Enzũko 24:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Omwami Mukulu Nyamuhanga wʼel­ubula oyo wandũsaya omo nyũmba ya tata wage nʼomo kihugo ekyo nabutawamo, nʼoyo wakanaya nage, nʼoyo wanyĩlahĩrayako, ati, Nasyaha ekihugo ekĩ oko bana bawe asyatuma omũlaĩka wuwe embere syawe, wasyabanira mugala wage yʼomũkalĩ erĩlũa eyo.

Enzũko 24:7 Iomraidhean Croise

Enzũko 13:15

kusangwa ekihugo kyosĩ ukalangira nasyakuhakyo, nʼoko lubuto lwawe kera na kera.

Enzũko 15:18

Oko kiro ekyo Omwami Mukulu mwayira endagane na Abramu ati, Nasyaha ekihugo ekĩ oko bana bawe erĩtsũka oko lũsĩ lwʼeMĩsĩrĩ erĩhĩka oko lũsĩ lunene lwʼeEfũratĩ.

Enzũko 16:7

Nĩkwa omũlaĩka wʼOmwami Mukulu mweya Hagarĩ okwʼĩsoko yʼamagetsi omo mbwarara, hakũhĩ nʼeyĩsoko omo nzira yʼeSũrĩ.

Enzũko 17:8

Kandi nasyakuha, nʼoko bana bawe enyũma wawe, ekihugo ekyo wabirirenderamo mo mubunga, ekihugo kyosĩ kyʼeKanana, eribya bũsokĩ bwawe bwa kera na kera, nage nasyabya Nyamuhanga wabo.

Enzũko 21:17

Neryo Nyamuhanga mowa omulenge wʼomũlwana akalira, nʼomũlaĩka wa Nyamuhanga erĩlũa elubula mwabirikira Hagarĩ, neryo mwabũga naye ati, Wamakwakĩ Hagarĩ? Sigubahe, kusangwa Nyamuhanga amabĩowa omulenge wʼomũlwana aho ali.

Enzũko 22:11

Neryo omũlaĩka wʼOmwami Mukulu mwamubirikira erĩlũa elubula ati, Abrahamũ, Abrahamũ! Naye mwabũga ati, Ĩngye yono hano.

Enzũko 24:3

neryo ngandikusema oko Mwami Mukulu Nyamuhanga wʼelubula, na Nyamuhanga wʼekihugo, uti siwendisyĩmĩrya mugala wage omũkalĩ oko bali bʼeKanana, abo nyĩkere nabo,

Enzũko 24:40

Neryo mwambwira ati, Omwami Mukulu, oyo ngalendera embere siwe, asyatuma omũlaĩka wuwe haguma nawe, asyakuha omũyĩsa gʼomo nzira yawe. Nawe wasyĩmĩrya mugala wage yʼomũkalĩ omo kihanda kyage nʼowʼenyũmba ya tata wage,

Enzũko 26:24

Neryo Omwami Mukulu mwamuhulukira omo kiro ekyo, mwabũga ati, Ĩngye indi Nyamuhanga wa Abrahamũ, tata wawe. Sigubahe, kusangwa ĩngye indi haguma nawe. Nasyakutsumula, nʼerĩkanyĩrĩrya abana bawe busana nʼomugombe wage Abrahamũ.

Ezera 1:2

Kĩro omwami wʼePersĩa akabũga ati, Omwami Mukulu Nyamuhanga wʼelubula abirimba amami gosĩ wʼekihugo; kandi abirinyihamula ati nyĩmũhĩmbĩre enyũmba eYerũsalema, eyiri eYũda.

Esyonyimbo 103:20

Mupipe Omwami Mukulu, ĩnywe bamalaĩka bʼamaka nʼobũtokĩ, Abakakenga amahano wuwe, Abakahulikirira ebyo akabũga!

Esyonyimbo 136:26

Muhe ewasĩngya uku Nyamuhanga wʼelubula; Olwanzo luwe olutyusa lukakota.

Esyonyimbo 32:8

Nasyakũkangĩrĩrya enzira wangalabamo; Nasyakuhana nʼerĩkwĩyĩsya.

Esyonyimbo 34:7

Omũlaĩka wʼOmwami Mukulu akategaya abakamubaha, Akalamayabo omo bwĩko.

Esyonyimbo 73:24

Ukanyisondola omwʼihana lyawe, Nʼoko ndũlĩ wasyanyĩkokya nʼerĩsĩkya.

Erĩlũayo 13:5

Neryo, omugulu Omwami Mukulu asyabakolya omo kihugo kyʼOmukanana, nʼOmũhĩtĩ, nʼOmũamorĩ nʼOmũhĩvĩ, nʼOmũyebũsĩ, ekyo alahĩraya abotata wawe eribaha, ekihugo ekikasenda mwʼamasabũ nʼobuki, mwasyateya omwatsi oyũ omo mukera oyũ.

Erĩlũayo 32:13

Wibuke Abrahamũ, Ĩsaka, na Ĩsraelĩ, abagombe bawe, abo walahĩrĩrayako busana nawe, nʼerĩbũga nabo, uti, Nasyakanyĩrĩrya olubuto lwenyũ ngʼesyongũnũnũ syʼelubula, nʼekihugo kyosĩ ekyo nabiriahula nasyahakyo abana benyũ, basyalyakyo mo mwandu wa kera na kera.

Erĩlũayo 33:2

Nage nasyatuma omũlaĩka embere syawe; kandi nasyahiga Omukanana, nʼOmũamorĩ, nʼOmũhĩtĩ, nʼOmũperĩzĩ, nʼOmũhĩvĩ, nʼOmũyebũsi eyĩhya;

Ĩsaya 63:9

Omo malĩge wabo gosĩ naye mwagalwa, nʼomũlaĩka wʼembere siwe mwalamyabo. Mwatongolyabo omo lwanzo luwe nʼerisasira liwe. Kandi mwatelulabo, mwahekabo ebiro byosĩ bya kera.

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Yona 1:9

Naye mwabwirabo ati, Ingye indi Muebrania; ngubaha Omwami Mukulu Nyamuhanga wʼelubula, oyo wabumba engetsi nʼekitaka kyũmĩre.

Emiganzo 11:12

Ko nĩ ngye nakeka obukule bwʼabandu bosĩ aba kwehĩ? Ko nĩ ngye nabutabo neryo iwambwira uti, Hekabo oko kĩkũba kyawe, ngʼomũlemberĩ oyukabagalira omwana oyukonga, erĩhĩka oko kihugo walahĩraya abotata wabo kwehĩ?

Emiganzo 14:16

Kusangwa Omwami Mukulu mwataluka erikolya abandu aba bʼomo kihugo ekyo alahĩrĩrayabo, kikaleka ĩnĩtĩrabo omo mbwarara.

Emiganzo 14:30

kwenene sĩmwendĩsyahĩka omo kihugo ekyo nalahĩraya busana nakyo nyiti nasyabĩkalya mukyo, nina Kalebũ musa, mugala wa Yefũne, na Yosũa mugala wa Nũnĩ.

Emiganzo 32:11

Kwenene sihali mundu nʼomuguma oko balũa eMĩsĩrĩ, erĩtsũka oko myaka makũmĩ abiri nʼabakulu kwʼaho oyo wasyalangira ekihugo ekyo nalahĩraya Abrahamũ na Ĩsaka, na Yakobo; kusangwa mobatanyikwama ndeke.

Emibiri 7:5

Oko mugulu oyo Nyamuhanga mwataha Abrahamũ oko kihugo ekĩ, kutse nʼekitswe kyʼemetere nguma. Nĩkwa mwamulagakyo isiawite mwana, ati asyamuhakyo mo kitaka kiwe, nʼekyʼabana buwe.

Eryibuka Ebihano 1:8

Mũlebaye, nabĩrĩhĩra ekihugo embere syenyũ; muyemo mwĩmaye ekihugo ekyo Mwami Mukulu alahĩrĩraya abotata wenyũ, Abrahamũ, na Ĩsaka, na Yakobo eriha kyobo nʼoko bana babo enyũma kubo.

Eryibuka Ebihano 34:4

Neryo Omwami Mukulu mwabũga naye ati, Ekĩ kye kihugo nalahĩrĩraya Abrahamũ, na Ĩsaka, na Yakobo, nyiti, ngandisyahakyo oko bana bawe. Namaleka iwalangirakyo omo meso wawe, nĩkwa siwendisyasokerayo.

AbaEbrania 1:14

Kandi abamalaĩka bosĩ sĩ bĩrĩmũ ebikakolera Nyamuhanga kwehĩ? Sibetumawa na Nyamuhanga erĩwatĩkya abo abasyabana erilama kwehĩ?

AbaEbrania 11:9

Busana nʼerĩkĩrĩrya, Abrahamũ mwĩkala ngʼomubunga omo kihugo ekite kiwe, ekyalagawa. Mwĩkala omo mahema haguma na Ĩsaka, na Yakobo, abasangira erilaga eryo.

Yosũa 1:6

Ubye nʼamaka nʼeriyisiga; kusangwa wasyalĩsya abandu aba bʼomwandu wʼekihugo ekyo nalahĩrĩraya abotata-kulu wabo eriha kyobo.

Yosũa 24:3

Neryo monalũsya tata wenyũ Abrahamũ eyisirya wʼolũsĩ Efũratĩ, kandi monamusondola omo kihugo kyosĩ kyʼeKanana, monakanyĩrĩrya abana buwe, monamuha Ĩsaka.

Eribisurirwa 11:13

Nʼoko ndambĩ eyo nyisa-nyisa mohabya omũsĩkĩ munene, akahindi kaguma kʼomwʼĩkũmĩ kʼomũyĩ mokatera, nʼabandu maelfu alinda (7,000), mobakwa omo mũsĩkĩ oyo. Neryo abandi bandu mobakwa obuba, mobapipa obukulu bwa Nyamuhanga wʼelubula.

Abatswerĩ 2:1

Nʼomũlaĩka wʼOmwami Mukulu mwahetuka akalũa eGĩlgalĩ erĩhĩka eBokĩmũ. Neryo mwabũga ati, Monaba-hetũkya erĩlũa eMĩsĩrĩ, nʼeribaleta omo kihugo ekyo nalahĩrĩraya abotata-kulu wenyũ; monabũga nyiti, Sĩndĩendĩsyatwa endagano yage nenyũ kera na kera.