Enzũko 6:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Aya wa masako wʼesyondengo sya Noa. Noa abya mundu utunganene, ĩnĩahĩkene omo syondengo siwe. Noa mwabya akalendera haguma na Nyamuhanga.

Enzũko 6:9 Iomraidhean Croise

Enzũko 10:1

Neryo esyondengo syʼabagala ba Noa syesĩ, esya Semũ, Hamũ, na Yafetĩ, neryo mobabuta abagala enyũma wʼerigunga lyʼamagetsi.

Enzũko 17:1

Neryo omugulu Abramu abya wʼemyaka makũmĩ mwenda nʼomwenda Omwami Mukulu mwamuhulukira, mwabũga naye ati, Ĩngye indi Nyamuhanga Omũtokĩ Wʼebyosĩ. Ulendere embere syage, ũhĩkane.

Enzũko 2:4

Esĩ ni ndengo syʼolubula nʼekihugo omugulu byahangikawa. Ekiro Omwami Mukulu Nyamuhanga ahangika ekihugo nʼolubula.

Enzũko 48:15

Neryo Yakobo mwatsumula Yosefũ, nʼerĩbũga ati, Nyamuhanga oyo abotata wage abo Abrahamũ na Ĩsaka balendera embere siwe, Nyamuhanga oyo wanyirembera omo ngebe yage yosĩ erĩhĩka mũnabwĩre.

Enzũko 5:1

Ekĩ kye kitabu kyʼesyondengo sya Adamu. Oko kiro Nyamuhanga ahangika omundu, mwamuyira omo kĩsosekanĩo kya Nyamuhanga.

Enzũko 5:22

Neryo Enoka mwalendera haguma na Nyamuhanga enyũma wʼeributa Metũsela emyaka magana asatu, neryo mwabuta abagala nʼabali.

Enzũko 5:24

Neryo Enoka mwabya akalendera haguma na Nyamuhanga, neryo mwataswabya eno, kusangwa Nyamuhanga mwamutwala.

Enzũko 6:10

Neryo Noa mwabuta bagala basatu, Semũ, Hamũ, na Yafetĩ.

Enzũko 7:1

Omwami Mukulu mwabwira Noa ati, Ingira uwe nʼekĩtũnga kyawe kyosĩ omo bwato, kusangwa nabirikulangira kʼutunganene embere syage omo lulengo Olũ.

2 Samwelĩ 22:24

Nabya nyĩhĩkene embere siwe; Kandi monayĩteya oko bibi byage.

1 Abami 3:6

Neryo Solomono mwabũga ati, Wabĩrĩkangya omugombe wawe tata wage Dawĩdĩ obubuya bunene bʼolwanzo ngoko alendera embere syawe omo kwenene, nʼomo litunganene, nʼomo bulungukale bʼomutima haguma nawe; nawe wabirimubikira obubuya bʼolwanzo bunene obũ, iwabirimuha mugala erĩĩkala oko kĩtũmbĩ kiwe kyʼobwami, ngoko biri mũnabwĩre.

2 Emyatsi yʼEmigulu 15:17

Nĩkwa ahendata mohatalũsĩbwaho omo Baĩsraelĩ; nĩkwa omutima wa Asa abya ahĩkene ebiro biwe byosĩ.

2 Emyatsi yʼEmigulu 25:2

Naye mwakola eritunganene omo meso wʼOmwami Mukulu; nĩkwa butsira omo mutima gosĩ.

Yobũ 1:1

Omo kihugo kyʼeŨzĩ habya mundu erĩna liwe iyo Yobũ; nʼomundu oyo abya ahĩkene nʼoyutunganene, nʼoyukakenga Nyamuhanga, ĩnĩakahũtata oko bibi.

Yobũ 1:8

Neryo Omwami Mukulu mwabũlya Satanĩ ati, Wabĩrĩganĩrya omwatsi wʼomugombe wage Yobũ kwehĩ? Kusangwa sihali oyuli nga ye omo kihugo, omundu oyũhĩkene nʼoyutunganene, oyukakenga Nyamuhanga, nʼerĩhũtatira ebibi.

Yobũ 12:4

Ĩngye indi ngʼoyũkasekererĩbawa na mũlĩkyabo, Oyo wabirikira Nyamuhanga, naye mwatasũbĩrya. Omundu oyutanganene, nʼoyũhĩkene abere kĩsekereryo.

Esyonyimbo 37:37

Nĩkwa Ũlebaye omundu oyũhĩkene, kandi usamalire oyutunganene, Omundu wʼobuholo awite abana.

Esyonyimbo 37:39

Nĩkwa Omwami Mukulu akalamaya bandu abatunganene, Akahanganirabo omo mugulu wʼobũlĩge.

Emĩsyo 4:18

Nĩkwa enzira yʼabatunganene iri ngʼekyakakala kyʼomwĩtsange, Ekĩkakoleraya nʼerikanya erĩhĩka oko kiro kĩyĩma-yĩma.

Omũgambũlĩ 7:20

Kwenene sihali mundu utunganene muna-kihugo, oyukakola ebibuya emigulu yosĩ ĩsĩalĩhalaya.

Ezekĩelĩ 14:14

Omukama Iye Omwami Mukulu ati, Nomo abandu basatu aba, Noa, Danĩelĩ, na Yobũ, babya mukyo, mobayĩlamya ĩbobene omo litunganene ryabo.

Ezekĩelĩ 14:20

nomo Noa, Danĩelĩ, na Yobũ, banabya omo kihugo ekyo, Ngoko nyiriho, Omukama Iye Omwami Mukulu ati, Sibangatoka erĩlamya omugala kutse mwali, bangayĩlamya ĩbobene busana nʼeritunganene ryabo.

Habakũkĩ 2:4

Lebaya, busana nʼoyukayiheka; omutima wuwe siatunganene omwisi wuwe; nĩkwa omutunganene embere sya Nyamuhanga asyabyaho busana nʼerĩkĩrĩrya liwe.

Luka 1:6

Kandi ababiri bosĩ babya batunganene embere sya Nyamuhanga, ibakakwama ndeke ebihano byosĩ nʼebilayiro byʼomukama.

Luka 2:25

Neryo habya omundu eYerũsalema oyukahulawa mo Sĩmeonĩ. Abya mundu utunganene iniakakenga Nyamuhanga. Abya akalinda erilama lyʼeĨsraelĩ; nʼOmũlĩmũ Abũyĩrĩre abya haguma naye.

Luka 23:50

Nĩkwa habya omundu oyukahulawa mo Yosefũ wʼeArĩmatea, omũyĩ wʼAbayũda. Yosefũ abya mundu mubuya, nʼoyutunganene ini mundu wʼomwʼĩbũgĩro.

Emibiri 10:22

Nabo mobabũga bati, Kornelĩo, omukulu wʼerĩgana, ni mundu utunganene oyũkaramaya Nyamuhanga, kandi akakengawa nʼabandu bosĩ bʼAbayũda. Ahanawa nʼomũlaĩka wa Nyamuhanga akutumireko eriya ewuwe, owe ebĩnywa byawe.

AbanyaRoma 1:17

Kusangwa Engulu Yowene ĩkatũbĩsũlĩra ngoko Nyamuhanga akatũngananaya omundu embere siwe, omwʼĩkĩrĩrya lisa, ngoko kĩsakĩre kiti, Nĩkwa oyukatunganana embere sya Nyamuhanga busana nʼerĩkĩrĩrya asyakota.

AbanyaGalatia 3:11

Nĩkwa kiminyikere ko hate mundu oyukayirawa mo mutunganene embere sya Nyamuhanga busana nʼEmigambo, Kusangwa kĩsakĩre kiti, Omutunganene asyabyaho busana nʼerĩkĩrĩrya.

Eryibuka Ebihano 18:13

Mwasyabya butsira lubanza embere syʼOmwami Mukulu, Nyamuhanga wenyũ.

AbaEbrania 11:7

Kandi busana nʼerĩkĩrĩrya, Noa iniakahanawa na Nyamuhanga busana nʼemyatsi eyite yalolwako, mwakenga Nyamuhanga; neryo mwakokotya obwato busana nʼerĩlamya ekĩtũnga kiwe. Busana nʼekĩ mwahĩra olubanza oko kihugo, neryo mwabana eritunganene erĩkahĩka omo nzira yʼerĩkĩrĩrya.

1 Petero 2:5

Mwase ngʼamabwe awawite engebe, mũhĩmbawe mo hekalũ yʼekĩrĩmũ, mubye abahererĩ babũyĩrĩre, abakaherera esyohongo syʼekĩrĩmũ busana na Yesu Kristo, esĩkatsemesaya Nyamuhanga.

2 Petero 2:5

Kandi Nyamuhanga mwatabalya ekihugo kya kera, nĩkwa mwateya Noa omũtũlĩ wʼeritunganene haguma nʼabandi balinda, mwabalyabo ekiro aleta erigunga lyʼamagetsi oko kihugo kyʼabandu abatakenga Nyamuhanga.