Enzũko 32:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ sinyitolere nʼahake oko bibuya byawe byosĩ nʼokwʼitendiregula lyosĩ eryo wakangaya omugombe wawe. Nasoka eYorodanĩ eyĩ nʼomũtso musa, na lino nabiribya milondo ĩbĩrĩ.

Enzũko 32:10 Iomraidhean Croise

Enzũko 18:27

Neryo Abrahamũ mwamũsũbĩrya mwabũga ati, Lebaya lino, ko namalenga eribuga nʼOmwami Mukulu, ĩngye indi olũtũtũ nʼerĩbũ lisa.

Enzũko 24:12

Neryo mwabũga ati, Uwe Mwami Mukulu, Nyamuhanga wʼomukama wage Abrahamũ, ngakũbũlaya nyiti, Umbe omũyĩsa mũnabwĩre, neryo ũkangaye obubuya oko mukama wage Abrahamũ.

Enzũko 24:27

Neryo omugombe oyo mwabũga ati, Omwami Mukulu apipawe, Nyamuhanga wʼomukama wage Abrahamũ, oyũtesĩganaya obubuya buwe nʼekwenene yiwe oko mukama wage. Nĩkwa ĩngye, Omwami Mukulu abirinyisondola omo nzira erĩhĩka omo nyũmba yʼabagala babo mukama wage.

Enzũko 28:13

Kandi lebaya, Omwami Mukulu iniahangene endata kukyo, akabũga ati, Ĩngye indi Mwami Mukulu, wa Abrahamũ, tata wawe, na Nyamuhanga wa Ĩsaka. Ekihugo ekyo ugotsereko nasyahakyo ukʼuwe nʼoko bana bawe.

Enzũko 28:15

Neryo, talebaya, indi haguma nawe, nasyakũteya ehosĩ wasyaya, nasyakũsũbya omo kihugo ekĩ kandi; kusangwa sindiendĩsyakũsĩganĩa nde nabikola ebyo nakubwira.

Enzũko 30:43

Neryo omundu oyo mwakamaha kutsibu, mwabya nʼebihangulo binene, nʼabagombe bʼobũkalĩ, nʼabʼobulume, nʼesyongamia nʼesyopunda.

Enzũko 31:3

Neryo Omwami Mukulu mwabwira Yakobo, ati, Usube oko kihugo kyʼabotata wawe, nʼoko kihanda kyawe. Nage nasyabya haguma nawe.

Enzũko 32:5

Kandi ngwite esyonde, nʼesyopunda, nʼesyombene, nʼabagombe bʼobulume nʼabʼobũkalĩ, neryo namabatuma eribwira omukama wage, inabana eriganyira embere syʼameso wawe.

Enzũko 32:7

Neryo Yakobo mubaha kutsibu, mwakwa buba, neryo mwagaba abandu ababya haguma naye, nʼebihangulo, nʼesyonde, nʼesyongamia, mwatwasyo mo milondo ĩbĩrĩ,

2 Samwelĩ 17:24

Neryo Dawĩdĩ mwahĩka eMahanaĩmũ. Na Abũsaloma mwasoka eYorodanĩ, iye nʼabandu bosĩ ba Ĩsraelĩ haguma naye.

2 Samwelĩ 7:18

Neryo omwami Dawĩdĩ mwingira omo Hema ĩbũyĩrĩre, mwĩkala embere syʼOmwami Mukulu mwabũga ati, Ĩngye ĩndĩkĩ, uwe Mukama, Omwami Mukulu, nʼekĩtũnga kyage ni kihi, uti nomo wanamangolya hano kwehĩ?

Yobũ 17:9

Nĩkwa omutunganene asyawatĩrĩrya oko nzira yiwe, Nʼoyuwite ebyala byerĩre asyakanyirira nʼamaka.

Yobũ 8:7

Kandi nomo erĩtsũka lyawe lyabya lĩke Endũlĩ yawe yasyakanya kutsibu.

Esyonyimbo 16:2

Ĩngye ngabwira Omwami Mukulu, nyiti, Uli Mwami Mukulu wage; Ebibuya byosĩ ebyo ngwite bĩkalũa ukʼuwe.

Esyonyimbo 18:35

Wabirimba engabo yʼerilamya lyawe, Nʼebyala byawe byʼamali bikanyihambirira, Nʼerirembera lyawe lĩkanyĩhamaya.

Esyonyimbo 61:7

Akote embere syawe, uwe Nyamuhanga! Umuhanganire omo lwanzo lwawe olutyusa, nʼeritindalegula lyawe.

Esyonyimbo 8:5

Nĩkwa wabirimuyira mo muke ukʼuwe musa, Kandi wabĩrĩmũsĩngya omo lukengerwa nʼerĩsĩkya lyʼOmwami.

Esyonyimbo 84:7

Amaka wabo akakanya omugulu bakagenda; Basyalangira Nyamuhanga wʼesyonyamuhanga eSĩonĩ!

Esyonyimbo 85:10

Olwanzo nʼeritendiregula byasyahĩndana haguma; Ekitunganene nʼobuholo byasyahĩndana.

Emĩsyo 4:18

Nĩkwa enzira yʼabatunganene iri ngʼekyakakala kyʼomwĩtsange, Ekĩkakoleraya nʼerikanya erĩhĩka oko kiro kĩyĩma-yĩma.

Ĩsaya 6:5

Neryo monabũga nyiti, Obũlĩge ũkwʼĩngye! Kusangwa nyĩtsandĩre; kusangwa indi mundu wʼemĩnywa ĩtsandĩre, kandi nyĩkere omo katĩkatĩ kʼabandu bʼemĩnywa eyĩtsandĩre. Kusangwa ameso wage abirilangira Omwami, Omwami Mukulu wʼemilondo.

Ĩsaya 63:7

Nasyahula obubuya bwʼeriganyira lyʼOmwami Mukulu, nʼeripipa lyʼOmwami Mukulu, ngʼebyosĩ ebyo Mwami Mukulu abirituha, nʼobubuya bunene oko kĩtũnga kya Ĩsraelĩ, obo abirihabo ngʼeriganyira liwe, kandi ngʼobubuya bunene buwe bʼolwanzo.

Mĩka 7:20

Wasyaha ekwenene uku Yakobo, nʼobubuya bʼolwanzo uku Abrahamũ, ebyo walahĩrĩraya ukwʼabo tata wetu erĩtsũka oko biro bya kera.

Luka 17:10

Nenyũ nibya, omugulu mwamabikola ebyosĩ mwategekawa, mũbũge muti, Tuli bagombe abatatolere; twabirikola ebyo tutolere itwakola bisa.

Luka 5:8

Nĩkwa omugulu Sĩmonĩ Petero alangira ebyo, mwawa oko bisando bya Yesu ati, Mukama Ũlũe hakũhĩ nage, kusangwa indi mundu mubi.

2 AbanyaKorinto 12:11

Nabiribya ngʼomũkĩrũ, nĩkwa ĩnywe mwaleka, kusangwa nabya nyitolere erĩsĩmwa nenyũ. Nomo nangabya isindi mundu, kwenene Sindi muke nʼahake oko bakwenda abo mukahula mo bakulu.

Eryibuka Ebihano 8:18

Nĩkwa mwasyibuka Omwami Mukulu Nyamuhanga wawe kusangwa iye yukabaha amaka wʼeribana obuteke; iniabana erihanda endagano yiwe eyo alahĩrĩraya abotata-kulu wenyũ, nga mũnabwĩre.

1 Petero 5:5

Nenyũ nibya ĩnywe balwana, mukenge abakulu benyũ. Kandi ĩnywe bosĩ mũyĩkehaye embere syʼabalĩkyenyũ, kusangwa kĩsakĩre kiti, Nyamuhanga akalwa nʼabakayiheka, Nĩkwa akakanyaya olukogo oko bakayĩkehaya.