Enzũko 20:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Neryo Abĩmelekĩ mwabirikira Abrahamũ, mwabũga naye ati, Wamatukolakĩ kwehĩ? Monakukolera kibi kihi kyaleka iwanyiretera ĩngye nʼobwami bwage ekibi kinene kingaha kwehĩ? Wabirinyikolera emĩbĩrĩ itatolere erikola.

Enzũko 20:9 Iomraidhean Croise

Enzũko 12:18

Neryo Farao mwabirikira Abramu, mwabũga ati, Ekyo wabiringolera nĩkĩ kwehĩ? Busana nakĩ mutambwira ngoko ali mũkalĩ wawe?

Enzũko 20:10

Neryo Abĩmelekĩ mwabwira Abrahamũ ati, Mowalangĩrekĩ kyaleka iwakola ekĩ kwehĩ?

Enzũko 20:8

Neryo Abĩmelekĩ mwatsinduka omo ngyakya-ngyakya, mwabirikira abagombe buwe bosĩ, mwatũlĩra emyatsi yosĩ eyĩ omo matwĩ wabo, nʼabandu abo mobubaha kutsibu.

Enzũko 26:10

Neryo Abĩmelekĩ mwabũga ati, Ekĩ nĩkĩ ekyo wabiritukolera kwehĩ? Omuguma gʼoko bandu angabere amagotsera na mũkalĩ wawe, kumbe wabirituletera omusango.

Enzũko 29:25

Enyũma wʼaho omo ngyakya, lebaya, abya ini Lea. Neryo mwabũga na Labanĩ ati, Ekĩ nĩkĩ ekyo wamangolera kwehĩ? Mondakukolera busana na Rakelĩ kwehĩ? Busana nakĩ wamandeba kwehĩ?

Enzũko 34:7

Nʼabagala ba Yakobo mobasa bakalũa omo lũlĩsĩryo babĩowago. Mobasũ sũmana, mobahitana kutsibu, kusangwa amabĩhalya oko Baĩsraelĩ eriteta mwali wa Yakobo kusangwa omwatsi ali ngʼoyũ isialikolawa.

Enzũko 38:24

Enyũma wʼemikera ngʼĩsatu, Yũda mwabwirwa ambu, Tamarĩ mwalĩana wawe abiribya mũmalaya, nʼakandi, ni mukule omo luteto. Neryo Yũda mwabũga ati, Mũmũhũlũkaye ahĩsĩbawe.

Enzũko 39:9

Sihali mundu oyũndabĩreko omo nyũmba eyĩ, kutse sialitanyikaga kindu nina we, kusangwa uli mũkalĩ wuwe. Neryo nangakola erĩlolo lingaha erĩ ryo nyiti, nʼerĩhalya uku Nyamuhanga kwehĩ?

2 Samwelĩ 12:5

Neryo erihitana lya Dawĩdĩ molyagulumira oko mundu oyo ko kutsibu; kandi mwabwira Natana, ati, Ngoko Mwami Mukulu aliho, omundu wakola ekĩ atolere erihola.

2 Samwelĩ 13:12

Naye mwamũsũbĩrya ati, Iyihi, mugala wetu, sunyihemule, kusangwa sikyekolawa kitya omo Baĩsraelĩ; sukole obũkĩrũ obo.

Erĩlũayo 32:21

Neryo Musa mwabũga na Harũnĩ, ati, Abandu aba mobakukolerekĩ, kyaleka iwaleterabo erĩlolo lingaha kwehĩ?

Erĩlũayo 32:35

Neryo Omwami Mukulu mwaswĩrya abandu, busana nʼebyo bakola nʼolwana lwʼende, olo Harũnĩ ahesa.

Emĩsyo 28:10

Oyukaleka omutunganene akatala omo nzira nyibi, Asyawa omo buhya buwe ĩyowene; Nĩkwa abahĩkene basyalya obubuya mo mwandu.

Abalawĩ 20:10

Nʼomundu oyũkasĩngĩra omũkalĩ wʼogundi mundu, nʼoyũkasĩngĩra omũkalĩ wa mwĩra wuwe, omũtetĩ wʼobulume nʼomũtetĩ wʼobũkalĩ kwenene basyĩtwa.

AbanyaRoma 2:11

Kusangwa Nyamuhanga sialisombola ebitaga.

Tito 1:11

Litolere erĩhũneryabo, kusangwa bakatsandaya amalengekanĩa wʼabandu abʼawandi manyũmba, ĩbakakangĩrĩrayabo ebitatolere, busana nʼeribana endũndĩ yabo nyibi.

AbaEbrania 13:4

Abandu bosĩ bakenge erĩherũkya, nʼengyingo yabo ibye yabo ĩbobene-bene; kusangwa Nyamuhanga asyatswera abʼamaragane nʼabasĩngĩrĩ.

Yosũa 7:25

Neryo Yosũa mwabũga, ati, Ko busana nakĩ wabirituletera obũlĩge kwehĩ? Omwami Mukulu akandikuletera obũlĩge mũnabwĩre. NʼAbaĩsraelĩ bosĩ mobamwĩta omo mabwe; kandi mobamũhĩsya omo muliro, babĩmwĩta omo mabwe.