Enzũko 22:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Neryo omũlaĩka wʼOmwami Mukulu mwamubirikira erĩlũa elubula ati, Abrahamũ, Abrahamũ! Naye mwabũga ati, Ĩngye yono hano.

Enzũko 22:11 Iomraidhean Croise

Enzũko 16:7

Nĩkwa omũlaĩka wʼOmwami Mukulu mweya Hagarĩ okwʼĩsoko yʼamagetsi omo mbwarara, hakũhĩ nʼeyĩsoko omo nzira yʼeSũrĩ.

Enzũko 21:17

Neryo Nyamuhanga mowa omulenge wʼomũlwana akalira, nʼomũlaĩka wa Nyamuhanga erĩlũa elubula mwabirikira Hagarĩ, neryo mwabũga naye ati, Wamakwakĩ Hagarĩ? Sigubahe, kusangwa Nyamuhanga amabĩowa omulenge wʼomũlwana aho ali.

Enzũko 21:18

Hangana, Usumbe omũlwana, umuwateko omo byala byawe, kusangwa nasyamuyira mo kihanda kinene.

Enzũko 22:1

Enyũma wʼaho, Nyamuhanga mwalenga uku Abrahamũ, mwamubwira ati, Abrahamũ! Naye mwabũga ati, Nandi hano.

Enzũko 22:10

Neryo Abrahamũ mwasumba okuboko kuwe, mwĩmya omuhamba erikera mugala wuwe.

Enzũko 22:12

Neryo mwamubwira ati, Sũhĩre ebyala byawe oko mũlwana, kutse sumukole kindu, kusangwa lino nyasĩ ngoko ukubaha Nyamuhanga, kusangwa sulitanyikaga mugala wawe, ekyusa kyawe.

Enzũko 22:16

ati, Namayĩlahĩryako, Omwami Mukulu atya, kusangwa wabirikola ekĩ, sulitanyikaga erimba mugala wawe, ekyusa kyawe.

Enzũko 24:7

Omwami Mukulu Nyamuhanga wʼel­ubula oyo wandũsaya omo nyũmba ya tata wage nʼomo kihugo ekyo nabutawamo, nʼoyo wakanaya nage, nʼoyo wanyĩlahĩrayako, ati, Nasyaha ekihugo ekĩ oko bana bawe asyatuma omũlaĩka wuwe embere syawe, wasyabanira mugala wage yʼomũkalĩ erĩlũa eyo.

Enzũko 31:11

Neryo omũlaĩka wa Nyamuhanga mwabũga nage omo nzolĩ, ati, Yakobo; nage monabũga nyiti, Nandi hano.

Enzũko 37:13

Na Ĩsraelĩ mwabwira Yosefũ ati, Abagala benyũ sĩbelĩsĩraya esyombũlĩ syʼeSekemũ kwehĩ? Wase, ngandikutuma eyo bali. Naye mwabũga naye ati, Nandi hano.

Enzũko 46:2

Na Nyamuhanga mwabũga na Ĩsraelĩ omwʼilota omo kiro ati, Yakobo, Yakobo, naye mwabũga ati, Nandi hano.

Enzũko 48:16

Omũlaĩka oyo wanyĩtongolaya kwʼebibi byosĩ, atsumule abalwana aba. Erĩna lyage lyahulawe kubo, nʼerĩna lyʼabotata wage Abrahamũ na Ĩsaka. Bakanye eribya bangi omo kihugo.

Erĩlũayo 3:2

Nʼomũlaĩka wʼOmwami Mukulu mwamuhulukira omo kisaka ekikaka mʼomuliro; naye mwalangira, neryo, talebaya ekisaka kikaka mʼomuliro, kandi ekisaka mokitakirira.

Erĩlũayo 3:4

Neryo omugulu Omwami Mukulu alebaya ko Musa amakeba erĩrebya, Nyamuhanga mwamubirikira omo kisaka, ati, Musa, Musa. Naye mwasũbĩrya ati, Nandi hano.

Ĩsaya 6:8

Neryo monowa omulenge wʼOmwami Mukulu ati, Nganditumandi, nandi akanditugendera kwehĩ? Neryo monabũga nyiti, Ĩngye yono hano. Unyitume!

Emibiri 26:14

Neryo ĩtwe bosĩ twabere twabiwa oko kitaka, monowa omulenge akabũga nage, omo mũbũge wʼAbaebrania ati, Saũlo, Saũlo, busana nakĩ ũkanyendereraya kwehĩ? Lĩkalĩre ukʼuwe erilasa oko migera eyĩkakũna ende.

Emibiri 9:4

Neryo mwawa oko kitaka, mowa omulenge akabũga naye ati, Saũlo, Saũlo! busana nakĩ ũkanyendereraya kwehĩ?

Abatswerĩ 2:1

Nʼomũlaĩka wʼOmwami Mukulu mwahetuka akalũa eGĩlgalĩ erĩhĩka eBokĩmũ. Neryo mwabũga ati, Monaba-hetũkya erĩlũa eMĩsĩrĩ, nʼeribaleta omo kihugo ekyo nalahĩrĩraya abotata-kulu wenyũ; monabũga nyiti, Sĩndĩendĩsyatwa endagano yage nenyũ kera na kera.

1 Samwelĩ 3:10

Neryo Omwami Mukulu mwasa, mwahangana, mwabirikira ngoko abya akabirikira ati, Samwelĩ, Samwelĩ. Neryo Samwelĩ mwabũga ati, Ũbũge, kusangwa omugombe wawe anowĩre.

1 Samwelĩ 3:4

neryo Omwami Mukulu mwabirikira Samwelĩ, naye mwabũga ati, Nandi hano.