Enzũko 24:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Neryo omugombe oyo mwĩmya esyongamia ĩkũmĩ esyʼomukama wuwe, mwahongoka, iniane nʼebindu bibuya byosĩ byʼomukama wuwe omo byala biwe. Neryo mwahangana, mwaya eMesopotamia, erĩhĩka oko mũyĩ wa Nahorĩ.

Enzũko 24:10 Iomraidhean Croise

Eryibuka Ebihano 23:4

Kusangwa mobatasangana nenyũ nʼobundu nʼamagetsi omo nzira omugulu mwalũa eMĩsĩrĩ, kandi kusangwa mobahemba Balama mugala wa Beorĩ oyo walũa eBetorĩ wʼeMesopatamia eribatakira.

Enzũko 11:31

Neryo Tera mwĩmya Abramu mugala wuwe, na Lotĩ omwitsikulu wuwe mugala wa Haranĩ, na Saraĩ mwalĩana wuwe, omũkalĩ wa Abramu mugala wuwe. Neryo mobahuluka haguma nabo erĩlũa eŨrĩ wʼAbanya Kaldea eriya omo kihugo kyʼeKanana. Neryo mobahĩka eHaranĩ, neryo mobĩkalaho.

Emibiri 2:9

Ĩtwe tuli bʼePartĩ, nʼabʼeMedĩ, nʼabʼeElamũ, nʼabandu bʼeMesopotamia, nʼeYũdea, nʼeKapodokĩa; nʼePonto, nʼeAsĩa,

1 Emyatsi yʼEmigulu 19:6

Neryo omugulu abana ba Amonĩ balangira ngoko bamabiyiyira mo kĩponĩrwe na Dawĩdĩ, Hanũnĩ nʼabana ba Amonĩ mobatuma esyotalanta elfu nguma (1,000) syʼekĩtsĩpa eriyagemula esyogalĩ nʼabali oko syosabayĩrĩ erĩlũa eMesopotamia, nʼerĩlũa eAramũ-Maka, nʼerĩlũa eZoba.

Enzũko 29:1

Neryo Yakobo mwĩmya enzira, mwahĩka omo kihugo kyʼabana bʼendata.

Enzũko 27:43

Na lino, mugala wage, wowe omulenge wage. Uhangane, utibite eyiri Labanĩ mugala wetu eHaranĩ.

Enzũko 24:2

Na Abrahamũ mwabũga nʼomugombe wuwe, omukulu wʼenyũmba yiwe, oyo wategaya ebindu biwe byosĩ, ebyo abya nabyo ati, Ũhĩre ebyala byawe oko kihinga kyage,

Enzũko 11:29

Neryo Abramu na Nahorĩ mobahĩkya abakalĩ erĩna lyʼomũkalĩ wa Abramu lyabya Saraĩ. Erĩna lyʼomũkalĩ wa Nahorĩ lyabya Mĩlka, mwali wa Haranĩ. Nĩkwa Haranĩ abya ĩse wa Mĩlka, na Ĩsĩka.

Enzũko 11:32

Neryo ebiro bya Tera byabya emyaka magana abiri nʼeyĩtanu. Neryo Tera mwaholera eHaranĩ.

Enzũko 24:22

Enyũma wʼaho, esyongamia syabere syabĩpũlya, omundu oyo mwĩmya embũka yʼesyamagetsi, obũlĩto bwayo ni luhande lwʼesekelĩ, nʼesyongaga ĩbĩrĩ busana nʼebyala biwe, obũlĩto bwasyo nĩ sekelĩ ĩkũmĩ.

Enzũko 24:53

Neryo omugombe oyo mwahũlũkya ebindu ebĩkangĩre byʼekĩtsĩpa nʼebyʼesyamagetsi, nʼesyongimba, mwahabyo Rebeka. Mwaha na mugala wabo na koyo wuwe ebindu byʼobũgũlĩ bunene.

Enzũko 29:2

Neryo mwasamalira, neryo mwalangira ekitehero omwʼirima, kandi lebaya, ebihangulo bisatu byʼesyombũlĩ byabya bigotsere oko mũsĩke wakyo. Kusangwa omo kitehero ekyo imobakanywĩsĩraya ebihangulo byʼesyombũlĩ. Nĩkwa erĩbwe eryabya oko kitehero lyabya ĩnene.

Enzũko 11:26

Neryo Tera mwabyaho emyaka makũmĩ alinda, neryo mwabuta Abramu, Nahorĩ, na Haranĩ.

Enzũko 22:20

Neryo enyũma wʼaho Abrahamũ mwabwirwa ambu, Talebaya, Mĩlka abiributira mugala wenyũ Nahorĩ yʼabana.