Enzũko 28:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Nyamuhanga Omũtokĩ Wʼebyosĩ akutsumule nʼerĩkũkanyĩa, nʼerikutomekera, iwabya ndeko yʼabandu.

Enzũko 28:3 Iomraidhean Croise

Enzũko 1:28

Neryo Nyamuhanga mwatsumulabo, neryo Nyamuhanga mwabwirabo ati, Mubute mukanyirire, mũsũlaye ekihugo, mũgondayekyo; mutabale oko mahere wʼomo ngetsi nʼoko nyonyũ syʼomo kyanya, mutabalire obuli kindu ekiriho, ekikalendera oko kihugo.

Enzũko 13:16

Neryo nasyayira abana bawe ngʼolũtũtũ lwʼekitaka, neryo omundu amatoka eriganza olũtũtũ lwʼekitaka, neryo abana bawe ibanganaganzwa.

Enzũko 17:20

Nĩkwa busana na Ĩsĩmaelĩ, nabĩrĩkowa, lebaya, nabirimutsumula, nasyamũkanyĩrĩrya nʼerimutomekera kutsibu. Asyabuta abakama erĩkũmĩ nʼababiri, kandi nasyamuyira mo kihanda kinene.

Enzũko 24:60

Neryo mobatsumula Rebeka, mobabũga naye bati, Uwe, mwali wetu, ubye nyĩnya wʼamaelfu mangi, kandi abana bawe basyasĩgalya esyongyo syʼabakabakwa obusu.

Enzũko 26:24

Neryo Omwami Mukulu mwamuhulukira omo kiro ekyo, mwabũga ati, Ĩngye indi Nyamuhanga wa Abrahamũ, tata wawe. Sigubahe, kusangwa ĩngye indi haguma nawe. Nasyakutsumula, nʼerĩkanyĩrĩrya abana bawe busana nʼomugombe wage Abrahamũ.

Enzũko 26:4

Nage nasyakanyĩrĩrya abana bawe ngʼesyongũnũnũ syʼelubula, kandi nasyaha oko bana bawe ebihugo byosĩ ebĩ. Kandi busana nʼabana bawe ebihanda byosĩ byʼekihugo byasyatsumulwa.

Enzũko 27:33

Neryo Ĩsaka mwatitimana kutsibu, mwabũga ati, Ko nindi yulyanyiretera esĩswĩ syʼobuhiyi kwehĩ? Nage nabirirya oko byosĩ ute wasa nʼerimutsumula, ega, naye asyatsumulwa.

Enzũko 35:11

Kandi Nyamuhanga mwabũga naye ati, Ĩngye indi Nyamuhanga Omũtokĩ Wʼebyosĩ. Ukanyirire utomekerawe; ekihanda nʼendeko yʼebihanda byasyalũa ukʼuwe, kandi Wasyabya tata wʼabami.

Enzũko 41:52

Neryo mwaluka akambale mo Efraĩmũ, kusangwa Nyamuhanga abĩrĩnyĩkanyĩrĩrya omo kihugo kyʼobũlĩge bwage.

Enzũko 43:14

Kandi Nyamuhanga Omũtokĩ Wʼebyosĩ abaganyire embere syʼomundu oyo, iniababoholera ogundi mugala wenyũ na Benyamĩna. Nage namakwĩrwa nʼabana bage, ĩnamabĩkwĩrwa.

Enzũko 48:3

Neryo Yakobo mwabũga na Yosefũ ati, Nyamuhanga Omũtokĩ Wʼebyosĩ mwanyihulukira eLũzĩ omo kihugo kyʼeKanana, nʼerinyitsumula.

Enzũko 48:4

Kandi mwambwira ati, Lebaya, nasyakuha abana, nʼerĩkũkanyĩrĩrya, kandi nasyakuyira mo bihanda bingi byʼabandu, kandi nasyaha abana bawe ekihugo ekĩ enyũma syawe mo mwandu wa kera na kera.

Enzũko 49:25

Busana na Nyamuhanga wa tata wawe, oyũkakũwatĩkaya, Na busana nʼOmũtokĩ Wʼebyosĩ oyukakutsumula, Omo mĩyĩsa yʼelubula lwʼendata, Emĩyĩsa yʼemitobero eyĩbũndamĩre omwisi, Emĩyĩsa yʼamabere nʼeyʼekĩsũko kyʼenda.

Enzũko 9:1

Neryo Nyamuhanga mwatsumula Noa nʼabagala buwe, mwabũga nabo ati, Mubute, mukanyirire, mũsũlaye ekihugo.

Esyonyimbo 127:1

Omwami Mukulu amatindahĩmba enyũmba, Omũbĩrĩ wʼabahĩmbĩ ini buyira; Omwami Mukulu amatendateya omũyĩ. Abateya ibakakũbĩrato busa.

Esyonyimbo 127:3

Abana nĩ lũsũnzo olũkalũa oko Mwami Mukulu; Abana nĩ mũyĩsa kũndũ.

Erĩlũayo 1:7

Nʼabana ba Ĩsraelĩ mobabuta-bũtanĩa, mobakanya kutsibu, nʼerikanyirira, mobabya nʼamaka kutsibu; kandi mobabuga-bugana omo kihugo ekyo.

Erĩlũayo 6:3

kandi monahulukira uku Abrahamũ, nʼuku Ĩsaka, nʼuku Yakobo, nga Nyamuhanga Omũtokĩ; nĩkwa omo lĩna lyage Mwami Mukulu, mondaminyikala kubo.

2 AbanyaKorinto 6:18

Nasyabya Tata wenyũ, Nenyũ mwasyabya bagala bage nʼabali bage, Omukama wʼobũtokĩ Bosĩ akabũga atya.

Eribisurirwa 21:22

Nĩkwa mondalangira eHekalũ omo mũyĩ oyo, kusangwa Omukama Nyamuhanga, Omũtokĩ Wʼebyosĩ, nʼEkyana kyʼEmbũlĩ bo Hekalũ yʼomũyĩ oyo.

Rũta 2:4

Neryo lebaya, Boazĩ mwasa akalũa eBetelehemũ, kandi mwabwira abagesĩ ati, Omwami Mukulu abye nenyũ. Nabo mobamũsũbĩrya bati, Omwami Mukulu akutsumule.