Enzũko 26:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Nage nasyakanyĩrĩrya abana bawe ngʼesyongũnũnũ syʼelubula, kandi nasyaha oko bana bawe ebihugo byosĩ ebĩ. Kandi busana nʼabana bawe ebihanda byosĩ byʼekihugo byasyatsumulwa.

Enzũko 26:4 Iomraidhean Croise

Enzũko 13:16

Neryo nasyayira abana bawe ngʼolũtũtũ lwʼekitaka, neryo omundu amatoka eriganza olũtũtũ lwʼekitaka, neryo abana bawe ibanganaganzwa.

Enzũko 15:18

Oko kiro ekyo Omwami Mukulu mwayira endagane na Abramu ati, Nasyaha ekihugo ekĩ oko bana bawe erĩtsũka oko lũsĩ lwʼeMĩsĩrĩ erĩhĩka oko lũsĩ lunene lwʼeEfũratĩ.

Enzũko 15:5

Neryo Nyamuhanga mwamũhũlũkĩrya eyĩhya mwabũga ati, Ũlebaye omo kyanya, uganze esyongũnũnũ, wamabya wanganatoka eriganzasyo. Neryo mwabũga naye ati, Abana bawe ko basyabya batya.

Enzũko 18:18

Kusangwa kwenene asyabya kihanda kinene kyʼamaka, nʼebihanda byosĩ byʼekihugo byasyatsumulwa omwisi siwe.

Enzũko 26:24

Neryo Omwami Mukulu mwamuhulukira omo kiro ekyo, mwabũga ati, Ĩngye indi Nyamuhanga wa Abrahamũ, tata wawe. Sigubahe, kusangwa ĩngye indi haguma nawe. Nasyakutsumula, nʼerĩkanyĩrĩrya abana bawe busana nʼomugombe wage Abrahamũ.

Enzũko 28:14

Kandi abana bawe basyabya ngʼolũtũtũ lwʼekitaka, neryo wasyabwayira omo kihugo kyʼeyĩkwa nʼomo kyʼendata, nʼomo butambi bwʼendata nʼomo bundi butambi bwʼeyĩkwa, nʼomwisi wawe nʼomo bana bawe, ebihanda byosĩ byʼekihugo byasyatsumulwa.

Enzũko 28:3

Nyamuhanga Omũtokĩ Wʼebyosĩ akutsumule nʼerĩkũkanyĩa, nʼerikutomekera, iwabya ndeko yʼabandu.

Enzũko 35:12

Ekihugo ekyo naha Abrahamũ na Ĩsaka, nasyahakyo ukʼuwe, nʼoko lubuto lwawe enyũma syawe.

Enzũko 47:27

Neryo Ĩsraelĩ mwĩkala omo kihugo kyʼeMĩsĩrĩ, omo kihugo kyʼeGosenĩ. Aho bayitundira ebindu, mobabuta mobakanya kutsibu.

1 Emyatsi yʼEmigulu 27:23

Nĩkwa Dawĩdĩ mwataganza abʼemyaka makũmĩ abiri nʼabalere kwʼaho, kusangwa Omwami Mukulu mwabũga ati, asyakanyĩa Ĩsraelĩ ngʼesyongũnũnũ syʼekyanya.

Esyonyimbo 72:17

Erĩna liwe siribiriranawe na kera; Engulu yiwe ikote ngʼeryuba. Abandu bayitsumule busana naye, Ebihanda byosĩ bipipe Omwami.

Erĩlũayo 32:13

Wibuke Abrahamũ, Ĩsaka, na Ĩsraelĩ, abagombe bawe, abo walahĩrĩrayako busana nawe, nʼerĩbũga nabo, uti, Nasyakanyĩrĩrya olubuto lwenyũ ngʼesyongũnũnũ syʼelubula, nʼekihugo kyosĩ ekyo nabiriahula nasyahakyo abana benyũ, basyalyakyo mo mwandu wa kera na kera.

Erĩlũayo 6:4

Kandi nabirihanda endagano yage haguma nabo, erihabo ekihugo kyʼeKanana, ekihugo kyʼobubunga bwabo, ekyo babungiramo.

Emibiri 3:25

Kandi esyondagane sya Nyamuhanga omo bamĩnyererĩ nĩ syenyũ, nenyũ mukasangira erilagana eryo Nyamuhanga ayira nʼabotata-kulu wenyũ. Ngoko abwira Abrahamũ ati, Nasyatsumula abandu bosĩ bʼekihugo omo bana bawe.

AbanyaGalatia 3:16

Neryo. Nyamuhanga mwaha esyondagane siwe uku Abrahamũ nʼoko lubuto luwe. Sĩalĩbũga ati, oko bana buwe, eriahula bangi, nĩkwa akabũga ati, oko lubuto lwawe mundu muguma, iniakahula Kristo.

AbanyaGalatia 3:8

Neryo Amasako mwaminya erĩmbere ngoko Nyamuhanga asyatũngananĩa Ebihanda busana nʼerĩkĩrĩrya, neryo mwatũla Engulu Yowene uku Abrahamũ ati, Omwisi syawe, ĩngye Nyamuhanga nasyatsumula Ebihanda byosĩ.

Eryibuka Ebihano 13:17

Kandi sihendĩsyasĩgalira ekindu nʼekiguma oko byaganawa ebikandimakirira oko byala byawe, Omwami Mukulu atoke eribinduka okwʼihitana liwe rĩkalĩre, nʼerĩbakangya olukogo luwe nʼeribaganyira, nʼerĩbakanyĩa, ngoko abĩrĩlahĩrĩrya abotata-kulu wenyũ;

Eryibuka Ebihano 9:5

Si busana nʼeritunganene lyenyũ, kutse busana nʼerĩhĩkana lyʼomutima wenyũ, ukingira erĩsĩgalya ekihugo kyabo; nĩkwa busana nʼebibi byʼebihanda ebĩ, Omwami Mukulu akahigabyo embere syenyũ, iniatoka erĩsĩkya erĩlahĩrya eryo Mwami Mukulu alahĩrĩraya abotata-kulu wenyũ, Abrahamũ, na Ĩsaka, na Yakobo.

AbaEbrania 11:2

Kusangwa busana nʼerĩkĩrĩrya lyabo, abandu ba kera mobabana erĩsĩmwa lya Nyamuhanga.