Enzũko 21:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo Abrahamũ mwahula erĩna lyʼomugala oyo Sara amubutira, mo Ĩsaka.

Enzũko 21:3 Iomraidhean Croise

Enzũko 17:19

Neryo Nyamuhanga mwabũga ati, Iyihi, nĩkwa Sara mũkalĩ wawe asyakubutira omugala, nawe wasyahula erĩna liwe mo Ĩsaka. Nage nasyahanganĩa endagano yage haguma naye oko ndagano ya kera na kera busana nʼabana buwe enyũma wuwe.

Enzũko 17:21

Nĩkwa endagano yage nasyahanganĩayo na Ĩsaka, oyo Sara asyakubutira oko mugulu ono, oko mwaka owakasa.

Enzũko 21:12

Neryo Nyamuhanga mwabwira Abrahamũ, ati, Suleke kikabya bũlĩge omo meso wawe busana nʼomũlwana, na busana nʼomũkalĩ mukobe wawe. Ebyosĩ ebyo Sara akakubwira, uhulikirire omulenge wuwe, kusangwa abana ba Ĩsaka bo basyahulwa mo bana bawe.

Enzũko 21:6

Neryo Sara mwabũga ati, Nyamuhanga amaleka inaseka, nʼobuli mundu ũkowa asyaseka haguma nage.

Enzũko 22:2

Neryo mwabũga ati, Lino wĩmaye mugala wawe, ekyusa kyawe, oyo wanzĩre, ye Ĩsaka, uyigendere omo kihugo kyʼeMorĩa, umuherereho oko buhere bwʼerĩhĩsĩrĩrya oko kitwa kiguma ekyo nasyakubwira.

Enzũko 25:19

Nĩkwa abana ba Ĩsaka omugala wa Abrahamũ baba. Abrahamũ mwabuta Ĩsaka.

Matayo 1:2

Abrahamũ abya ĩse wa Isaka; na Ĩsaka abya ĩse wa Yakobo; na Yakobo abya ĩse wa Yũda nʼabagala babo.

Emibiri 7:8

Neryo Nyamuhanga mwaha Abrahamũ, omwatsi wʼerĩbanĩa mo kĩmĩnyĩsyo kyʼendagane. Neryo Abrahamũ mwabuta Ĩsaka, mwamũbanĩa ekiro kyʼomunani; neryo Ĩsaka mwabuta Yakobo, na Yakobo mwabuta abotatakulu erĩkũmĩ nʼababiri.

AbanyaRoma 9:7

Kandi abʼolubuto lwa Abrahamũ abosĩ sibehulawa mo bana buwe. Nĩkwa Nyamuhanga mwabwira Abrahamũ ati, Abana ba Ĩsaka bo basyahulwa mo lubuto lwawe.

AbaEbrania 11:18

Kusangwa Nyamuhanga mwabwira Abrahamũ ati, Abana ba Ĩsaka basyahulwa mo bana bawe.

Yosũa 24:3

Neryo monalũsya tata wenyũ Abrahamũ eyisirya wʼolũsĩ Efũratĩ, kandi monamusondola omo kihugo kyosĩ kyʼeKanana, monakanyĩrĩrya abana buwe, monamuha Ĩsaka.