Enzũko 2:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Neryo Omwami Mukulu Nyamuhanga mwalasya oko kitaka obuli muti owakowana omo meso, nʼogowene oko kalyo. Kandi mwalasya omuti wʼengebe omo katĩkatĩ kʼeririma, nʼomuti wʼeriminya ekibuya nʼekibi.

Enzũko 2:9 Iomraidhean Croise

Enzũko 2:17

Nĩkwa oko bĩgũma byʼomuti wʼeriminya ekibuya nʼekibi, susyerya kubyo. Kusangwa oko kiro wasyalya kubyo wasyahola kũndũ.

Enzũko 3:22

Neryo Omwami Mukulu Nyamuhanga mwabũga, ati, Lebaya, omundu oyũ abiribya nga muguma gʼũkwʼĩtwe, eriminya ebibuya nʼebibi. Lino syaswehĩra ebyala biwe erioha ebĩgũma byʼomuti wʼengebe, nʼerirya kubyo, akabyaho akakota.

Enzũko 3:24

Litya mwahigira omundu oyo yʼeyĩhya, neryo mwahĩra Amakerũbĩ oko luhande lwʼendata lwʼeririma lyʼeEdenĩ; nʼomũyalĩ wʼekirimi kyʼomuliro owakatĩmba ehosĩ, busana nʼerĩteya enzira eyʼomuti wʼengebe.

Enzũko 3:3

nĩkwa oko bĩgũma byʼomuti owali omo katĩkatĩ kʼeririma, Nyamuhanga abĩrĩbũga ati, Simusyerya kubyo, kutse sĩmũsyetũla kugo, mukasyasyahola.

Enzũko 3:5

Kusangwa Nyamuhanga anasĩ ekiro mwasyalya kubyo, ameso wenyũ asyalĩbũlwa, kandi ko mwasyabya nga Nyamuhanga, imwabya nʼeriminya ekibuya nʼekibi.

Emĩsyo 11:30

Ebĩgũma byʼabatunganene ni muti wʼengebe; Nʼomwenge akatunga emitima yʼabandu.

Emĩsyo 3:18

Igo ni muti wʼengebe oko bakahambago kutsibu. Nʼobutseme buli oko buli mundu oyukakakamirirago.

Ĩsaya 44:25

Ngaleka ebiminyikalo byʼabandu abakayihalamba ibyabya busa, nʼeriyira abalagũlĩ mo bakĩrũ, ngaleka abandu bʼamenge erisuba enyũma, nʼeribindula amenge wabo mo bũkĩrũ,

Ĩsaya 47:10

Kandi wabiriyiketera Obuholo omo bubi bwawe uti, Sihali oyũndolĩre, amenge wawe nʼeriminya lyawe byabirikuteba, kusangwa mowabũga omo mutima wawe uti, Ĩngye nyine, sihali gundi nĩna ngye.

Ezekĩelĩ 31:16

Monatĩtĩmanĩa ebihanda oko mulenge wʼeritera lyago omugulu nandagalĩrayago eKũlĩmũ haguma nʼabakandagalira omo buhya. Nʼemiti yosĩ yʼeEdenĩ, eyĩkapũlaya amagetsi go ndeke, eyayisogawa nʼemibuya yʼeLebanonĩ, moyakĩranĩbwa omo kihugo eyĩkwa.

Ezekĩelĩ 31:18

Oko muti wahi omo katĩkatĩ kʼemiti yʼeEdenĩ ukalingirirana utya omo lukengerwa nʼobukulu kwehĩ? Nĩkwa wasyandagalĩbwa haguma nʼemiti yʼeEdenĩ oko kitaka eyĩkwa. Wasyagotsera omo katĩkatĩ kʼabatabwene, haguma nʼabo abĩtawa omo mũyalĩ. Farao kwʼali atya nʼendeko yiwe yosĩ! Omukama Iye Omwami Mukulu akabũga atya.

Ezekĩelĩ 47:12

Nʼahakũhĩ nʼolũsĩ oko mukyingyi walo oko luhande olũ nʼoko luhande lulya, hasyalasa obuli muti busana nʼakalyo. Ebikoma byayo sibyendisyuma, kutse ebĩgũma byayo sibyendisyabula. Yasyahetya ebĩgũma obuli mukera, kusangwa amagetsi waho akasenda akahuluka ahabũyĩrĩre. Nʼebĩgũma byayo byasyabya busana nʼakalyo nʼebikoma byayo byasyabya busana nʼerĩlamya.

Yoane 6:48

Ĩngye indi bundu bwʼengebe.

1 AbanyaKorinto 8:1

Neryo busana nʼomwatsi wʼebyalya ebikaherawa oko sanamu. Tũnasĩ ĩtwe bosĩ tuti tuwite eriminya, nĩkwa eriminya likaleta eriyiheka, nĩkwa olwanzo kĩkahĩmba.

Eryibuka Ebihano 6:25

Neryo byasyabya bitunganene busana netu twamateya erikola ekihano kyosĩ ekĩ embere syʼOmwami Mukulu Nyamuhanga wetu, ngoko atuhana.

Eribisurirwa 2:7

Oyuwite amatwĩ owe ebyo Mũlĩmũ akabwira esyokanĩsa! Oyũkakĩnda, nasyamuha ehamũlĩ yʼerirya oko bĩgũma byʼomuti wʼengebe, owakalasa omo Paradĩso, yʼeririma lya Nyamuhanga.

Eribisurirwa 22:14

Obutseme buli ukwʼabo abakeraya esyokanzu syabo ibatoka eribya nʼehamũlĩ oko muti wʼengebe, nʼehamũlĩ yʼerilaba omo syongyo syʼomũyĩ oyo.

Eribisurirwa 22:2

kandi olũsĩ lukasenda omo katĩkatĩ kʼenzira yʼomũyĩ. Nʼoko mĩsĩke ĩbĩrĩ yʼolũsĩ olo habya omuti wʼengebe, Owakahetaya ebĩgũma mĩsĩndo ĩkũmĩ nʼĩbĩrĩ. Omuti oyo akahetaya ebĩgũma byago obuli mukera, nʼebikoma byʼomuti oyo nĩ byʼerĩlamya ebihanda.