Enzũko 3:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Kusangwa Nyamuhanga anasĩ ekiro mwasyalya kubyo, ameso wenyũ asyalĩbũlwa, kandi ko mwasyabya nga Nyamuhanga, imwabya nʼeriminya ekibuya nʼekibi.

Enzũko 3:5 Iomraidhean Croise

Enzũko 2:17

Nĩkwa oko bĩgũma byʼomuti wʼeriminya ekibuya nʼekibi, susyerya kubyo. Kusangwa oko kiro wasyalya kubyo wasyahola kũndũ.

Enzũko 2:9

Neryo Omwami Mukulu Nyamuhanga mwalasya oko kitaka obuli muti owakowana omo meso, nʼogowene oko kalyo. Kandi mwalasya omuti wʼengebe omo katĩkatĩ kʼeririma, nʼomuti wʼeriminya ekibuya nʼekibi.

Enzũko 3:10

Naye mwabũga ati, Mongowa omulenge wawe omwʼirima, mongubaha, kusangwa nyiri ndũmbũ, mongayĩbĩsa.

Enzũko 3:22

Neryo Omwami Mukulu Nyamuhanga mwabũga, ati, Lebaya, omundu oyũ abiribya nga muguma gʼũkwʼĩtwe, eriminya ebibuya nʼebibi. Lino syaswehĩra ebyala biwe erioha ebĩgũma byʼomuti wʼengebe, nʼerirya kubyo, akabyaho akakota.

Enzũko 3:7

Neryo ameso wʼababiri bosĩ mwalĩbũlwa, mobaminya ko babya ndũmbũ. Neryo mobalandira haguma ebikoma byʼomũtĩnĩ, mobayirabyo mo ngimba.

1 Abami 22:6

Neryo omwami wa Ĩsraelĩ mwahĩndanĩa haguma abamĩnyererĩ nga bandu magana ani, mwabũlyabo ati, Nyinayalwe nʼeRamotĩ-gĩleadĩ, kutse nyũmbaye kwehĩ? Nabo mobabũga bati, Uhetukireyo kusangwa Omukama asyahĩrago omo byala byʼOmwami.

2 Emyatsi yʼEmigulu 32:15

Neryo lino simuleke Hezekĩa akabateba, kutse erĩbatalya omo mũsĩndo oyũ, kandi sĩmũmwĩkĩrĩraye, kusangwa sihali nyamuhanga wʼekihanda nʼekiguma kutse wʼobwami nʼobuguma oyo wangatoka erĩlamya bandu buwe omo byala byage, kutse omo byala byʼabotata wage. Kwilaba ho kangahi Nyamuhanga wenyũ asyatoka erĩbalamya omo byala byage kwehĩ?

Esyonyimbo 12:4

Bakabũga bati, Twasyasĩngana omo lulimi lwetu, Emĩnywa yetu ni yetu, Nindi akatutabalako kwehĩ?

Erĩlũayo 20:7

Isiwahula erĩna lyʼOmwami Mukulu Nyamuhanga wawe lyo busa; kusangwa Omwami Mukulu siendisyamuganza eribya butsira musango oyukahula erĩna liwe lyo busa.

Erĩlũayo 5:2

Nĩkwa Farao mwabũga ati, Omwami Mukulu nindi uti nangowa omulenge wuwe nʼerireka Abaĩsraelĩ erigenda kwehĩ? Sĩnyasĩ Omwami Mukulu, nʼakandi sindiendireka Abaĩsraelĩ erigenda.

Ĩsaya 14:14

Nasyahetukira endata kwilaba obuli bwʼebĩtũ, nasyayĩrĩngĩrĩranĩa nʼOwendata Kutsibu.

Ezekĩelĩ 13:22

Kusangwa mwabĩrĩagalya emitima yʼabatunganene omo mabehĩ, omugulu nabya nyite nabaha obũlĩge, nĩkwa ĩmwabĩrĩsĩkya omubi, sĩabũnũkale nʼerireka enzira nyibi yiwe, nʼerĩlamya engebe yiwe.

Ezekĩelĩ 28:12

Mugala wʼomundu, Uguse omulenge wʼekiriro busana nʼomwami wʼeTĩro, ũbũge naye uti, Omukama Iye Omwami Mukulu ati, Wabya nʼekiminyikalo kyʼerĩhĩkana, goswĩre nʼamenge, nʼerĩhĩkana omo bũsũge.

Ezekĩelĩ 28:2

Mugala wʼomundu, Ubwire omũsondolĩ wʼeTĩro uti, Omukama Iye Omwami Mukulu ati, Kusangwa omutima wawe amayĩhamya, kandi wabĩrĩbũga uti, Ĩngye nyiri nyamuhanga, nyĩkere omo kĩtũmbĩ kyʼesyonyamuhanga, omo katĩkatĩ kʼesyongetsi. Nĩkwa uli mundu, suli Nyamuhanga, nomo wangahĩra omutima wawe eribya nga Nyamuhanga.

Ezekĩelĩ 28:9

Wasyaswabũga embere syʼoyũkakwĩta uti, Ĩngye indi nyamuhanga inuli mundu, isuli Nyamuhanga, omo byala byʼoyũkakũhũtalaya kwehĩ?

Ezekĩelĩ 29:3

Ũbũge uti, Umukama, Iye Omwami Mukulu ati, Ũlebaye, ngalwa nawe, uwe Farao omwami wʼeMĩsĩrĩ, ekiyoka kinene ekĩkere omo katĩkatĩ kʼesyonyũsĩ syako, kyabĩrĩbũga kiti, Olũsĩ lwʼeNĩlĩ lwage ni lwage, ĩngyowene nabirihangikalo.

Danĩelĩ 4:30

Neryo omwami mwabũga ati, Okũ si Babelĩ kunene, oko nabĩrĩhĩmba busana nʼenyũmba yʼobwami, omo maka wʼobũtokĩ bwage na busana nʼolukengerwa lwʼerĩkangabasanĩa lyage kwehĩ?

Danĩelĩ 6:7

Abakulu bosĩ bʼobwami, nʼabakama, nʼabatabalĩ, nʼabahanĩ, nʼabalemĩ, babĩrĩkanĩa haguma erĩhanganĩa erihana lyʼobwami, nerĩhĩru erĩganĩsya lĩkalĩre, liti, oyo wasyasaba kindi oko gundi nyamuhanga, kutse oko mundu wahi oko biro makũmĩ asatu, ate ukʼuwe mwami, asyaguswa omo kyũna kyʼesyondale.

Matayo 6:23

Nĩkwa erĩso lyawe lyamabya libi, omubiri wawe gosĩ asyũsũla mʼomwĩrĩmya. Neryo ekyakakala ekiri omwisi wawe kyamabya mwĩrĩmya, omwĩrĩmya oyo ni munene kutsibu! Nyamuhanga nʼebindu.

Emibiri 26:18

Ũkandisyalĩbũla ameso wabo, ibatoka eribinduka erĩlũa omo mwĩrĩmya nʼeribindukira ekyakakala, nʼeribinduka erĩlũa oko butabale bwʼeSatanĩ nʼeribindukira Nyamuhanga. Neryo busana nʼerĩnyĩkĩrĩrya babane eribuyirwa lyʼebibi, kandi babane omwanya omo katĩkatĩ kʼabandu abo Nyamuhanga abiriyisoga, nʼabo abirihigula.

2 AbanyaKorinto 11:3

Nĩkwa ngubaha nyiti, Ngoko Eva atebĩbawa nʼamenge mabi wʼenzoka, kwʼamalengekanĩa wenyũ asyatsandĩbwa atya, imwaleka erikwama Kristo nʼolwanzo lwenyũ losĩ, nʼomutima wenyũ gosĩ.

2 AbanyaKorinto 4:4

Sĩbalĩkĩrĩraya kusangwa nyamuhanga mubi wʼekihugo kino abĩrĩrĩba ameso wʼobũlengekanĩa bwabo ati sibalangire ekyakakala kyʼEngulu Yowene eyʼolukengerwa lwa Kristo, oyuli kĩsosekanĩo kya Nyamuhanga.

2 AbanyaTesalonika 2:4

Iye akalwa nʼesyosĩ esyo abandu bakahula mo nyamuhanga, nʼebyosĩ abandu bakaramaya. Asyayĩhamya endata oko syosĩ, nʼeriya omo Hekalũ ya Nyamuhanga, nʼerĩĩkala oko kĩtũmbĩ omo Hekalũ, nʼeriyahula mo Nyamuhanga.

Eribisurirwa 13:14

Nĩkwa ikateba abandu bosĩ abĩkere omo kihugo busana nʼebitiko-tiko ebyo yahabawa erikola embere wʼenyama yʼerĩmbere. Enyama eyĩ moyabwira abandu bosĩ abĩkere munakihugo iti, bakokotaye esanamu busana nʼenyama eyahutala ekironda kyʼomo mũyalĩ, nʼeriswabyaho.

Eribisurirwa 13:4

Neryo abandu mobaramya ekiyoka ekyo kusangwa mokyaha enyama eyo ehamũlĩ yakyo. Kandi mobaramya enyama eyo bati, Nindi ali ngʼenyama eyo kwehĩ? Kandi nindi wangatoka erilwa nayo kwehĩ?

Abatswerĩ 3:2

esyondengo syʼabana ba Ĩsraelĩ sitoke erĩkangĩrĩrĩbwa amalwa, abatabya basĩgo erĩmbere nʼahake).