Enzũko 48:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Neryo Yosefũ mwalũsyabo omo katĩkatĩ kʼamarwĩ wuwe. Mũnamĩrya obũsũ buwe bʼoko kitaka.

Enzũko 48:12 Iomraidhean Croise

Enzũko 18:2

Neryo mwasumba ameso wuwe mwalangira, neryo, lebaya, abandu basatu ibanimene embere siwe. Omugulu alangirabo, mwatibita nʼerĩhĩndana nabo akalũa omo lũkyo lwʼehema, neryo mũnama erĩhĩka oko kitaka,

Enzũko 19:1

Neryo abalaĩka babiri abo mobasa eSodomo omwʼĩgolo-golo, na Lotĩ ĩnĩanĩkere oko lũkyo lwʼeSodomo. Neryo Lotĩ mwalangirabo, mwahangana erĩyahĩndana nabo, neryo mũnamĩrya obũsũ buwe bʼoko kitaka.

Enzũko 23:7

Neryo Abrahamũ mwahangana, mũnamira abandu bʼekihugo ekyo, abo ba bana ba Hetĩ.

Enzũko 33:3

Naye mwasoka embere syabo, neryo mũnama oko kitaka esyongendo sirinda, erĩhĩka hakũhĩ na mugala wabo.

Enzũko 42:6

Nĩkwa Yosefũ abya mukulu wʼekihugo. Naye yo wagũlaya oko bandu bosĩ bʼekihugo. Neryo abagala babo Yosefũ mobasa mobamũnamira nʼamũsũ wabo erĩhĩka oko kitaka.

Enzũko 48:11

Neryo Ĩsraelĩ mwabũga na Yosefũ ati, Mondaganĩrya nyiti nasyalola oko bũsũ bwawe. Neryo lebaya, Nyamuhanga abĩrĩnyĩkangya abana bawe.

Enzũko 48:13

Neryo Yosefũ mwĩmyabo ababiri, Efũraĩmũ oko byala biwe byʼamali, erĩmũlolya oko byala byʼamalembe bya Ĩsraelĩ, na Manase omo byala biwe byʼamalembe erĩmũlolya oko byala byʼamali bya Ĩsraelĩ, neryo mwatũndabo hakũhĩ naye.

1 Abami 2:19

Neryo Batĩseba mwaya eyiri omwami Solomono, erĩbũga naye busana na Adonĩa. Nʼomwami mwahangana erĩhĩndana naye, mwamũnamira, kandi mwĩkala oko kĩtũmbĩ kiwe kyʼobwami, kandi mwalayira ati baletere nyĩnya wʼOmwami yʼekĩtũmbĩ kyʼobwami; naye mwĩkala oko byala biwe byʼamali.

2 Abami 4:37

Neryo omũkalĩ mwahĩkamo, mwawa oko bisando bya Elĩsa; mwayũnamĩrya oko kitaka; neryo mwaheka mugala wuwe, mwahuluka.

Erĩlũayo 20:12

Ukenge tata wawe na koyo wawe, ebiro byawe bitoke eribya bingi omo kihugo ekyo Mwami Mukulu Nyamuhanga wawe akakuha.

Erĩlũayo 34:8

Neryo Musa mwanguha, mũnamya omutwe wuwe oko kitaka, neryo mwaramya.

Emĩsyo 31:28

Abana buwe bakahangana nʼerimwahula mo wʼomũyĩsa; Ĩba wuwe akamupipa, ati,

Abalawĩ 19:3

Obuli mundu asyakenga nyĩnya wuwe nʼĩse wuwe; mwasyateya esyo Sabato syage; Ĩngye indi Mwami Mukulu Nyamuhanga wenyũ.

Abalawĩ 19:32

Uhanganire owʼomutwe wʼesyombwĩ, nʼerikenga obũsũ bʼomũsyakulu, wasyubaha Nyamuhanga wawe. Ĩngye indi Mwamĩ Mukulu.

AbanyaEfeso 6:1

Abana, mowe abotata nʼabokoyo wenyũ busana nʼomukama, kusangwa ko litolere litya.