayigusanga, sibyangatoka. Nomo byangahuha sibyangatwangana kuyo.

Yeremĩa 51:16

Omugulu akagusa omulenge wuwe, hali erihuha lyʼamagetsi omo bũtũkũ, naye akahetũkaya ebĩtũ bĩkalũa oko ndũlĩ syʼekihugo. Akayira emĩrabyo busana nʼembũla, akahũlũkaya erihunga omo mbĩso siwe.

Ezekĩelĩ 26:19

Kusangwa Omukama Iye Omwami Mukulu ati, Omugulu nasyakuyira mo kĩma kyʼomũyĩ, ngʼemĩyĩ eyite ko bandu, omugulu nasyakuleta kwʼemirindi, nʼamagetsi manene asyakũkũnĩngĩra,

Malakĩ 3:10

Mulete ekiguma kyʼomwʼĩkũmĩ kyosĩ omo mbĩso, akalyo kabye omo nyũmba yage, kandi munyirenge lino Ũmwʼekĩ, Omwami Mukulu Wʼemilondo atya, nga sindiendisyabakingulira amadĩrĩsa wʼelubula nʼerĩbũtũlĩrako omũyĩsa, isihangabanika obwaga.

Matayo 24:38

Kusangwa ngʼomo biro ebyo embere wʼerigunga lyʼamagetsi, mobabya bakalya nʼerĩpũlya, mobabya bakahĩkya nʼerĩherũkanĩa, erĩhĩka oko kiro ekyo Noa ingira omo bwato.

1 AbanyaTesalonika 5:3

Omugulu abandu bakabũga bati, Hali Obuholo nʼerĩyĩsyandira, neryo-neryo eritogota lyasyĩtabo! Nabo sibendisyabala nʼahake, lyasyahĩka ngʼerikunda erĩkahĩka oko mũkalĩ.

2 Petero 3:6

kandi busana nʼamagetsi. Kandi ekihugo kyʼomugulu oyo mokyaherĩbwa omwʼigunga lyʼamagetsi.