Enzũko 3:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Kyatuma Omwami Mukulu Nyamuhanga ĩnĩalolyabo eyĩhya wʼeririma lyʼeEdenĩ, alime ekitaka ekyo alũsĩbawamo.

Enzũko 3:23 Iomraidhean Croise

Enzũko 2:5

Neryo isihali mwaka wʼomwʼirima omo kihugo, nʼebiti byʼomolĩ isibiri byalasa. Kusangwa Omwami Mukulu Nyamuhanga isiali awĩsya embũla oko kitaka. Isihali mundu oyo wangalima ekitaka.

Enzũko 2:7

Neryo Omwami Mukulu Nyamuhanga mwabumba omundu omo lũtũtũ lwʼekitaka, neryo mwabuhira omo nĩndo yiwe mʼomuka wʼengebe. Omundu oyo mwabya omundu oyuliho.

Enzũko 2:8

Nĩkwa Omwami Mukulu Nyamuhanga mwahera eririma oko luhande lwʼendata omo Edenĩ. Neryo mwahĩramo omundu oyo abumba.

Enzũko 3:19

Omo lũnza lʼobũsũ bwawe wasyalya akalyo, erĩhĩka oko kiro wasyasuba oko kitaka, kusangwa walũsĩbawa omo lũtũtũ nʼakandi uli lũtũtũ, nʼakandi wasyasuba omo lũtũtũ.

Enzũko 3:22

Neryo Omwami Mukulu Nyamuhanga mwabũga, ati, Lebaya, omundu oyũ abiribya nga muguma gʼũkwʼĩtwe, eriminya ebibuya nʼebibi. Lino syaswehĩra ebyala biwe erioha ebĩgũma byʼomuti wʼengebe, nʼerirya kubyo, akabyaho akakota.

Enzũko 3:24

Litya mwahigira omundu oyo yʼeyĩhya, neryo mwahĩra Amakerũbĩ oko luhande lwʼendata lwʼeririma lyʼeEdenĩ; nʼomũyalĩ wʼekirimi kyʼomuliro owakatĩmba ehosĩ, busana nʼerĩteya enzira eyʼomuti wʼengebe.

Enzũko 4:12

Omugulu ukalima ekitaka, sikyendisyakuha amaka wakyo. Wasyabya mũsayĩ nʼomũgendĩ-gendĩ omo kihugo.

Enzũko 4:2

Kandi mwabuta mugala wabo ye Abele. Neryo Abele abya mũlĩsya wʼesyombũlĩ, nĩkwa Kaĩna abya mũlĩmĩ wʼamalima.

Enzũko 9:20

Neryo Noa mwatsũka eribya mũlĩmĩ, neryo mwahera eririma lyʼebĩnyũ.

Omũgambũlĩ 5:9

Kandi ekihugo kiri nʼobwaga bʼomwami Oyukalima.