Enzũko 2:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Nĩkwa Omwami Mukulu Nyamuhanga mwahera eririma oko luhande lwʼendata omo Edenĩ. Neryo mwahĩramo omundu oyo abumba.

Enzũko 2:8 Iomraidhean Croise

Enzũko 13:10

Neryo Lotĩ mwasumba ameso wuwe, mwalangira erirungu lyosĩ lyʼeYorodanĩ, ko liri mwʼamagetsi ndeke ehosĩ, Omwami Mukulu ate aherya eSodomo nʼeGomora, lyabya ngʼeririma lyʼOmwami Mukulu, ngʼekihugo kyʼeMĩsĩrĩ, omugulu ukaya eZoarĩ.

Enzũko 3:23

Kyatuma Omwami Mukulu Nyamuhanga ĩnĩalolyabo eyĩhya wʼeririma lyʼeEdenĩ, alime ekitaka ekyo alũsĩbawamo.

Enzũko 3:24

Litya mwahigira omundu oyo yʼeyĩhya, neryo mwahĩra Amakerũbĩ oko luhande lwʼendata lwʼeririma lyʼeEdenĩ; nʼomũyalĩ wʼekirimi kyʼomuliro owakatĩmba ehosĩ, busana nʼerĩteya enzira eyʼomuti wʼengebe.

Enzũko 4:16

Neryo Kaĩna mwalũa omo meso wʼOmwami Mukulu, mwĩkala omo kihugo kyʼeNodĩ, oko luhande lwʼendata wʼeEdenĩ.

2 Abami 19:12

Kwʼesyonyamuhanga syʼebihanda ebyo abotata wage baheraya, mosyalamyabo kwehĩ? nga Gosanĩ, na Haranĩ, na Resefĩ, nʼabana bʼeEdenĩ ababya eTelasarĩ kwehĩ?

Ĩsaya 51:3

Kwenene Omwami Mukulu asyakĩranĩa eSĩonĩ. Abĩrĩsĩbĩkya emilala yiwe yosĩ. Kandi nasyayira embwarara yiwe nga Edenĩ, nʼolukurutsu luwe ngʼeririma lyʼOmwami Mukulu. Obutseme nʼeritsanga byasyabanika mugo, eriha ewasĩngya, nʼomulenge wʼolwimbo.

Ezekĩelĩ 27:23

Haranĩ na Kane, na Edenĩ, abatũndĩ bʼeSeba, na Asũrĩ, na Kĩlamadĩ, mobatunda haguma nawe.

Ezekĩelĩ 28:13

Wabya omo Edenĩ, eririma lya Nyamuhanga. Obuli rĩbwe lyʼobũgũlĩ bunene lyabya ekyʼeriyiswika kyawe: esadĩyo, nʼetopasĩ, nʼedĩama, nʼeberũlĩ, nʼeonĩkĩ, nʼeyaspĩ, nʼesafĩro, nʼemerodĩ, nʼekabũngũlo, nʼesyamagetsi, omũbĩrĩ wʼengoma yawe nʼesyonyamulera syawe byabya omwisi wawe. Oko kiro wahangikawa mobyakokotĩbwa.

Ezekĩelĩ 31:16

Monatĩtĩmanĩa ebihanda oko mulenge wʼeritera lyago omugulu nandagalĩrayago eKũlĩmũ haguma nʼabakandagalira omo buhya. Nʼemiti yosĩ yʼeEdenĩ, eyĩkapũlaya amagetsi go ndeke, eyayisogawa nʼemibuya yʼeLebanonĩ, moyakĩranĩbwa omo kihugo eyĩkwa.

Ezekĩelĩ 31:18

Oko muti wahi omo katĩkatĩ kʼemiti yʼeEdenĩ ukalingirirana utya omo lukengerwa nʼobukulu kwehĩ? Nĩkwa wasyandagalĩbwa haguma nʼemiti yʼeEdenĩ oko kitaka eyĩkwa. Wasyagotsera omo katĩkatĩ kʼabatabwene, haguma nʼabo abĩtawa omo mũyalĩ. Farao kwʼali atya nʼendeko yiwe yosĩ! Omukama Iye Omwami Mukulu akabũga atya.

Yoelĩ 2:3

Omuliro akahĩsaya embere syabo; nʼenyũma kubo ekirimi kyʼomuliro kĩkahĩsaya; ekihugo kiri ngʼeririma lyʼeEdenĩ embere syabo; nʼenyũma kubo embwarara yʼomulala; ega, sihali oyukalama kubo.