Enzũko 24:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ neryo ngandikusema oko Mwami Mukulu Nyamuhanga wʼelubula, na Nyamuhanga wʼekihugo, uti siwendisyĩmĩrya mugala wage omũkalĩ oko bali bʼeKanana, abo nyĩkere nabo,

Enzũko 24:3 Iomraidhean Croise

Enzũko 14:19

Neryo Melkĩsedekĩ mwatsumula Abramu, ati, Omũyĩsa abye uku Abramu wa Nyamuhanga Wʼendata Kutsibu, Omũhangĩkĩ wʼolubula nʼekihugo;

Enzũko 14:22

Nĩkwa Abramu mwabuga nʼomwami wʼeSodomo ati, Nabirisumba ebyala byage oko Mwami Mukulu, Nyamuhanga Wʼendata Kutsibu, Omũhangĩkĩ wʼolubula nʼekihugo.

Enzũko 21:23

neryo busana nʼekyo ũnyĩlahĩrĩraye uku Nyamuhanga ko hano ngoko utendisyanyibihira, kutse uku mugala wage, kutse uku mwitsikulu wage, nĩkwa ngʼekibuya nakukolera, nawe wasyanyikolerakyo, nʼoko kihugo ekyo wamabungiramo.

Enzũko 24:7

Omwami Mukulu Nyamuhanga wʼel­ubula oyo wandũsaya omo nyũmba ya tata wage nʼomo kihugo ekyo nabutawamo, nʼoyo wakanaya nage, nʼoyo wanyĩlahĩrayako, ati, Nasyaha ekihugo ekĩ oko bana bawe asyatuma omũlaĩka wuwe embere syawe, wasyabanira mugala wage yʼomũkalĩ erĩlũa eyo.

Enzũko 27:46

Neryo Rebeka mwabũga na Ĩsaka ati, Omutima wage amaluha busana bali ba Hetĩ. Yakobo amĩmya omũkalĩ oko bali ba Hetĩ ngʼaba, abali bʼekihugo, engebe yage iyasyangasirakĩ kwehĩ?

Enzũko 28:1

Neryo Ĩsaka mwabirikira Yakobo, nʼerimutsumula, nʼerimuhana, nʼerimubwira ati, Sũsyehĩkaya oko bali bʼeKanana.

Enzũko 28:8

Neryo Esaũ mwalangira ngoko bali bʼeKanana sĩbetsemesaya Ĩsaka tata wuwe.

Enzũko 34:9

Kandi tũ taha-tahanaye. Mutuhe bali benyũ, nenyũ mwĩmaye bali betu.

Enzũko 38:2

Kandi eyo, Yũda mwalangira mwali wʼOmukanana muguma erĩna liwe iyo Sũa, neryo mwamwĩmya mwamũhĩkya.

Enzũko 47:31

Nĩkwa Yakobo mwabũga ati Ũnyĩlahĩrayeko. Neryo mwamũlahĩryako. Neryo Ĩsraelĩ mũnamira oko musegemo wʼengyingo.

Enzũko 50:25

Neryo Yosefũ mwasema abana ba Ĩsraelĩ, ati, Kwenene Nyamuhanga asyabateya, nenyũ mwasyaheka amakũha wage erĩlũsyago hano.

Enzũko 6:2

abagala ba Nyamuhanga mobalangira abali bʼabandu ko bali babuya, neryo mobayĩmĩrya abakalĩ bosĩ abo basĩma.

Enzũko 6:4

NʼAbanefĩlĩ babya omo kihugo oko biro ebyo, kandi enyũma wʼaho, omugulu abagala ba Nyamuhanga bĩmaya oko bali bʼabandu, mobabutirabo abana. Aba babya bandu bʼamaka ba kera, abandu basĩkĩbawa.

2 Abami 19:15

Neryo Hezekĩa mwasaba embere syʼOmwami Mukulu, mwabũga ati, Uwe Mwami Mukulu, Nyamuhanga wa Ĩsraelĩ, uwe wĩkere endata oko makerũbĩ, uwe uli Nyamuhanga, uwe ĩgowene, oko mami gosĩ wʼekihugo; wabirihangika olubula nʼekihugo.

2 Emyatsi yʼEmigulu 2:12

Kandi Hĩramũ mwabũga ati, Omwami Mukulu, Nyamuhanga wa Ĩsraelĩ, apipawe, oyo wahangika olubula nʼekitaka, oyo waha omwami Dawĩdĩ omugala wʼamenge, oyuwite eriyilandako, nʼeriminya oyo wasyahĩmba enyũmba busana nʼOmwami Mukulu, nʼenyũmba busana nʼobwami buwe.

Ezera 5:11

Nabo mobatũsũbĩrya bati, Ĩtwe tuli bagombe ba Nyamuhanga wʼelubula nʼekihugo, netu tũkahĩmba eHekalũ eyahĩmbawa emyaka yingaha kera eHekalũ eyĩ, omwami mukulu wa Ĩsraelĩ mwahĩmbayo nʼeribugayo.

Nehemĩa 13:25

Neryo monalwa nabo, nʼeritakirabo, nʼerĩswĩrya abandi ba kubo, nʼerikula esyonzwiri syabo, nʼerĩlahĩrĩryabo uku Nyamuhanga, nyiti, Simuhe abana-bato benyũ bʼoko bagala babo, kutse sĩmũtahĩraye abana-bato babo bʼoko bana benyũ abo mwabuta, kutse busana nenyũ.

Nehemĩa 9:6

Uli Mwami Mukulu uwe ĩgowene; mowahangika olubula, obũtũkũ bwʼamatũkũ, haguma nʼemilondo yosĩ yago, ekihugo, nʼebindu byosĩ ko biriko, esyongetsi nʼebyosĩ ko biri musyo, nawe ukaleka ebyosĩ ibyabyaho; nʼemilondo yosĩ yʼelubula ĩkakũramaya.

Esyonyimbo 115:15

Omwami Mukulu abatsumule, Oyo wahangika olubula nʼekihugo!

Esyonyimbo 136:26

Muhe ewasĩngya uku Nyamuhanga wʼelubula; Olwanzo luwe olutyusa lukakota.

Erĩlũayo 20:7

Isiwahula erĩna lyʼOmwami Mukulu Nyamuhanga wawe lyo busa; kusangwa Omwami Mukulu siendisyamuganza eribya butsira musango oyukahula erĩna liwe lyo busa.

Erĩlũayo 22:11

erĩlahĩrya oko Mwami Mukulu lyasyabya omo katĩkatĩ kabo ababiri, nga mwatĩmya oko bindu bya mũlĩkyabo; nʼomwenyebyo asyalĩgalyo, neryo siendisyaliha.

Erĩlũayo 23:13

Ebyosĩ nabiribabwira mwowebyo; kandi simwahule erĩna lyʼesindi nyamuhanga, kutse sĩryogũbawe lĩkalũa omo buno bwawe.

Erĩlũayo 34:16

nʼakandi ĩwahĩkĩrya abali babo bʼabagala bawe, nʼabana-bato bawe ibaragana nʼesyonyamuhanga syabo, kandi iwaleka abana benyũ erianza esyonyamuhanga syabo.

Ĩsaya 45:23

Nabĩrĩyĩlahĩryako, ekĩnywa kyabirihuluka kĩkalũa omo buno bwage omo litunganene, sĩkyendĩsyabũnũkala, kiti, Obuli mundu asyakũkama embere syage, erinyikenga nʼobuli mundu asyalahĩrya erikenga.

Ĩsaya 48:1

Uwe nyũmba ya Yakobo, uhulikirire ekĩ, ĩnywe mukahulawa omo lĩna lya Ĩsraelĩ, ĩnywe mwalũa omo kihanda kya Yũda; ĩmũkalahĩraya oko lĩna lyʼOmwami Mukulu, nʼerimwahula mo Nyamuhanga wa Ĩsraelĩ, nĩkwa butsira omo kwenene, kutse omo litunganene.

Ĩsaya 65:16

Kusangwa oyukatsumulawa omo kihugo, asyatsumulwa uku Nyamuhanga wʼekwenene. Oyũkalahĩrĩraya omo kihugo, asyalahĩrya uku Nyamuhanga wʼekwenene, kusangwa amalĩge wʼerĩmbere iniamabibiriranwa, kandi kusangwa abĩsamĩre oko meso wage!

Yeremĩa 10:11

Mwasyabwirabo muti, Esyonyamuhanga esitahangika amatũkũ nʼekihugo, esĩ syasyahera omo kihugo, nʼeyĩkwa oko bũtũkũ.

Yeremĩa 12:16

Neryo omugulu, bamayĩkangĩrĩrya nʼomũhwa esyonzira syʼabandu bage, erĩlahĩrya oko lĩna lyage, Ngoko Mwami Mukulu aliho. Nibya ngoko bakangĩrĩraya abandu bage erĩlahĩrya uku Baalĩ, neryo basyahĩmbwa omo katĩkatĩ kʼabandu bage.

Yeremĩa 29:6

Mũtahaye abakalĩ, mubute abagala nʼabali. Mũtahĩraye abagala benyũ bʼabakalĩ, kandi mũherũkaye abali benyũ oko bĩba, imwatoka eributa bagala nʼabali. Mukanyirire eyo, simukehe.

Yeremĩa 4:2

nawe wasyalahĩrya uti, Ngoko Mwami Mukulu aliho, omo kwenene, omo lĩbanza libuya, nʼomo litunganene; neryo ebihanda byasyayitsumula umwʼiye, kandi basyayipipa umwʼiye.

Abalawĩ 19:12

Sĩmũsyelahĩraya omo lĩna lyage nʼamabehĩ, nʼerisunata erĩna lya Nyamuhanga wawe; Ĩngye indi Mwami Mukulu.

Zefania 1:5

Kandi nʼabakayũnamaya oko milondo yʼomo kyanya oko nyitwe syʼamanyũmba, nʼabakayũnamaya nʼerĩlahĩrya oko Mwami Mukulu nĩkwa bakalahĩraya uku Malakamũ;

Emiganzo 5:21

neryo omũhererĩ asyasema omũkalĩ omo kisemo kyʼeritakira, nʼomũhererĩ asyabũga nʼomũkalĩ ati, Omwami Mukulu akuyire mo mutakirwa nʼekisemo omo bandu bawe, omugulu Omwami Mukulu asyaleka ekihinga kyawe ikyuma, nʼenda yawe ĩyabĩmba;

1 AbanyaKorinto 7:39

Omũkalĩ oyũhĩkĩbwe siali nʼehamũlĩ yʼerĩlũamo, omugulu ĩba wuwe akineho. Nĩkwa ĩba wuwe amahola, ali nʼobwĩranda bwʼeriherukira okwʼoyo anzĩre, omulume amabya ini Mukristo kwenene.

Eryibuka Ebihano 10:20

Wasyubaha Omwami Mukulu Nyamuhanga wawe; wasyamukolera ĩyowene; kandi wasyamumakirirako, kandi, wasyayisema omo lĩna liwe.

Eryibuka Ebihano 6:13

Mwasyubaha Omwami Mukulu Nyamuhanga wenyũ; neryo mwasyamukolera, kandi mwasyalahĩrya omo lĩna liwe.

AbaEbrania 6:16

Kusangwa abandu bakalahĩraya oko mundu mukulu kubo, kandi erĩlahĩrya likabuga obuhaka.

Yosũa 2:12

Na lino, ngabasaba mũnyĩlahĩrĩraye oko Mwami Mukulu, kusangwa nabiribakola ndeke, nenyũ mwasyakola ndeke ekĩtũnga kya tata, nʼerimba ekĩmĩnyĩsyo kyo kwenene;

Abatswerĩ 14:3

Neryo tata wuwe na koyo wuwe mobamũsũbĩrya batĩ, Omũkalĩ siali omo katĩkatĩ kʼabali bʼabagala benyũ, kutse omo katĩkatĩ kʼekĩtũnga kyetu, uti ũkayahĩkaya omũkalĩ wʼAbafĩlĩstĩnĩ abatabwene kwehĩ? Neryo Samũsonĩ mwabwira tata wuwe ati, Ũnyĩhĩkĩraye oyo; kusangwa namamubuyahirwa ndeke.

1 Samwelĩ 20:17

Kandi Yonatana mwaswalahĩsya Dawĩdĩ busana nʼolwanzo abya nalo busana naye; kusangwa amwanza ngoko abya anzĩre engebe yiwe.

1 Samwelĩ 30:15

Neryo Dawĩdĩ mwamũbũlya ati, Wanganatũkolya oko mulondo oyũ kwehĩ? Naye mwabũga, ati, Mũnyĩlahĩrĩraye uku Nyamuhanga, muti sĩmwendĩsyanyĩta, kutse erĩnyĩhĩra omo byala byʼomukama wage, nage ngandĩkũkolya oko mulondo oyo.