Enzũko 6:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo Omwami Mukulu mwabũga ati, Ngandĩsyaherya omundu oyo nabumba erĩlũa oko kihugo, omundu, nʼenyama, nʼebindu ebikakululuka, nʼesyonyonyũ syʼomo kyanya. Kusangwa namayĩkũbya bomo busana nʼeribumbabyo.

Enzũko 6:7 Iomraidhean Croise

Enzũko 6:6

Neryo Omwami Mukulu mwayĩkũbya bomo busana nʼeribumba omundu omo kihugo, mokyamwĩta bũlĩge omo mutima wuwe.

Enzũko 7:21

Kandi ebihangikwa byosĩ mobyahola ebikagenda oko kihugo, esyonyonyũ, esyonde, nʼesyonyama, obuli kindu ekikakululuka oko kitaka, nʼobuli mundu.

Enzũko 7:4

Kusangwa hakĩsĩya biro birinda ĩnawĩsya embũla oko kihugo ebiro makũmĩ anĩ omo musibo nʼomo kiro Obuli kindu ekiriho ekyo nabirihangika nasyaheryakyo oko bugali bwʼekitaka.

Enzũko 8:21

Neryo Omwami Mukulu mowa erikumba lĩsĩhĩre. Neryo Omwami Mukulu mwabũga omo mutima wuwe, ati, Sindiendisyaswatakira ekitaka busana nʼomundu kusangwa amalengekanĩa wʼomutima wʼomundu ni mabi erĩtsũka omo bũlwana. Kandi sindiendĩsyaswĩta obuli kindu kiriho, ngoko nabirikola.

Esyonyimbo 37:20

Nĩkwa ababi basyahola, Esyonzĩgũ syʼOmwami Mukulu syasyabulirana ngʼobũsoyo bwʼomolĩ, Syasyalenga ngʼomũkĩ.

Emĩsyo 10:27

Eriubaha lyʼOmwami Mukulu likatomekera ebiro; Nĩkwa emĩtũta yʼababi yasyakehĩbwa.

Emĩsyo 16:4

Omwami Mukulu abirihangika obuli kindu busana nʼerĩtegekanĩa lyakyo; Ega, abirihangika ababi busana nʼekiro kyʼobũlĩge nʼerihera.

Ĩsaya 27:11

Omugulu emitahi yago yamabiuma, yasyabũnangwa. Abakalĩ basyasa nʼerĩhĩsyayo omo muliro. Kusangwa si bandu bawite eriminya. Busana nʼekyo omũbũmbĩ wabo siendisyaganyirabo. NʼOmũhangĩkĩ wabo siendĩsyakwĩrabo olukogo.

Hosea 4:3

Kikaleka ekihugo ikyalira, nʼobuli mundu oyo wĩkeremo akabonda, haguma nʼesyonyama syʼomolĩ, nʼesyonyonyũ syʼekyanya; ega, nʼamahere wʼomo ngetsi akabulirana.

Amosĩ 7:3

Omwami Mukulu mwasuba oko mutima busana nʼekĩ. Omwami Mukulu ati, Sikyendisyabya.

Amosĩ 7:6

Ũkwʼekĩ Omwami Mukulu mwasuba oko mutima. Omukama, Omwami Mukulu mwabũga ati, Ekĩ sikyendisyabya.

Zefania 1:18

Ebĩtsĩpa byabo kutse esyamagetsi syabo, sibyendisyatoka erĩlamyabo oko kiro kyʼeriagalirwa lyʼOmwami Mukulu; nĩkwa ekihugo kyosĩ kyasyatimbikwa omo muliro gʼobũha buwe; kusangwa asyahĩra endũlĩ yo ndeke, ega, endũlĩ yʼerĩũbahya, busana nʼabosĩ abĩkere omo kihugo.

Zefania 1:2

Omwami Mukulu ati, Nasyahwerekererya ebindu byosĩ erĩlũsyabyo endata oko kihugo.

Zefania 1:3

Nasyahwerekererya abandu nʼesyonyama; nasyahwerekererya nʼerĩlũsya esyonyonyũ syʼekyanya, nʼesĩswĩ esyʼomo ngetsi, nʼebĩkatwĩkalaya haguma nʼababi; Omwami Mukulu ati, Nasyabugaho abandu erĩlũa oko kitaka.

Eryibuka Ebihano 28:63

Neryo ngoko Mwami Mukulu abatsemera eribakola ebibuya, nʼerĩkũkanyĩa, litya Omwami Mukulu asyabatsemera erĩbaherya, nʼeribabugaho; nenyũ mwasyabakulwa omo kihugo ekyo mukingiramo erĩsĩgalyakyo.

Eryibuka Ebihano 29:20

Omwami Mukulu sĩendĩsyalĩga eribuyira omundu oyo, nĩkwa erihitana lyʼOmwami Mukulu nʼobũha buwe byasyaka erĩhĩsya omundu oyo, nʼobuli ʼtakira lyosĩ erĩsakĩre omo kitabu ekĩ lyasyamubundako, nʼOmwami Mukulu asyalĩmya erĩna liwe lyʼeyĩkwa oko bũtũkũ.

1 Samwelĩ 15:11

Namayĩkũbya bomo erĩhĩra Saũlo eribya mwami; kusangwa abirisuba enyũma butanyikwama, kandi sĩalĩtaberererya ebihano byage. Neryo Samwelĩ mwakwa obũlĩge, kandi mwalakira Omwami Mukulu omo kiro kyosĩ.