Enzũko 32:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Neryo Yakobo mwabũga ati, Uwe Nyamuhanga wa tata wage Abrahamũ, na Nyamuhanga wa tata wage Ĩsaka, uwe Mwami Mukulu, oyo wambwira ati, Usube oko kihugo kyawe, nʼoko kĩtũnga kyawe, nasyakukolera ebibuya,

Enzũko 32:9 Iomraidhean Croise

Enzũko 17:7

Neryo nasyahanganĩa endagano yage omo katĩkatĩ kage nawe nʼoko bana bawe enyũma syawe oko syondengo syabo busana nʼendagano ya kera na kera, eribya Nyamuhanga ukʼuwe nʼoko bana bawe enyũma wawe.

Enzũko 28:13

Kandi lebaya, Omwami Mukulu iniahangene endata kukyo, akabũga ati, Ĩngye indi Mwami Mukulu, wa Abrahamũ, tata wawe, na Nyamuhanga wa Ĩsaka. Ekihugo ekyo ugotsereko nasyahakyo ukʼuwe nʼoko bana bawe.

Enzũko 28:15

Neryo, talebaya, indi haguma nawe, nasyakũteya ehosĩ wasyaya, nasyakũsũbya omo kihugo ekĩ kandi; kusangwa sindiendĩsyakũsĩganĩa nde nabikola ebyo nakubwira.

Enzũko 31:13

Ĩngye indi Nyamuhanga wʼeBetelĩ, aho wahakabaya endũyĩ yʼamagũta, aho wanyĩlahĩrayako. Lino uhangane, Ũlũe omo kihugo ekĩ, Usube omo kihugo ekyo wabutawamo.

Enzũko 31:29

Obũtokĩ buli omo byala byage erikukola nabi, nĩkwa Nyamuhanga wa tata wawe mwambwĩre mũlĩgolo omo kiro ati, Ũyĩtegaye sũbũge na Yakobo ekĩnywa kibuya kutse kibi.

Enzũko 31:3

Neryo Omwami Mukulu mwabwira Yakobo, ati, Usube oko kihugo kyʼabotata wawe, nʼoko kihanda kyawe. Nage nasyabya haguma nawe.

Enzũko 31:42

Kumbe Nyamuhanga wa tata wage, Nyamuhanga wa Abrahamũ, nʼolubahwa lwa Ĩsaka, bitalibya haguma nage, kwenene nga wabirinyĩhehetya butsira kindu. Nyamuhanga abirilola oko bũlĩge bwage nʼomũbĩrĩ wʼebyala byage, neryo mwakũkũngĩre omo kiro kya mũlĩgolo.

Enzũko 31:53

Nyamuhanga wa Abrahamũ, na Nyamuhanga wa Nahorĩ, Nyamuhanga wa tata wabo, atswere omo katĩkatĩ ketu. Neryo Yakobo mwayisema oko lubahwa lwa tata wuwe Ĩsaka.

Enzũko 32:8

mwabũga ati, Esaũ amasa akĩta omulondo muguma akaswĩryago, neryo ogundi mulondo owakasĩgala asyabala.

Enzũko 49:25

Busana na Nyamuhanga wa tata wawe, oyũkakũwatĩkaya, Na busana nʼOmũtokĩ Wʼebyosĩ oyukakutsumula, Omo mĩyĩsa yʼelubula lwʼendata, Emĩyĩsa yʼemitobero eyĩbũndamĩre omwisi, Emĩyĩsa yʼamabere nʼeyʼekĩsũko kyʼenda.

2 Emyatsi yʼEmigulu 20:12

Uwe Nyamuhanga wetu, siwenditswerabo kwehĩ? Kusangwa situwite maka oko ndeko nene eyĩ abakasyalwa netu; kutse Sĩtwasĩ ekyo twangakola; nĩkwa ameso wetu ali ukʼuwe.

2 Emyatsi yʼEmigulu 20:6

Neryo mwabũga ati, Uwe Mwami Mukulu, Nyamuhanga wʼabotata-kulu betu, suli Nyamuhanga omo lubula kwehĩ? Kandi suli mũtabalĩ oko mami gosĩ wʼebihanda kwehĩ? Nʼomo byala byawe muli Obũtokĩ nʼamaka, isihali oyo wangatoka erihangana erilwa nawe.

2 Emyatsi yʼEmigulu 32:20

Nĩkwa omwami Hezekĩa, nʼomũmĩnyererĩ Ĩsaya mugala wa Amosĩ, mobasaba busana nʼomwatsi oyũ, mobalakira elubula.

Esyonyimbo 50:15

Unyilakire omugulu obũlĩge bũkahĩka; Nasyakũlamya, nawe wasyanyipipa.

Esyonyimbo 91:15

Omugulu bakanyilakira, nasyasũbĩryabo; Omugulu bali omo bũlĩge, nasyabya haguma nabo. Nasyalamyabo nʼerĩsĩkyabo.

Erĩlũayo 3:6

Kandi mwabũga ati, Ĩngye indi Nyamuhanga wa tata wawe, Nyamuhanga wa Abrahamũ, Nyamuhanga wa Ĩsaka, na Nyamuhanga wa Yakobo. Neryo Musa mwabĩsa ũbũsũ buwe; kusangwa mubaha erilola uku Nyamuhanga.

Yeremĩa 32:16

Neryo nabere nabiha Barũkũ mugala wa Nerĩa ebarua eyo yʼerigula, monasaba Omwami Mukulu nyiti,

1 Samwelĩ 30:6

Kandi Dawĩdĩ mwasĩsĩkana kusangwa bandu mobabũga bati bamwĩte omo mabwe, kusangwa emitima yʼabandu bosĩ moyasĩrĩkalĩra, obuli mundu busana nʼabagala buwe na busana nʼabali buwe; nĩkwa Dawĩdĩ mwayibanira maka omo Mwami Mukulu Nyamuhanga wuwe.