Enzũko 48:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Nĩkwa ameso wa Ĩsraelĩ iniamabikula busana nʼobũsyakulu, neryo isiakitoka erilangira. Neryo Yosefũ mwatũndabo hakũhĩ naye, naye mwalyatsirirabo, mwabagalirabo.

Enzũko 48:10 Iomraidhean Croise

Enzũko 27:1

Neryo Ĩsaka abere abibya mũsyakulu, nʼameso wuwe isiakilangira ndeke, mwabirikira mugala wuwe wʼerĩmbere, Esaũ, mwamubwira ati, Mugala wage. Naye mwamũsũbĩrya ati, Nandi hano.

Enzũko 27:27

Neryo mwasa hakũhĩ mwamulyatsirira. Naye mwakumbirwa olukimba luwe, mwamutsumula ati, Lebaya, erikumba lya mugala wage Riri ngʼekikumbo kyʼeririma eryo Mwami Mukulu abiritsumula:

Enzũko 31:55

Nʼomo ngyakya-ngyakya Labanĩ mwahangana, mwalyatsirira abagala buwe nʼabali buwe, mwatsumulabo. Labanĩ mwahongoka erisuba ewuwe.

Enzũko 45:15

Neryo mwalyatsirira abagala babo bosĩ, mwalirira kubo. Enyũma wʼaho, abagala babo mohakanĩranĩa naye.

Enzũko 48:11

Neryo Ĩsraelĩ mwabũga na Yosefũ ati, Mondaganĩrya nyiti nasyalola oko bũsũ bwawe. Neryo lebaya, Nyamuhanga abĩrĩnyĩkangya abana bawe.

Enzũko 48:8

Neryo Ĩsraelĩ abere abisamalira bagala ba Yosefũ, mwabũga ati, Aba ni bahi kwehĩ?

1 Abami 19:20

Neryo Elĩsa mwasĩganĩa esyonume syʼesyonde, mwatibita akakwama Elĩya, mwabũga ati, Ngakũbũlaya nyiti uleke, natayalyatsirira tata na koyo, neryo inakukwama. Naye mwamubwira ati, Subula; kusangwa namatakukolakĩ kwehĩ?

Omũgambũlĩ 12:3

oko kiro ekyo abateya bʼenyũmba basyatitimana, nʼesyombangĩ sĩkũnama, nʼabakaswa bakahangana buyira kusangwa ni bake, nʼabandu abakasamalira eyĩhya omo lĩdĩrĩsa basyahĩrwa kwʼomwĩrĩmya,

Ĩsaya 59:1

Lebaya, ebyala byʼOmwami Mukulu sĩbyetakũhĩha uti byangataluka erĩlamya; kutse okũtũ kuwe si kutsiha uti sikwangatoka erĩowa.

Ĩsaya 6:10

Uyire emitima yʼabandu aba mo mitsibu, kandi ũlĩtohaye amatwĩ wabo, kandi ũlĩbe ameso wabo; bakasyalangira nʼameso wabo, nʼerĩowa nʼamatwĩ wabo, nʼeriminya omo mitima yabo, nʼerinyibindukira, Nyamuhanga atya nabo ĩbalamĩbwa.

Eryibuka Ebihano 34:7

Kandi Musa abya wʼemyaka erĩgana nʼamakũmĩ abiri omugulu ahola; erĩso liwe molitalola ebĩrorĩ-rorĩ, kutse amaka wuwe wʼomubiri mwatakeha.

1 Samwelĩ 3:2

Neryo oko mugulu oyo, Elĩ abere abigotsera aho wuwe nĩkwa ameso wuwe ĩnĩabĩrĩtsũka erĩrĩbana, isiakitoka erilangira ndeke,

1 Samwelĩ 4:15

Nĩkwa Elĩ abya wʼemyaka makũmĩ mwenda nʼomunani; nʼameso wuwe ĩnĩabĩrĩrĩbana, isiakitoka erilangira.