Enzũko 6:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Neryo Omwami Mukulu mwayĩkũbya bomo busana nʼeribumba omundu omo kihugo, mokyamwĩta bũlĩge omo mutima wuwe.

Enzũko 6:6 Iomraidhean Croise

Enzũko 6:7

Neryo Omwami Mukulu mwabũga ati, Ngandĩsyaherya omundu oyo nabumba erĩlũa oko kihugo, omundu, nʼenyama, nʼebindu ebikakululuka, nʼesyonyonyũ syʼomo kyanya. Kusangwa namayĩkũbya bomo busana nʼeribumbabyo.

2 Samwelĩ 24:16

Nʼomugulu omũlaĩka asumba ebyala biwe erĩlolyabyo eYerũsalema erĩheryako, Omwami Mukulu mwayĩbũnũla oko kibi ekyo, mwabwira omũlaĩka oyo waheraya bandu, ati, Bingaho; Ũkakĩraye ebyala byawe. Nʼomũlaĩka wʼOmwami Mukulu abya hakũhĩ nʼekĩhũmbĩro kya Araũna Omũyebũsĩ.

1 Emyatsi yʼEmigulu 21:15

Na Nyamuhanga mwatuma omũlaĩka eYerũsalema erĩheryago naye abere asonda erĩheryako, Omwami Mukulu mwasamalira, mwayĩganĩa busana nʼekibi ekyo, neryo mwabwira omũlaĩka wʼerĩherya ati, Bingaho; ũkakĩraye ebyala byawe. Nʼomũlaĩka wʼOmwami Mukulu abya imene hakũhĩ nʼekibuga kyʼerĩhũmbĩramo kya Ornanĩ Omũyebũsĩ.

Esyonyimbo 106:45

Busana nʼomwatsi wabo mwibuka erilaga liwe, Mwasuba oko mutima wuwe, busana nʼolwanzo luwe lunene.

Esyonyimbo 110:4

Omwami Mukulu mwalahĩrya, isiendisyabinduka ati, Uli mũhererĩ kera na kera, Ngʼomuhanda wʼobũhererĩ bwa Melkĩsedekĩ.

Esyonyimbo 119:158

Omugulu ngalangira abatekenga, ngakwabo obuyuyu, Kusangwa sibalikenga ebihano byawe.

Esyonyimbo 78:40

Engendo singahi bahona omo mbwarara, Kandi engendo singahi mobamwĩta obũlĩge eyo!

Esyonyimbo 81:13

Kumbe abandu bage bakanyihulikirira; Kumbe banzĩre erĩnyowa!

Esyonyimbo 95:10

Omo myaka makũmĩ ani monakwa abandu abo bo nye, Monabũga nyiti, Ni bandu bakatala ebiro byosĩ omo mitima yabo sibetaminya esyonzira syage!

Erĩlũayo 32:14

Neryo Omwami Mukulu mwabinduka oko kibi ekyo abũga ati asyakola oko bandu buwe.

Ĩsaya 48:18

Kumbe wahulikirira ebihano byage! Neryo Obuholo bwawe nga bwabiribya ngʼolũsĩ, nʼeritunganene ryawe ngʼebisunda byʼomo ngetsi.

Ĩsaya 63:10

Nĩkwa mobahona, mobagalĩranĩa Omũlĩmũ wuwe Abũyĩrĩre. Busana nʼekyo mwabinduka eribya nzĩgũ yabo, kandi mwalwa nabo.

Yeremĩa 18:7

Oko mugulu oyo nasyahula ekihanda, kutse busana nʼobwami, erikulabo, nʼerisambulabo, kutse erĩheryabo.

Yeremĩa 26:19

Hezekĩa omwami wʼeYũda, nʼeYũda yosĩ mobamwĩta kwehĩ? Nĩkwa Hezekĩa mwatubaha Omwami Mukulu nʼerisaba Omwami Mukulu olukogo kwehĩ? NʼOmwami Mukulu mwatayĩkũbya nʼerireka obũlĩge obo abũga busana nabo kwehĩ? Nĩkwa ĩtwe tũkayĩkolesaya ebibi binene busana netu.

Ezekĩelĩ 33:11

Ubwirebo uti, Omukama Iye Omwami Mukulu ati, Ngoko nyiriho! Sinditsemera oluholo lwʼababi, nĩkwa nyiti, kumbe ababi bakaleka enzira yabo babyeho. Mũbũnũkale, mũbũnũkale muleke esyonzira syenyũ nyibi! Busana nakĩ uwe kihanda kya Ĩsraelĩ, ukasonda erihola kwehĩ?

Hosea 11:8

Uwe Efũraĩmũ nasyakuleka nyiti kwehĩ? Uwe Ĩsraelĩ, nasyakugana nyiti kwehĩ? Nasyakuyira nga Adama nyiti kwehĩ? Nasyakukola nga Zeboĩmũ nyiti kwehĩ? Omutima wage abĩndwĩrwe omwisi wage, amaganĩryo wage abiriaka haguma.

Yoelĩ 2:13

Mũsatangaye emitima yenyũ, sĩmũsatangaye esyongimba syenyũ, mubindukire Omwami Mukulu Nyamuhanga wenyũ; kusangwa iye ni wʼeriganyira nʼowʼolukogo, isialihitana lũba, ĩnĩoswĩre omo bubuya bʼolwanzo, iniakayibindula siakole nabi.

Yona 3:10

Neryo Nyamuhanga mwalangira emĩbĩrĩ yabo, ngoko bamabinduka erĩlũa omo syonzira nyibi syabo; na Nyamuhanga mwayisubako oko kibi ekyo abũga ati akandikolabo; mwatakolakyo.

Malakĩ 3:6

Kusangwa, Ĩngye Mwami Mukulu, sindibinduka; kikaleka ĩnywe bagala ba Yakobo ĩmũtaherĩbwa.

Emiganzo 23:19

Nyamuhanga si mundu, uti angabiha, Kutse mugala wʼomundu, uti angayibindukako; Amabũga, isiendisyakolakyo kwehĩ? Kutse amabĩgũga, ĩsĩendĩsyaberereryakyo kwehĩ?

AbanyaRoma 11:29

Kusangwa olũsũnzo lubuya nʼeribirikira lya Nyamuhanga sibyebinduka.

AbanyaEfeso 4:30

Sĩmwĩte Omũlĩmũ Abũyĩrĩre wa Nyamuhanga wʼobũlĩge, kusangwa Omũlĩmũ Abũyĩrĩre nĩ kĩmĩnyĩsyo kyenyũ busana nʼekiro ekyo Nyamuhanga asyababohola.

Eryibuka Ebihano 32:29

Kumbe ni bʼamenge, nga babiriminya ekĩ, Ĩbaganĩrya ebĩkandĩsyahĩka kubo!

Eryibuka Ebihano 32:36

Kusangwa Omwami Mukulu asyakola erĩbanza busana nʼabandu buwe, Nʼeriganyira abagombe buwe; Omugulu akalangira amaka wabo iniahwere, Isihali oyũsĩgere, oyũbohĩrwe kutse oyũtabohĩrwe.

Eryibuka Ebihano 5:29

Kumbe bali nʼomutima owali ngʼoyũ omwisi wabo, ibanyubaha, nʼerĩteya ebihano byage ebiro byosĩ omwatsi iniatoka erĩũwana busana nabo nʼabana babo kera na kera!

AbaEbrania 3:10

Neryo monahitana oko bandu abo, Monabũga nyiti, Bakatala ebiro byosĩ omo mitima yabo; Sibetaminya esyonzira syage.

AbaEbrania 3:17

Nyamuhanga ahitana uku bahi oko myaka makũmĩ ani kwehĩ? Si ba bandu abakola ebibi abahwera omo mbwarara kwehĩ?

Yakobo 1:17

Obuli lũsũnzo lubuya nʼobuli lũsũnzo lowene, bĩkalũa endata, kandi bikasira uku Tata wʼekyakakala kyosĩ, oyutebinduka kutse eriyihindula.

1 Samwelĩ 15:11

Namayĩkũbya bomo erĩhĩra Saũlo eribya mwami; kusangwa abirisuba enyũma butanyikwama, kandi sĩalĩtaberererya ebihano byage. Neryo Samwelĩ mwakwa obũlĩge, kandi mwalakira Omwami Mukulu omo kiro kyosĩ.

1 Samwelĩ 15:29

Kandi Olukengerwa lwa Ĩsraelĩ silwendisyabiha kutse eribinduka; kusangwa iye si mundu ukayisubako.

1 Samwelĩ 15:35

Kandi Samwelĩ mwataswalola uku Saũlo erĩhĩka oko kiro kyʼoluholo luwe; kusangwa Samwelĩ mwalirira Saũlo. NʼOmwami Mukulu mwayĩkũbya bomo eriyira Saũlo mo mwami wʼAbaĩsraelĩ.