Enzũko 26:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Neryo Ĩsaka mwahera esyombuto omo kihugo ekyo, neryo mwagesa nʼomũyĩsa ngendo ĩgana oko mwaka oyo. Kandi Omwami Mukulu mwamutsumula.

Enzũko 26:12 Iomraidhean Croise

Enzũko 24:1

Neryo Abrahamũ mwabya mũsyakulu, nʼowʼebiro bingi. Neryo Omwami Mukulu mwatsumula Abrahamũ yʼomo myatsi yosĩ.

Enzũko 24:35

Nĩkwa Omwami Mukulu abiritsumula omukama wage yo kutsibu. Abiribya muteke. Abirimuha esyombũlĩ, esyonde, ebĩtsĩpa, nʼesyamagetsi, nʼabagombe bʼobulume, nʼabʼobũkalĩ, nʼesyongamia, nʼesyopu­nda.

Enzũko 25:11

Neryo enyũma wʼoluholo lwa Abrahamũ, Nyamuhanga mwatsumula Ĩsaka mugala wuwe, Neryo Ĩsaka mwĩkala hakũhĩ nʼeBerĩ-lahaĩ-roĩ.

Enzũko 26:29

uti, Siwendisyatukola nabi, ngoko tũtakũtũlako, kandi ngoko tutakukolera kindu kye nʼekibuya, nʼerikutsindika nʼobuholo. Lino uli mutsumulwa wʼOmwami Mukulu.

Enzũko 26:3

Ubunge omo kihugo ekĩ, nage nasyabya haguma nawe, nʼerikutsumula, kusangwa ukʼuwe nʼoko bana bawe nasyabaha ebihugo byosĩ ebĩ, kandi nasyahanganĩa erĩlahĩrya eryo nalahĩraya uku tata wawe Abrahamũ.

Enzũko 30:30

Kusangwa byabya bike ebyo wabya uwite nde nasa, neryo byabirikanya eribya bingi, kandi Omwami Mukulu abirikutsumula ehosĩ nabĩrĩlolya. Na lino nasyabirikira ekĩtũnga kyage kyo mugulu wahi kwehĩ?

Yobũ 42:12

Litya Omwami Mukulu mwatsumula ebiro ebyo byʼenyũma bya Yobũ, kwilaba ebiro byʼerĩtsũka liwe. Kandi mwabya nʼesyombũlĩ elfu ĩkumĩ nʼĩnĩ, nʼesyongamia elfu ndatu, nʼesyonume syʼesyonde syʼoko ngomo elfu ĩbĩrĩ, nʼesyopunda syʼobũkalĩ elfu nguma.

Esyonyimbo 67:6

Ekitaka kyabĩrĩerya esyombuto syakyo; Nyamuhanga, Nyamuhanga wetu, abiritutsumula;

Esyonyimbo 72:16

Engano ibyeho nene omo kihugo; Nʼehitwa hyũsũle mwʼebyalya ngʼebiri eLebanonĩ. Emĩyĩ yosũle mwʼabandu ngʼebiti ebikalasa omolĩ.

Emĩsyo 10:22

Omũyĩsa wʼOmwami Mukulu akaleta obuteke; Naye sialitomeka obũlĩge bo kugo.

Omũgambũlĩ 11:6

Omo ngyakyangyakya uhere embuto yawe, nʼomwʼĩgolo-golo sĩwĩkale buyira, kusangwa Sĩwasĩ ngʼeribiba lyʼengyakya-ngyakya, kutse lyʼomwʼĩgolo-golo lyasyalasa, kutse ngʼebyosĩ bibiri byasyowana haguma.

Zekarĩa 8:12

Kusangwa hasyabya obuholo busana nʼembuto, omũlĩkĩ wʼebĩnyũ asyahetya ebĩgũma byago, nʼekitaka kyasyalasya akalyo kakyo, nʼekyanya kyasyawĩsya ekimi kyakyo; nage nasyaleka abasĩgalira bʼabandu aba erirya omwandu wʼemyatsi eyĩ yosĩ.

Matayo 13:23

Nʼembuto eyabibawa omo kitaka kyowene, yo mundu oyũkowa ekĩnywa akaminyakyo; yo yũkeraya embuto eyo, eyindi mbuto ĩgana, eyindi amakũmĩ ndatu, nʼeyindi amakũmĩ asatu.

Matayo 13:8

Nʼesindi mbuto mosyatogera omo kitaka kyowene, mosyasohola, esindi erĩgana, nʼesindi amakũmĩ ndatu, nʼesindi amakũmĩ asatu.

Mariko 4:8

Nĩkwa esindi mbuto mosyatogera omo kitaka kyowene mosyalasa, mosyaboga-boga mosyasohola. Esindi mosyabuta embuto ngendo makũmĩ asatu, nʼesindi amakũmĩ ndatu, nʼesindi ngendo ĩgana.

1 AbanyaKorinto 3:6

Ĩngye nahera embuto, Apolo mũtũlĩra kuyo kwʼamagetsi, nĩkwa Nyamuhanga yo waleka embuto iyalasa.