Enzũko 39:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Nĩkwa Omwami Mukulu abya haguma na Yosefũ, neryo mwabya mundu wʼomũyĩsa. Kandi mwabya omo nyũmba yʼomukama wuwe Omunya Mĩsĩrĩ.

Enzũko 39:2 Iomraidhean Croise

Enzũko 21:20

Neryo Nyamuhanga mwabya haguma nʼomũlwana oyo. Neryo musuka, kandi mwĩkala omo mbwarara, neryo mwabya mũlasĩ wʼobuta.

Enzũko 21:22

Neryo mokyabya oko mugulu oyo, Abĩmelekĩ na Fĩkolĩ, omukulu wʼemilondo yiwe, mobabũga na Abrahamũ bati, Nyamuhanga ali haguma nawe omo byosĩ ukakola,

Enzũko 26:24

Neryo Omwami Mukulu mwamuhulukira omo kiro ekyo, mwabũga ati, Ĩngye indi Nyamuhanga wa Abrahamũ, tata wawe. Sigubahe, kusangwa ĩngye indi haguma nawe. Nasyakutsumula, nʼerĩkanyĩrĩrya abana bawe busana nʼomugombe wage Abrahamũ.

Enzũko 26:28

Neryo mobabũga bati, Motwalangira ndeke ngoko Mwami Mukulu abya haguma nawe; motwabũga tuti, Lino habye erĩlahĩrya omo katĩkatĩ ketu, ketu nawe, neryo tulagane haguma nawe,

Enzũko 28:15

Neryo, talebaya, indi haguma nawe, nasyakũteya ehosĩ wasyaya, nasyakũsũbya omo kihugo ekĩ kandi; kusangwa sindiendĩsyakũsĩganĩa nde nabikola ebyo nakubwira.

Enzũko 39:23

Neryo omũteya wʼenyũmba yʼomũlĩkĩ mwataswalangira ebyo Yosefũ akola kusangwa Omwami Mukulu abya haguma na Yosefũ. Ebyosĩ akola, Omwami Mukulu m watsumulabyo.

Enzũko 39:3

Omukama wuwe Potĩfarĩ mwalangira ngoko Mwami Mukulu abya haguma na Yosefũ, nʼakandi ngoko Mwami Mukulu mwatsumula ebyosĩ akola omo byala biwe.

2 Abami 18:7

NʼOmwami Mukulu mwabya haguma naye; ehosĩ aya mwabya nʼomũyĩsa; kandi mwahona oko mwami wʼeAsũrĩa, mwatamukolera.

1 Emyatsi yʼEmigulu 9:20

Na Fĩnehasĩ mugala wa Eleazarĩ abya mũtabalĩ wabo oko mugulu owalaba, nʼOmwami Mukulu abya haguma naye.

2 Emyatsi yʼEmigulu 1:1

Neryo Solomono mugala wa Dawĩdĩ mwasĩka omo bwami buwe, nʼOmwami Mukulu Nyamuhanga wuwe abya haguma naye, kandi mwamũhamya kutsibu.

Esyonyimbo 1:3

Ali ngʼomuti owaherĩre oko mũsĩke wʼolũsĩ; Owakahetaya omo kirimo kyago, Nʼebikoma byago sibiriuma. Nʼebyosĩ omundu oyũ akakola bikatsumulawa.

Esyonyimbo 46:11

Omwami Mukulu, Omũtokĩ Wʼebyosĩ ali haguma netu; Nyamuhanga wa Yakobo ni busayiro bwetu!

Esyonyimbo 46:7

Omwami Mukulu, Omũtokĩ Wʼebyosĩ ali haguma netu; Nyamuhanga wa Yakobo ni busayiro bwetu!

Esyonyimbo 91:15

Omugulu bakanyilakira, nasyasũbĩryabo; Omugulu bali omo bũlĩge, nasyabya haguma nabo. Nasyalamyabo nʼerĩsĩkyabo.

Ĩsaya 41:10

Sigubahe, kusangwa indi haguma nawe. Susamalire handi nʼerisweka, kusangwa indi Nyamuhanga wawe. Ngandikuha amaka, kwenene ngandĩkũwatĩkya, kwenene ngandikuwatirira omo byala byʼamali byʼeritunganene lyage.

Ĩsaya 43:2

Omugulu ukalaba omo magetsi, nasyabya haguma nawe, nʼerilaba omo syonyũsĩ, sisyendisyakubwayirako. Omugulu ukalaba omo muliro siwendisyahya, kutse ekirimi kyʼomuliro sĩkyendĩsyakũhĩsya.

Yeremĩa 15:20

Nage nasyakuyira oko bandu aba mo lũhĩmbo lukongotere lwʼomulinga. Nabo nomo basyalwa nawe, nĩkwa sibendĩsyakũkĩnda, kusangwa ĩngye indi haguma nawe erĩkũlamya nʼerĩkũlekerya, Omwami Mukulu atya.

Matayo 1:23

Lebaya, omumbesa asyaheka obukule, asyabuta omugala, nʼerĩna liwe lyasyahulwa mo Emanuelĩ, nĩʼbũga ambu: Nyamuhanga haguma netu.

Emibiri 8:31

Nĩkwa omukulu oyo mwabũga ati, Ko nangaminya nyiti ndawite oyũkanyowĩsayabyo kwehĩ? Neryo mwabũlya Fĩlĩpo ati asambire oko galĩ nʼerĩĩkala naye.

1 Timoteo 6:1

Abakobe bosĩ baganze abakama babo ngʼabandu batolere erĩsĩkya lyosĩ, neryo erĩna lya Nyamuhanga nʼerĩkangĩrĩrya lyetu sibitsumawe.

Yosũa 1:5

Sihendisyabya mundu nʼomuguma oyo wasyatoka erihangana embere syawe ebiro byosĩ byʼeribyaho lyawe; ngoko nabya na Musa, ko nasyabya haguma nawe nyitya; sindiendĩsyakũhũtatira, kutse erĩkũsĩganĩa.

Yosũa 1:9

Sinditakuhana kwehĩ? Ubye nʼamaka, uyisige ndeke; Sigubahe kutse erĩhahũkya omutima; kusangwa Omwami Mukulu Nyamuhanga wawe ali haguma nawe ehosĩ ukaya.

Yosũa 6:27

Neryo Omwami Mukulu abya haguma na Yosũa; nʼengulu yiwe moyagenderana omo kihugo kyosĩ.

1 Samwelĩ 16:18

Neryo omũlwana muguma mwasũbĩrya ati, Talebaya, nabirilangira mugala wa Yese Munya Betelehemũ, asĩ eriwatayo ndeke, kandi nĩ mbangĩ yʼamaka, kandi ni mundu wʼamalwa, kandi nĩ mbũyĩ, nʼomundu mubuya; kandi Omwami Mukulu ali haguma naye.

1 Samwelĩ 18:14

Kandi Dawĩdĩ mwayitondeka ndeke omo nzira siwe syosĩ; kusangwa Omwami Mukulu abya haguma naye.

1 Samwelĩ 18:28

Neryo Saũlo mwalangira nʼeriminya ngoko Mwami Mukulu ali haguma na Dawĩdĩ; kandi ngoko Mĩkalĩ, mwali wa Saũlo, mwanza Dawĩdĩ,

1 Samwelĩ 3:19

Neryo Samwelĩ mwakula, nʼOmwami Mukulu mwabya haguma naye, mwataleka ekĩnywa kiwe nʼekiguma kikabulirana.