Enzũko 4:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Neryo Nyamuhanga mwabũga ati, Wabirikolakĩ kwehĩ? Omulenge wʼomusasi wa mugala wenyũ akanyiririra erĩlũa oko kitaka.

Enzũko 4:10 Iomraidhean Croise

Enzũko 18:20

Neryo Omwami Mukulu mwabũga ati, Ekiriro kyʼeSodomo nʼeGomora ni kyingyi, kandi ebibi byabo ni bitsibu kũndũ.

Enzũko 3:13

Neryo Omwami Mukulu Nyamuhanga mwabũga nʼomũkalĩ ati, Ekyo wakolĩre nĩkĩ kwehĩ? Omũkalĩ mwabũga ati, Enzoka yo yanyiteba, nage monalyakyo.

Enzũko 9:5

Kwenene omusasi wenyũ go ngebe yenyũ, nasyabũlyago. Oko buli nyama nasyabũlyago, nʼomo byala byʼomundu, nʼomo byala bya mugala wabo mundu, nasyabũlya engebe yʼomundu.

2 Abami 9:26

Kwenene monalangĩre mũlĩgolo omusasi wa Nabotĩ, nʼomusasi wʼabagala buwe, Omwami Mukulu atya; kandi nasyakũkĩsya omo kibuga ekĩ, Omwami Mukulu akabũga atya. Neryo lino umusumbe umuguse omo kibuga, ngʼekĩnywa kyʼOmwami Mukulu.

2 Emyatsi yʼEmigulu 28:9

Nĩkwa omũmĩnyererĩ wʼOmwami Mukulu abyayo, erĩna liwe lyabya Odedĩ; naye mwayahĩndana nʼendeko eyo eyahĩka eSamarĩa, mwabwirabo ati, Mũlebaye, kusangwa Omwami Mukulu, Nyamuhanga wʼabotata wenyũ, mwahitana oko Bayũda, abĩrĩhĩrabo omo byala byenyũ, nenyũ mwabĩrĩrabo omwʼitsuruma eryabĩrĩhĩka elubula.

Yobũ 16:18

Uwe kihugo, sũkũnĩngĩre omusasi wage, Nʼekiriro kyage sikibane mwanya.

Yobũ 24:12

Abandu bakasĩmba omo mũyĩ. Nʼomutima wʼabakahutala akalaka. Nĩkwa Nyamuhanga sialilangira obũkĩrũ.

Esyonyimbo 50:21

Wabirikola ebyosĩ ebĩ, nage monabya bũkũtũ, Neryo mowaganĩrya uti indi nga we. Nĩkwa lino ngandikukunga, nʼerĩkũtondekanĩryabyo.

Esyonyimbo 72:14

Akalamayabo okwʼĩnũbya nʼobwaga; Esyongebe syabo nĩ syʼobũgũlĩ bunene busana naye.

Esyonyimbo 9:12

Kusangwa oyũkakĩsaya omusasi akibukabo, Sialibirirawa erilaka lyʼabera.

Esyonyimbo 9:13

Uwe Mwami Mukulu, unyiganyire! Ulangire amalĩge wage ago ngagalawamo busana nʼabakanyĩkwa obusu. Uwe Mwami Mukulu unyisabule omo luholo.

Erĩlũayo 3:7

Neryo Omwami Mukulu mwabũga ati, Kwenene nabirilangira amalĩge wʼabandu bage abali eMĩsĩrĩ, nabĩrĩowa ekiriro kyabo busana nʼabĩmanĩrĩ babo; kusangwa nyĩnasĩ amaligo wabo.

Ĩsaya 5:7

Kusangwa eririma lyʼebĩnyũ lyʼOmwami Mukulu wʼemilondo ni kihanda kyʼeĨsraelĩ, nʼabandu ba Yũda bo mwaka wʼerĩmũtsemesya. Neryo mwabya nʼamaha wʼerĩbanza, nĩkwa lebaya erĩũta omusasi musa, abya nʼamaha erilola okwʼitunganana, nĩkwa lebaya, kwesĩ ni milake yʼobũlĩge.

Emiganzo 35:33

Neryo sĩmũsyetsandaya ekihugo mulimo, kusangwa omusasi akatsandaya ekihugo; kusangwa sihali endĩhĩ eyangayirwa busana nʼekihugo busana nʼomusasi owakũtawamo, go nʼomusasi wʼoyũlyũtago.

Emibiri 5:3

Nĩkwa Petero mwamubwira ati, Busana nakĩ walekĩre Satanĩ iyabya omo mutima wawe eribihira Omũlĩmũ Abũyĩrĩre, nʼeribika oko bũgũlĩ bwʼekitaka kwehĩ?

Emibiri 5:9

Neryo Petero mwamũbũlya ati, Busana nakĩ uwe nʼĩbawe, mwabirihanana haguma erirenga oko Mũlĩmũ wʼomukama kwehĩ? Lebaya, abandu abakabita ĩbawe bane oko lũkyo, kandi bakandikutwala nawe nibya!

Eryibuka Ebihano 21:1

Omundu amabanika ĩnĩabĩrĩkwa omo kihugo ekyo Mwami Mukulu akabaha erĩsĩgalyakyo, iniagotsere ahisi, kandi oyulyamwĩta ĩsĩasĩbwe.

AbaEbrania 11:4

Busana nʼerĩkĩrĩrya Abele mwaherera Nyamuhanga obuhere bowene kwilaba obwa Kaĩna. Neryo Nyamuhanga mwamwahula mo mutunganene kusangwa Nyamuhanga mwatũlago kwʼamalĩga olũsũnzo luwe. Kandi busana nʼerĩkĩrĩrya liwe, Abele nomo anahola, akĩnabũga.

AbaEbrania 12:24

Kandi mwabĩrĩhĩka uku Yesu omũsanganĩa wʼerilagana lihya-lihya, nʼoko musasi owʼerĩlagalĩrya, owakakanganaya omwatsi owene kwilaba erĩtũlago lyʼomwatsi gʼomusasi wa Abele.

Yakobo 5:4

Mũlebaye, simwetaliha abandu abahingira omo malima wenyũ, nʼabandu abasolomago. Nabo bakabatsongera. Nʼerilaka lyabo lyabĩrĩhĩka omo matwĩ wʼOmukama wʼAmaka Gosĩ.

Yosũa 7:19

Neryo Yosũa mwabũga na Akana ati, Mugala wage, kĩsĩ-kĩsĩ, uhe Omwami Mukulu Nyamuhanga wa Ĩsraelĩ yʼolukengerwa, kandi umubikulire; kandi umbwire ekyo uliakola lino; sũnyĩbĩsĩkyo.

1 Samwelĩ 13:11

Nĩkwa Samwelĩ mwabũga ati, Wabirikolakĩ kwehĩ? Neryo Saũlo mwabũga ati, Kusangwa nalangira ngoko abandu babirinyipanzikanako, nawe sũlĩtahĩka oko biro ebyalaganawa, kandi Abafĩlistĩnĩ ĩbamabĩyĩhĩndanĩa haguma eMĩkĩmasĩ;