Enzũko 39:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Sihali mundu oyũndabĩreko omo nyũmba eyĩ, kutse sialitanyikaga kindu nina we, kusangwa uli mũkalĩ wuwe. Neryo nangakola erĩlolo lingaha erĩ ryo nyiti, nʼerĩhalya uku Nyamuhanga kwehĩ?

Enzũko 39:9 Iomraidhean Croise

Enzũko 13:13

Nĩkwa abandu bʼeSodomo babya babi abakolĩ bʼamalolo kutsibu embere syʼOmwami Mukulu.

Enzũko 20:3

Nĩkwa Nyamuhanga mwahĩka uku Abĩmelekĩ omo nzolĩ omo kiro, mwamubwira ati, Lebaya, uli mũholĩ, busana nʼomũkalĩ oyo wabĩrĩĩmya kusangwa nĩ mũkalĩ wabene.

Enzũko 20:6

Neryo Nyamuhanga mwabũga naye omo nzolĩ ati, Ega nyĩnasĩ ko wabirikola ekĩ omo Utunganene lyʼomutima wawe, nage monakũkakĩrya nibya erĩnyĩhalyako, kyaleka ĩnakũganĩa erĩmũtũlako.

Enzũko 20:9

Neryo Abĩmelekĩ mwabirikira Abrahamũ, mwabũga naye ati, Wamatukolakĩ kwehĩ? Monakukolera kibi kihi kyaleka iwanyiretera ĩngye nʼobwami bwage ekibi kinene kingaha kwehĩ? Wabirinyikolera emĩbĩrĩ itatolere erikola.

Enzũko 24:2

Na Abrahamũ mwabũga nʼomugombe wuwe, omukulu wʼenyũmba yiwe, oyo wategaya ebindu biwe byosĩ, ebyo abya nabyo ati, Ũhĩre ebyala byawe oko kihinga kyage,

Enzũko 39:10

Enyũma wʼaho omugulu ahatikana erĩbũga na Yosefũ obuli kiro, Yosefũ mwatalĩga erigotsera naye, kutse erilambama naye.

Enzũko 41:40

Wasyatabala omo nyũmba yage, kandi abandu bage bosĩ basyakenga ekĩnywa kyawe. Oko kĩtũmbĩ kyʼobwami kisa nasyabya mukulu kuwe.

Enzũko 42:18

Ekiro kyʼebisatu Yosefũ mwabũga nabo ati, Mukole ekĩ imomwabyaho, kusangwa ngubaha Nyamuhanga;

2 Samwelĩ 11:27

Nʼomugulu ekiriro kyahwa, Dawĩdĩ mwamutumirako, mwamutwala omo nyũmba yiwe, naye mwabya mũkalĩwe kandi mwamubutira omugala. Nĩkwa omwatsi Dawĩdĩ akola abya mubi omo meso wʼOmwami Mukulu.

2 Samwelĩ 12:13

Neryo Dawĩdĩ mwabwira Natana, ati, Nabĩrĩhalya oko Mwami Mukulu. Kandi Natana mwabwira Dawĩdĩ ati, Omwami Mukulu abĩrĩlũsya ekibi kyawe; siwendisyahola.

Nehemĩa 5:15

Nĩkwa abatabalĩ ababya embere syage mobatsotsoberya bandu, mobĩmya kubo kwʼebyalya nʼebĩnyũ, na kwilaba aho esyosekelĩ makũmĩ ani syʼekĩtsĩpa; ega, nʼabagombe babo mobatabala oko bandu; nĩkwa ĩngye mondakola nyitya busana nʼeriubaha Nyamuhanga.

Nehemĩa 6:11

Nage monabũga nyiti, Omundu oyuli nga ngye anganatibita kwehĩ? Nindi, oyo wangabya nga ngye, oyo wangaya omo Hekalũ erĩlamya engebe yiwe kwehĩ? Sindiendingira.

Yobũ 31:23

Kusangwa ngubaha erisuyira lya Nya­muhanga, Na busana nʼobukulu buwe sinditoka erikola kindu.

Esyonyimbo 51:4

Nabirikola nabi ukʼuwe, ũgũwene, Nabirikola ebĩkakũhĩtanaya. Neryo utunganene erinyitswera, Uli nʼerĩbanza erĩnyĩsĩnga.

Erĩlũayo 20:14

Isiwasĩngĩra.

Emĩsyo 6:29

Kwʼali atya oyukingira oko mũkalĩ wa mũlĩkyabo; Nʼoyũkamũtũlako siendisyabula erisuyirwa.

Emĩsyo 6:32

Oyukateta omũkalĩ siawite mutima, Oyukakolakyo anzĩre erĩherya ekĩrĩmũ kiwe.

Omũgambũlĩ 7:26

Kandi monabana ekĩkalĩhĩre kwilaba oluholo, yo mũkalĩ ogʼomutima wʼebitego nʼamataha-taha, nʼebyala biwe ni mahulula. Oyũkatsemesaya Nyamuhanga asyamubalako; nĩkwa owʼamalolo asyagobwa naye.

Yeremĩa 28:16

Busana nʼekyo, Omwami Mukulu ati, Lebaya, nasyakũlũsya erĩlũa omo kihugo. Ukandihola oko mwaka oyũ, kusangwa wabĩrĩbũga ebyʼerihona oko Mwami Mukulu.

Yeremĩa 50:7

Abosĩ ababanabo mobalyabo. Esyonzĩgũ syabo mosyabũga siti, Situli nʼolubanza, kusangwa babĩrĩhalya oko Mwami Mukulu oyuli ahʼerĩĩkala lyʼeritunganene, Iye Omwami Mukulu, amaha wʼabotata wabo.

Abalawĩ 20:10

Nʼomundu oyũkasĩngĩra omũkalĩ wʼogundi mundu, nʼoyũkasĩngĩra omũkalĩ wa mwĩra wuwe, omũtetĩ wʼobulume nʼomũtetĩ wʼobũkalĩ kwenene basyĩtwa.

Abalawĩ 6:2

Kandi omugulu omundu akakola ekibi, nʼerĩhalya oko Mwami Mukulu, akateba mũlĩkyabo omo mwatsi wʼeribika, kutse omwʼilagana, kutse omwʼĩba, kutse erinyega mũlĩkyabo,

Emiganzo 32:23

Nĩkwa mwamatindakola mutya, ĩmwamahalya oko Mwami Mukulu; kandi muminye ebibi byenyũ ĩbyasyabahĩkako.

Luka 12:48

Nĩkwa omugombe oyũtasĩ ebyo mukama wuwe anzĩre, neryo akakola emĩbĩrĩ eyitolere akaswĩrĩbwa, asyaswĩrĩbwa nyike. Omundu oyukahabawa bingi, asyabũlĩbwa bingiĩ nʼomundu oyo wabĩkĩbawa bingi, asyabũlĩbwa bingi.

1 AbanyaKorinto 4:2

Nĩkwa omwatsi muguma atolere omũteya, ambu abanike ngʼoyuteregula oko mukama wuwe.

Tito 2:10

Kandi sĩbĩbe, nĩkwa bayĩkangaye ngʼabandu babuya abateregula, batoke erĩowanĩa erĩkangĩrĩrya lya Nyamuhanga Omũlamya wetu omo byosĩ bakakola.

AbaEbrania 13:4

Abandu bosĩ bakenge erĩherũkya, nʼengyingo yabo ibye yabo ĩbobene-bene; kusangwa Nyamuhanga asyatswera abʼamaragane nʼabasĩngĩrĩ.

1 Yoane 3:9

Obuli mundu Oyukabutawa na Nyamuhanga sialikola ebibi, kusangwa awite obu Nyamuhanga omwisi wuwe; neryo sialitoka erikola ebibi, kusangwa Nyamuhanga ni Tata wuwe.

Eribisurirwa 21:8

Nĩkwa abuba, nʼabatĩkĩrĩrye, nʼabʼesyonye, nʼabĩtĩ, nʼabasĩngĩrĩ, nʼabakũmũ, nʼabakasaba esyosanamu, nʼababehĩ, omwanya wabo asyabya omo ngetsi eyikaka nʼomuliro nʼekirimi, olo lo luholo lwʼakabiri.

Eribisurirwa 22:15

Nĩkwa eyĩhya oko mũyĩ hali esyombwa, nʼabakũmũ, nʼabasĩngĩrĩ, nʼabĩtĩ, nʼabakasaba esyosanamu, nʼabosĩ abakabiha, nʼabakakola ebyʼamabehĩ.