Enzũko 5:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Ekĩ kye kitabu kyʼesyondengo sya Adamu. Oko kiro Nyamuhanga ahangika omundu, mwamuyira omo kĩsosekanĩo kya Nyamuhanga.

Enzũko 5:1 Iomraidhean Croise

Enzũko 10:1

Neryo esyondengo syʼabagala ba Noa syesĩ, esya Semũ, Hamũ, na Yafetĩ, neryo mobabuta abagala enyũma wʼerigunga lyʼamagetsi.

Enzũko 2:4

Esĩ ni ndengo syʼolubula nʼekihugo omugulu byahangikawa. Ekiro Omwami Mukulu Nyamuhanga ahangika ekihugo nʼolubula.

Enzũko 6:9

Aya wa masako wʼesyondengo sya Noa. Noa abya mundu utunganene, ĩnĩahĩkene omo syondengo siwe. Noa mwabya akalendera haguma na Nyamuhanga.

1 Emyatsi yʼEmigulu 1:1

Adamu na Setĩ na Enosĩ;

Omũgambũlĩ 12:1

Wibuke nibya Omũhangĩkĩ wawe omo biro byʼobũlwana bwawe, ebiro bibi bite byahĩka, kutse emyaka ite yasegera hakũhĩ, omugulu wasyabũga uti, Sinditsemera mubyo.

Omũgambũlĩ 7:29

Lebaya, namabana ekĩ ĩkyokyene: nyiti Nyamuhanga mwahangika abandu batunganene; nĩkwa mobasondya ebĩhĩmbano bingi.

Matayo 1:1

Ekitabu kyʼesyondengo sya Yesu Kristo, mugala wa Dawĩdĩ, mugala wa Abrahamũ.

1 AbanyaKorinto 11:7

Omulume siangaswika omutwe wuwe, kusangwa iye akakanganaya ekĩsosekanĩo nʼolukengerwa bya Nyamuhanga. Nĩkwa omũkalĩ akakanganaya olukengerwa lwʼomulume.

2 AbanyaKorinto 3:18

Neryo kusangwa situwite ekitambara oko bũsũ bwetu, tũkakanganaya ngʼomo kiyo olukengerwa lwʼOmukama. Kandi busana nʼolukengerwa luwe tũkahĩndũkĩbawa omo kĩsosekanĩo kiwe omo lukengerwa luwe, kusangwa lũkalũa oko Mukama oyuli Mũlĩmũ.

AbanyaEfeso 4:24

Mubye bandu bahya-bahya abahangikawa omo kĩsosekanĩo kya Nyamuhanga, omo bitunganene nʼomo bĩbũyĩrĩre byʼekwenene.

AbanyaKolosai 3:10

Kandi mwabiriambala omundu muhya-muhya, oyo Nyamuhanga, mũhangĩkĩ wuwe akabindula, itwatoka erimusosa nʼerimuminya ndeke.

AbaEbrania 1:3

Omugala akakangabasanaya nʼolukengerwa lwa Nyamuhanga. Kandi iye ni kiminyikalo kwenene kyʼeribyaho lya Nyamuhanga. Kandi akahanganaya emyatsi yosĩ yʼekihugo nʼeyʼekyanya omo kĩnywa kyʼobũtokĩ buwe. Neryo abere abĩerya ebibi busana nʼabandu, mwĩkala oko luhande lwʼamali lwa Nyamuhanga Omwenye Obukulu Owendata kutsibu.

AbaEbrania 12:9

Kandi twabya nʼabotata wetu bʼekihugo ibakatukunga, netu motwakengabo. Sĩtwangowa kwilaba aho Tata wʼebĩrĩmũ byetu, itwabyaho kwehĩ?