Enzũko 20:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Na lino ũsũbũlaye omũkalĩ wabene oyo kusangwa nĩ mũmĩnyererĩ, naye asyakusabira, nawe iwabyaho. Neryo wamatendĩmũsũbũlya, Uminye ndeke ko wasyahola kũndũ, uwe, nʼabawe bosĩ.

Enzũko 20:7 Iomraidhean Croise

Enzũko 12:15

Neryo abakama ba Farao mobamulolako mobamũtsũtsĩra Farao nʼomũkalĩ mwatwalwa omo nyũmba ya Farao.

Enzũko 12:17

Neryo Omwami Mukulu mwaswĩrya Farao yʼesyondwala sĩkalĩre, nʼenyũmba yiwe, busana na Saraĩ, omũkalĩ wa Abramu.

Enzũko 2:17

Nĩkwa oko bĩgũma byʼomuti wʼeriminya ekibuya nʼekibi, susyerya kubyo. Kusangwa oko kiro wasyalya kubyo wasyahola kũndũ.

Enzũko 20:18

Kusangwa Omwami Mukulu ĩnĩabĩrĩrĩba esyonda syosĩ syʼenyũmba ya Abĩmelekĩ, busana na Sara, muka Abrahamũ.

Enzũko 20:3

Nĩkwa Nyamuhanga mwahĩka uku Abĩmelekĩ omo nzolĩ omo kiro, mwamubwira ati, Lebaya, uli mũholĩ, busana nʼomũkalĩ oyo wabĩrĩĩmya kusangwa nĩ mũkalĩ wabene.

Enzũko 20:8

Neryo Abĩmelekĩ mwatsinduka omo ngyakya-ngyakya, mwabirikira abagombe buwe bosĩ, mwatũlĩra emyatsi yosĩ eyĩ omo matwĩ wabo, nʼabandu abo mobubaha kutsibu.

Enzũko 23:6

Ũtowe, mukama wetu, uwe uli mundu mukulu wa Nyamuhanga ũkwʼĩtwe. Ute ekĩnda kyʼomũkalĩ wawe omwʼisinda eyo ukandiyisoga oko sisinda syetu. Ũkwʼĩtwe sihali oyo wangakukaga eyisinda yiwe erita omũholĩ wawe.

2 Samwelĩ 24:17

Neryo Dawĩdĩ mwabũga nʼOmwami Mukulu omugulu alangira omũlaĩka akaswĩrya bandu, ati, Lebaya, nabĩrĩhalya, kandi nabirikola ekibi; nĩkwa esyombũlĩ esĩ, syakolĩrekĩ kwehĩ? kĩsĩ-kĩsĩ nyiti, ebyala byawe bilwe nage, bibye oko kĩtũnga kya tata wage.

1 Abami 13:6

Nʼomwami mwasũbĩrya, mwabũga nʼomundu wa Nyamuhanga ati, Ũbũlaye lino eriganyira lyʼOmwami Mukulu Nyamuhanga wawe, kandi unyisabire, ebyala byage binyisubeko. Nʼomundu wa Nyamuhanga mwasaba Omwami Mukulu, nʼebyala byʼomwami mobyamusubako mobyabya ngoko byabya erĩmbere.

2 Abami 5:11

Nĩkwa Namanĩ mwahitana, mwalũaho, mwabũga ati, Lebaya, naganĩraya nyiti, akandinyihulukira, nʼerihangana, nʼeribirikira oko lĩna lyʼOmwami Mukulu, Nyamuhanga wuwe, nʼerĩhũnga-hũngya ebyala biwe endata kwʼaho, nʼerĩlamya ebihaga.

1 Emyatsi yʼEmigulu 16:22

Sĩmũtũle oko bahakabĩbwa bage, Kandi Simukole abamĩnyererĩ bage bo nabi.

2 Emyatsi yʼEmigulu 30:18

Kusangwa endeko yʼabandu, abangi Abaefũraĩmũ, nʼAbamanase, nʼAbaĩsakarĩ, nʼAbazebũlũnĩ, ĩsĩbayerĩrye nĩkwa mobalya Erikiruka nĩkwa butsira ngoko kyasakawa. Kusangwa Hezekĩa abya iniabirisabirabo, ati, Omwami Mukulu mubuya abuyire omundu

Yobũ 34:19

Nyamuhanga sialisombola abanya-mwami, Kutse sialianza abʼebindu kwilaba abera; Kusangwa abosĩ nĩ mũbĩrĩ wʼebyala biwe.

Yobũ 42:8

Na lino, mũyĩsonderaye esyonume syʼesyonde sirinda, nʼesyombangale sirinda, mugende eyiri omugombe wage Yobũ, muyihongere obuhere bwʼerĩokererya; nʼomugombe wage Yobũ asyabasabira. Kusangwa iye yo nyĩrĩgĩre, ngasyabakolera ngʼobũkĩrũ bwenyũ ko buli. Kusangwa simwetanyahula omo kitunganene ngʼomugombe wage Yobũ kwʼabũga.

Esyonyimbo 25:14

Omwami Mukulu nĩ mwĩra wʼabandu abakamukenga, Kandi akakangĩrĩrayabo endagano yiwe.

Erĩlũayo 18:17

Nʼĩse-byala wa Musa mwamubwira ati, Omwatsi ogo ukakola sĩowene.

Erĩlũayo 4:16

Naye asyabya mbũyĩrĩrĩ yawe oko bandu, asyabya ngʼobuno busana nawe, nawe Wasyabya nga Nyamuhanga busana naye.

Erĩlũayo 7:1

Neryo Omwami Mukulu mwabũga na Musa ati, Langira, nabirikuyira nga Nyamuhanga uku Farao; na Harũnĩ mugala wenyũ asyabya mũmĩnyererĩ wawe.

Yeremĩa 14:11

Neryo Omwami Mukulu mwabũga nage ati, Susabire abandu aba bo bibuya.

Yeremĩa 15:1

Neryo Omwami Mukulu mwambwira ati, Nomo Musa na Samwelĩ bangahangana embere syage, nĩkwa omutima wage siangabya haguma nʼabandu aba. Utumebo balũe embere syage, bagende!

Yeremĩa 27:18

Nĩkwa bamabya ini bamĩnyererĩ, nʼekĩnywa kyʼOmwami Mukulu ikine haguma nabo, lino basabe Omwami Mukulu wʼemilondo, bati ebindu ebĩsĩgere omo nyũmba yʼOmwami Mukulu nʼomo nyũmba yʼOmwami wʼeYũda, nʼeYerũsalema, sibiye eBabelĩ.

Ezekĩelĩ 3:18

Omugulu ngabwira omundu mubi nyiti, Kwenene wasyahola, nawe sulimukangirira, ehee! kutse sulimubwira erikangirira omubi ehee! busana nʼenzira yiwe nyibi, iniatoka eribyaho, omundu mubi oyo asyahola omo bibi biwe, nĩkwa omusasi wuwe nasyabũlyago oko byala byawe.

Ezekĩelĩ 33:8

Omugulu ngabwira ababi nyiti, Uwe mundu mubi, kwenene wasyahola, nawe sũlĩbũga ehe-e, erikunga omundu mubi alũe omo nzira yiwe. Omundu mubi oyo asyahola omo bibi biwe, nĩkwa omusasi wuwe nasyasondago omo byala byawe.

Abalawĩ 6:4

neryo amakola ebibi iniali kʼolubanza, asyasũbũlya ebyo ĩmaya omwʼĩba, kutse ekindu ekyo abana erinyegakyo, kutse kindu abĩkĩbawa, kutse kindu ekyatala naye mwakibana,

Abalawĩ 6:7

nʼomũhererĩ asyamũsanganĩa omo mbanulo oko Mwami Mukulu; naye asyabuyirwa busana nʼomwatsi wahi akakola owakaleka iniabya kʼolubanza.

Emibiri 8:24

Neryo Sĩmonĩ mwabwira Petero na Yoane ati, Ĩnywe munyisabire oko Mukama, emyatsi mũkabĩbũga eyĩ sĩyĩmbĩkeko nʼomuguma.

1 AbanyaKorinto 14:4

Oyũkabũga omũsĩndo-mũsĩndo wʼebĩnywa akayĩhĩmba ĩyowene; nĩkwa oyũkatũla omwatsi wa Nyamuhanga akahĩmba ekanĩsa.

AbaEbrania 1:1

Nyamuhanga kera mwabũga nʼabotata-kulu betu omo bĩnywa byʼabamĩnyererĩ, esyongendo nyingi nʼomo syo­nzira mĩsĩndo-mĩsĩndo.

AbaEbrania 13:4

Abandu bosĩ bakenge erĩherũkya, nʼengyingo yabo ibye yabo ĩbobene-bene; kusangwa Nyamuhanga asyatswera abʼamaragane nʼabasĩngĩrĩ.

1 Yoane 5:16

Omundu amalangira mũlĩkyabo akakola ekibi ekitereta oluholo, angasaba Nyamuhanga, naye asyamuha engebe. Eki kikahula abakakola ekibi ekitereta oluholo. Kandi hali ekibi ekikaleta oluholo; sĩndĩbũga nyiti mwasyasaba busana nʼekibi ekyo.

1 Samwelĩ 12:19

Nʼabandu bosĩ mobabwira Samwelĩ bati, Usabire abagombe bawe oko Mwami Mukulu Nyamuhanga wawe, situhole; kusangwa twabiritomekera oko bibi byetu byosĩ kwʼekibi kyʼeriyisondera omwami.

1 Samwelĩ 12:23

Kandi nage kibye hali kwĩngye erĩhalya oko Mwami Mukulu erĩũmbya eribasabira; nĩkwa ngandĩbakangĩrĩrya enzira yowene nʼeyitunganene.

1 Samwelĩ 7:5

Na Samwelĩ mwabũga ati, Mũhĩndanaye Abaĩsraelĩ bosĩ eMĩsĩpa, nage ngandibasabira oko Mwami Mukulu.

1 Samwelĩ 7:8

Nʼabana ba Ĩsraelĩ mobabwira Samwelĩ bati, Sĩgũmbaye erilakira Omwami Mukulu busana netu, atũlamaye omo byala byʼAbafĩlĩstĩnĩ.