Enzũko 6:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Neryo Omwami Mukulu mwalangi­ra obubi bwʼabandu ibwamabya bungi omo kihugo, nʼakandi obuli bũlengekanĩa bwʼerĩganĩrya lyʼomutima wabo bwabya bubi busa-busa emigulu yosĩ.

Enzũko 6:5 Iomraidhean Croise

Enzũko 13:13

Nĩkwa abandu bʼeSodomo babya babi abakolĩ bʼamalolo kutsibu embere syʼOmwami Mukulu.

Enzũko 8:21

Neryo Omwami Mukulu mowa erikumba lĩsĩhĩre. Neryo Omwami Mukulu mwabũga omo mutima wuwe, ati, Sindiendisyaswatakira ekitaka busana nʼomundu kusangwa amalengekanĩa wʼomutima wʼomundu ni mabi erĩtsũka omo bũlwana. Kandi sindiendĩsyaswĩta obuli kindu kiriho, ngoko nabirikola.

Yobũ 15:16

Kwilaba aho, owʼesyonye nʼoyũtsandĩre, Omundu oyũkapũlaya ebibi ngʼamagetsi!

Yobũ 22:15

Wanzĩre erilaba omo nzira ya kera Eyo ababi balabamo kwehĩ?

Esyonyimbo 53:2

Nyamuhanga akasamalira eyĩkwa, iniane elubula, akasamalira abandu, Eriminya nga hane mundu wʼamenge, Kutse nga hane oyukasonda-sonda Nyamuhanga.

Emĩsyo 6:18

Omutima owakayĩtegekaya eriyikandayirira libi, Ebisando ebyangũhĩre oko bibi,

Omũgambũlĩ 7:29

Lebaya, namabana ekĩ ĩkyokyene: nyiti Nyamuhanga mwahangika abandu batunganene; nĩkwa mobasondya ebĩhĩmbano bingi.

Omũgambũlĩ 9:3

Ekĩ ni kibi omo byosĩ ebikakoleka eyĩkwa munakihugo hati hali mwatsi muguma busana nʼabosĩ. Kandi, emitima yʼabagala bʼabandu yoswĩre nʼobubi, nʼerĩsĩre liri omo mitima yabo, omugulu bakiriho. Nʼenyũma wʼaho bakaya oko baholĩ.

Yeremĩa 17:9

Omutima ni wʼeriteba kwilaba emyatsi yosĩ, kandi alwere nabi. Nindi wangatoka eriminyago kwehĩ?

Yeremĩa 4:14

Uwe Yerũsalema, weraye omutima wawe kwʼebibi, ubane erĩlamĩbwa. Amalengekanĩa wawe mabi asyĩkala omwisi wawe erĩkolyahi kwehĩ?

Ezekĩelĩ 8:12

Neryo mwambwira ati, Mugala wʼomundu, Wamalangira ebyo abakulu bʼekihanda kya Ĩsraelĩ bakakola omo mwĩrĩmya, obuli mundu omo byumba biwe byʼesyosanamu esĩbatsĩre kwehĩ? Kusangwa bakabũga bati, Omwami Mukulu sĩatũlangĩre. Omwami Mukulu abĩrĩsĩganĩa ekihugo.

Ezekĩelĩ 8:9

Naye mwambwira ati, Ingira, ũlebaye esyonye esyo bakakola hano.

Matayo 15:19

Kusangwa omo mutima wʼomundu mukahuluka amalengekanĩa mabi, erĩĩta, erĩsĩngĩra, amaragane, erĩĩba, eribihira bandi, nʼebĩtsũmĩ.

Matayo 24:37

Kusangwa erĩhĩka lyʼomugala wʼomundu lyasyabya ngʼomwatsi wʼebiro bya Noa.

Luka 17:26

Ngoko byabya omo biro bya Noa, ko bikandisyabya bitya omo biro byʼomugala wʼOmundu.

Eryibuka Ebihano 29:19

neryo ikyabya, omugulu akowa ebĩnywa byʼeritakira erĩ, akayitsumula omo mutima wuwe ati, Nasyabya nʼobuholo, nomo nangalendera omwʼiyihandika lyʼomutima wage, erĩherya ekitaka kyʼamagetsi haguma nʼekyũmĩre.

Tito 3:3

Kusangwa netu twabya bakĩrũ erĩmbere, isitulikenga, ĩtũkatebĩbawa. Twabya bakobe bʼesyongumbu nʼebyʼerĩyĩtsemesya, ebyʼemĩsĩndo yosĩ, itukasiba omo myatsi mibi, nʼeritsura, ĩtũkakwa abandi bʼekĩnĩga, nʼerikwama obusu.

1 Petero 3:20

Ebĩrĩmũ ebĩ byabya ĩsĩbĩrĩowa Nyamuhanga, omugulu abya akalindabo omo butaluha oko biro ebyo Noa abya akahĩmba obwato. Nʼomo bwato obo abandu bake, Omunani musa, mobalamĩbwa omo magetsi ayo.