Enzũko 22:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo mwabũga ati, Lino wĩmaye mugala wawe, ekyusa kyawe, oyo wanzĩre, ye Ĩsaka, uyigendere omo kihugo kyʼeMorĩa, umuherereho oko buhere bwʼerĩhĩsĩrĩrya oko kitwa kiguma ekyo nasyakubwira.

Enzũko 22:2 Iomraidhean Croise

Enzũko 17:19

Neryo Nyamuhanga mwabũga ati, Iyihi, nĩkwa Sara mũkalĩ wawe asyakubutira omugala, nawe wasyahula erĩna liwe mo Ĩsaka. Nage nasyahanganĩa endagano yage haguma naye oko ndagano ya kera na kera busana nʼabana buwe enyũma wuwe.

Enzũko 21:12

Neryo Nyamuhanga mwabwira Abrahamũ, ati, Suleke kikabya bũlĩge omo meso wawe busana nʼomũlwana, na busana nʼomũkalĩ mukobe wawe. Ebyosĩ ebyo Sara akakubwira, uhulikirire omulenge wuwe, kusangwa abana ba Ĩsaka bo basyahulwa mo bana bawe.

Enzũko 21:3

Neryo Abrahamũ mwahula erĩna lyʼomugala oyo Sara amubutira, mo Ĩsaka.

Enzũko 22:12

Neryo mwamubwira ati, Sũhĩre ebyala byawe oko mũlwana, kutse sumukole kindu, kusangwa lino nyasĩ ngoko ukubaha Nyamuhanga, kusangwa sulitanyikaga mugala wawe, ekyusa kyawe.

Enzũko 22:16

ati, Namayĩlahĩryako, Omwami Mukulu atya, kusangwa wabirikola ekĩ, sulitanyikaga erimba mugala wawe, ekyusa kyawe.

Enzũko 22:3

Neryo Abrahamũ mwatsinduka omo ngyakya-ngyakya, mwasesa oko punda yiwe, mwatwala abalwana buwe babiri, na Ĩsaka mugala wuwe. Kandi mwatulanga esyongwĩ busana nʼobuhere bwʼerĩhĩsĩrĩrya, mwahongoka, mwagenda aho Nyamuhanga amwahũlĩraya.

Enzũko 22:9

Neryo mobahĩka aho Nyamuhanga amwahũlĩraya, neryo Abrahamũ mwahĩmbaho ekiherero, mwatondekaho esyongwĩ, neryo mwaboha Ĩsaka mugala wuwe, neryo mwamutalika endata oko kiherero, oko ngwĩ.

Enzũko 8:20

Neryo Noa mwahĩmba ekiherero busana nʼOmwami Mukulu, neryo mwĩmya oko buli nyama yowene, nʼobuli nyonyũ yowene, neryo mwayirabyo mo mahere wʼerĩokererya oko kiherero.

2 Abami 3:27

Neryo mwĩmya akambere kuwe oyo wangatabala omo mwanya wuwe; mwamuhera mo buhere bwʼerĩokererya oko lũhĩmbo. Neryo mohabya erihitana lĩnene oko Baĩsraelĩ: mobamuleka, mobasuba omo kihugo kyabo.

2 Emyatsi yʼEmigulu 3:1

Neryo Solomono mwatsũka erĩhĩmba enyũmba yʼOmwami Mukulu oko kitwa kyʼeMorĩa eYerũsalema, aho Mwami Mukulu ahulukira Dawĩdĩ tata wuwe, aho Dawĩdĩ akokotaya mo mwanya, oko kibuga kyʼerĩhũmbĩramo kya Ornanĩ Omũyebũsĩ.

Mĩka 6:7

Omwami Mukulu akatsemera esyombangale elfu nguma, kutse nʼamaelfu ĩkũmĩ wʼesyonyũsĩ syʼamagũta kwehĩ? Nasyaha akambere kage busana nʼerĩlolo lyage, nʼomwana wʼomubiri wage busana nʼekibi kyʼekĩrĩmũ kyage kwehĩ?

Yoane 3:16

Kusangwa Nyamuhanga mwanza ekihugo kyʼatya, kyaleka iniaha Mugala wuwe, Ekyusa kiwe, neryo oyũkamwĩkĩrĩraya siahere, nĩkwa abye nʼengebe yʼerikota.

AbanyaRoma 5:8

Nĩkwa Nyamuhanga akakangaya olwanzo luwe busana netu, kusangwa omugulu twabya tukine bakola-nabi, Kristo mwatuholera.

AbanyaRoma 8:32

Nyamuhanga mwatabalya Omugala wuwe-wuwe, nĩkwa mwamusiga busana nʼĩtwe bosĩ! Oyo watuha Omugala wuwe, siendisyatuha ebindu byosĩ busana naye kwehĩ?

AbaEbrania 11:17

Busana nʼerĩkĩrĩrya, Abrahamũ omugulu alengawako, mwaha mugala wuwe Ĩsaka mo buhere. Kandi oyo wabana esyondagane, mwabya akahera ekyusa kiwe mo buhere.

Abatswerĩ 11:31

neryo kyasyabya, ekyasyahulukira omo ngyo syʼenyũmba yage erĩnyĩkokya, omugulu nasyasubula nʼobuholo oko bana ba Amonĩ, kyasyabya kyʼOmwami Mukulu, nage nasyaherakyo eribya buhere bwʼerĩokererya.

Abatswerĩ 11:39

Neryo enyũma wʼemikera ĩbĩrĩ, mwasuba ahali tata wuwe, naye mwamukolera ngʼeriyisema liwe eryo alahĩraya; kandi mwataminya mulume. Neryo mwabya mutsye omo Ĩsraelĩ,