Enzũko 27:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Naye mwabũga ati, Lebaya lino, indi mũsyakulu, Sĩnyasĩ ekiro kyʼoluholo lwage.

Enzũko 27:2 Iomraidhean Croise

Enzũko 27:3

Lino, nyiti. Wĩmaye ebindu byawe, olubo lwawe nʼobuta bwawe, ugende omolĩ, unyihigire akanyama.

Enzũko 47:29

Neryo omugulu wʼerihola lya Ĩsraelĩ mwahĩka hakũhĩ. Mwabirikira mugala wuwe Yosefũ, mwamubwira ati, Kumbe namabana erĩsĩmwa omo meso wawe, ngakũbũlaya Ũhĩre ebyala byawe oko kihinga kyage, ungolere ekibuya nʼekwenene. Ngakũbũlaya susyenyita eMĩsĩrĩ.

Enzũko 48:21

Neryo Ĩsraelĩ mwabwira Yosefũ ati, Lebaya, nyiri hakũhĩ nʼerihola. Nĩkwa Nyamuhanga asyabya haguma nenyũ, asyabasũbya omo kihugo kyʼabotata wenyũ.

Emĩsyo 27:1

Suyipipe busana nʼomungya; Kusangwa Sĩwasĩ ebyo ekiro kyangahũlũkya.

Omũgambũlĩ 9:10

Ekĩndũkĩ ekyo ebyala byawe bikabana erikola, ukikole nʼamaka wawe gosĩ, kusangwa sihali mũbĩrĩ, kutse erĩtegekanĩa, kutse amenge eKũlĩmũ, eyo ukaya.

Ĩsaya 38:1

Oko biro ebyo Hezekĩa mwalwala endwala yʼerihola. Ĩsaya mugala wa Amosĩ mwamũhĩkako, mwamubwira ati, Omwami Mukulu ati, Ũtegekanaye emyatsi yʼekĩtũnga kyawe, kusangwa ukandihola, siwendisyabyaho.

Ĩsaya 38:3

ati, Ngakulemba-lemba, uwe Mwami Mukulu, Wibuke ngoko nabirilendera embere syawe omo kwenene nʼomo mutima ahĩkene, kandi nabirikola ebibuya omo meso wawe. Neryo Hezekĩa mwalira kutsibu-tsibu.

Mariko 13:35

Neryo mũtegaye, kusangwa sĩmwasĩ omugulu omukama wʼenyũmba asyasa—kutse omwʼĩgolo-golo, kutse omo katĩ-kanene kutse engoko yahasabo, kutse bwasesukala.

Yakobo 4:14

Kwesĩ sĩmwasĩ nga mwasyabya muti omo ngyakya. Kusangwa engebe yenyũ iri ngʼoluhohe, olukahuluka katambĩ kake, neryo ilwabulirayo.

1 Samwelĩ 20:3

Neryo Dawĩdĩ mwaswalahĩrya ati, Tata wawe anasĩ ndeke ko nabĩrĩsĩmwa omo meso wawe; neryo akabũga ati, Yonatana siaminye omwatsi oyũ akasyakwa bũlĩge. Nĩkwa kwenene ngoko Mwami Mukulu aliho, kandi ngoko ekĩrĩmũ kyawe kiriho, hali ngʼeribasula liguma lisa omo katĩkatĩ kage nʼoluholo.