Enzũko 4:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Lebaya, mũnabwĩre wabirimbiga oko kitaka, nasyabĩswa nʼoko bũsũ bwawe, kandi nasyabya mũsayĩ nʼomũgendĩ-gendĩ omo kihugo, neryo omundu akasyabya amanyeya ĩnĩanyĩta.

Enzũko 4:14 Iomraidhean Croise

Enzũko 3:24

Litya mwahigira omundu oyo yʼeyĩhya, neryo mwahĩra Amakerũbĩ oko luhande lwʼendata lwʼeririma lyʼeEdenĩ; nʼomũyalĩ wʼekirimi kyʼomuliro owakatĩmba ehosĩ, busana nʼerĩteya enzira eyʼomuti wʼengebe.

Enzũko 4:13

Neryo Kaĩna mwabũga nʼOmwami Mukulu ati, Erisuyira lyage lĩlabĩre nʼobũlĩto okwʼihekwa.

2 Samwelĩ 14:7

Kandi lebaya, ekĩtũnga kyosĩ kyabiribambira omutsana wawe bati, Ulete oyo wĩta mugala wabo, netu tũmwĩte busana nʼengebe ya mugala wabo oyo ĩta, nʼerĩherya omũlĩ wʼomwandu. Basyalĩmya batya amaha wage, ĩsĩbendĩsyasĩgĩra ĩbage yo lĩna kutse mũsĩgalira munakihugo.

Esyonyimbo 109:10

Abana buwe babye abakasaba-saba abatawite bwĩkalo; Bahigawe omo mulala bĩkeremo!

Esyonyimbo 109:12

Sihabye mundu oyukamukolera ebibuya; Kandi Sihabye mundu oyukalembera esyongũbĩ siwe.

Esyonyimbo 143:7

Uwe Mwami Mukulu, ũnyĩsũbĩraye lino! Nabiribula amaka! Sũnyĩbĩsame, Ngasyabya omo katĩkatĩ kʼabakakĩmĩra eKũlĩmũ.

Emĩsyo 14:32

Omubi akakũnawa ahisi omwʼikola nabi liwe; Nĩkwa omutunganene awite obusayiro omo luholo luwe.

Emĩsyo 28:1

Ababi bakatibita omugulu hate mundu ũkwamĩrebo; Nĩkwa abatunganene bawite obũbangĩ ngʼendale.

Ĩsaya 8:22

Neryo basyasamalira ekihugo, neryo lebaya, obũlĩge nʼomwĩrĩmya, obũlĩma-lĩma bwʼeriagalwa. Kandi basyahigirwa omo mũhĩndanĩa wʼenyahĩnda.

Yeremĩa 52:3

Kusangwa busana nʼemyatsi eyĩ, erihitana lyʼOmwami Mukulu molyahĩka eYerũsalema nʼeYũdea, erĩhĩka aho agusirabo erĩlũa embere siwe. Na Zedekĩa mwahona oko mwami wʼeBabelĩ.

Hosea 13:3

Busana nʼekyo basyabya ngʼekĩtũ kyʼomo ngyakya-ngyakya, kandi ngʼekimi ekikuma lũba, ngʼomusunga owakagũlũkĩbawa nʼakanyabungu erĩlũa oko kibuga kyʼerĩhũmbĩramo, kandi ngʼomũkĩ akalũa omo ngero.

Abalawĩ 26:17

Nasyabahĩnĩra, nenyũ mwasyĩtwa embere wʼesyonzĩgũ syenyũ; nʼabakabakwa obusu basyabatabalako; kandi mwasyatibita omugulu hate mundu oyukabatibitako.

Abalawĩ 26:36

Neryo abandu abasyasĩgalira ũkwʼĩnywe, nasyũbahya emitima yabo omo bihugo byʼesyonzĩgũ syabo. Nʼomulenge wʼekikoma kikaguluka asyahigabo isihali oyukakwamabo; nabo basyatibita ngʼoyukasaga omũyalĩ kandi basyawa.

Emiganzo 35:19

Omũkĩsya wʼomusasi ĩyowene asyĩta omwĩtĩ oyo; omugulu akahĩndana naye asyamwĩta.

Emiganzo 35:21

kutse omo bũyĩgũ amũswĩraya omo byala, akahola; oyo wamũswĩraya asyĩtwa kwenene, iye nĩ mwĩtĩ; omũkĩsya wʼomusasi asyĩta omwĩtĩ omugulu akahĩndana naye.

Emiganzo 35:27

nʼomũkĩsya wʼomusasi akamubana eyĩhya oko mutano wʼomũyĩ wuwe wʼeribalirako, nʼomũkĩsya wʼomusasi akĩta oyo wĩta omundu; siendisyabya ko musango wʼomusasi.

Matayo 25:41

Neryo asyabwira abʼoko byala biwe byʼamelembe ati, Mũlũe kwĩngye, ĩnywe batakirwa! Muye omo muliro wa kera na kera owakokotĩbawa busana na Satanĩ nʼabamalaĩka buwe.

Matayo 25:46

Neryo aba basyagenda omwʼisuyirwa lyʼerikota, nĩkwa abatunganene basyaya omo ngebe yʼerikota.

Eryibuka Ebihano 28:64

Kandi Omwami Mukulu asyabapanzapanza omo katĩkatĩ kʼebihanda byosĩ erĩtsũka oko ndũlĩ nguma yʼekihugo erĩhĩka oko yindi ndũlĩ yʼekihugo; nʼeyo mwasyakolera esindi nyamuhanga, esyo mutabya mwasĩ, uwe kutse abotata-kulu wawe, esyʼemiti nʼamabwe.

Eryibuka Ebihano 28:65

Nʼomo katĩkatĩ kʼebihanda ebĩ simwendisyabana erihumula, nʼeyo siyendisyabya obuluhukiro busana nʼobulyatiro bwʼebisando byenyũ; nĩkwa eyo Mwami Mukulu asyabaha omutima wʼerititimana, nʼameso awakatĩma-tĩma, nʼomutima owakalũa omo nda.

2 AbanyaTesalonika 1:9

Basyasuyirwa omwʼihera lya kera na kera, nʼerisololwa embere syʼOmwami Mukulu, nʼoko lukengerwa lwʼobũtokĩ buwe,