Enzũko 3:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Neryo omugulu omũkalĩ alangira omuti kʼowene busana nʼakalyo, nʼakandi kwʼakatsemesaya meso, kandi omuti kwʼanganzwa busana nʼeriyira omundu mo wʼamenge, mwĩmya oko bĩgũma byago, mwalyakyo. Mwahakyo ĩba wuwe, naye mwalyakyo.

Enzũko 3:6 Iomraidhean Croise

Enzũko 3:12

Omundu oyo mwabũga ati, Yo mũkalĩ wamba eribya haguma nage, yo wamba oko bĩgũma byʼomuti oyo, nage monalya.

Enzũko 3:17

Nĩkwa Nyamuhanga mwabũga na Adamu ati, Kusangwa wabirihulikirira omulenge wʼomũkalĩ wawe, kandi wabi­rirya oko bĩgũma byʼomuti, ogo nakuha­na nyiti susyeryako. Ekitaka kyamataki­rwa busana nawe, Omo bũlĩge wasyalya ebyalya byakyo ebiro byosĩ byʼeribyaho lyawe.

Enzũko 39:7

Enyũma wʼemyatsi eyĩ, omũkalĩ wʼomukama wuwe mwabuyahirwa Yosefũ, mwabũga naye ati, Gotsera nage.

Enzũko 6:2

abagala ba Nyamuhanga mobalangira abali bʼabandu ko bali babuya, neryo mobayĩmĩrya abakalĩ bosĩ abo basĩma.

2 Samwelĩ 11:2

Neryo omwʼĩgolo-golo, Dawĩdĩ mwahangana akalũa omo ngyingo yiwe, neryo mwayĩgendya-gendya oko lutwe lwʼenyũmba yʼOmwami; nʼoko lutwe kwʼaho mwalangira omũkalĩ akayikosa; nʼomũkalĩ oyo abya mubuya kutsibu.

1 Abami 13:19

Kwʼasubula atya haguma naye, nʼerirya akalyo omo nyũmba yiwe, nʼerĩpũlya amagetsi.

Yobũ 31:1

Monayira endagano nyiti, Sinangatoka erisamalira omumbesa omo ngumbu nyibi.

Ezekĩelĩ 24:16

Omugala wʼomundu, lebaya, ngakũlũsaya okwʼisonda lyʼameso wawe naho-naho omo kĩhĩ, nĩkwa susyerira kutse erĩsũsũmana, kutse sũsyesendaya emĩsonĩa.

Ezekĩelĩ 24:21

Ubwire ekihanda kya Ĩsraelĩ, uti, Omukama Iye Omwami Mukulu ati, Lebaya, nasyatsandya ahabũyĩrĩre hage, eripipa lyʼamaka wenyũ, erisonda lyʼameso wenyũ, nʼeritsema lyʼomutima wenyũ. Abagala benyũ nʼabali benyũ abo mwasĩga enyũma basyawa omo mũyalĩ.

Ezekĩelĩ 24:25

Nawe, omugala wʼomundu, sikyendisyabya kitya oko kiro ekyo omugulu nasyalũsya kubo ahakangatĩre habo, obutseme bwʼeriyiheka lyabo, erisonda lyʼameso wabo, nʼobutseme bwʼomutima wabo, ba bagala nʼabali babuta.

Hosea 6:7

Nĩkwa ibo nga Adamu babĩrĩhalya endagano. Aho babirinyikola nabi nʼerinyiteba.

Matayo 5:28

Nĩkwa ĩngye ngababwira nyiti, Obuli mundu oyukasamalira omũkalĩ nʼengumbu nyibi iniamabimũsĩngĩra omo mutima wuwe.

1 Timoteo 2:14

Kandi Adamu mwatatebĩbwa, nĩkwa omũkalĩ yo watebĩbawa, yo wahalaya.

Yosũa 7:21

Omugulu nalangira erĩkotĩ ryowene lyʼeBabelĩ omo katĩkatĩ kʼebindu nʼesyosekelĩ syʼekĩtsĩpa magana abiri, nʼomuhimba wʼesyamagetsi erĩrĩtoha lyʼesyosekelĩ makũmĩ atanu, monarumwa kubyo, monĩmyabyo, neryo, lebaya, bĩbĩsĩre omo kitaka omo hema yage, nʼebĩtsĩpa omwisi wabyo.

1 Yoane 2:16

Kusangwa ebyosĩ bya muna-kihugo, esyongumbu syʼomubiri, kandi esyongumbu syʼameso, kandi emiyiheko yʼabandu, ebyosĩ ebĩ ni byʼekihugo, sĩbyelũa uku Tata.

Abatswerĩ 14:17

Naye mwalirira embere siwe ebiro birinda, ebiro bikulu byabo ibikineho; neryo oko kiro kyʼebirinda mwamubwira kusangwa amuhatikana kutsibu; naye mwabwira abana bʼekĩtũnga kiwe endekerano eyo.