Enzũko 2:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo Nyamuhanga mwatsumula ekiro kyʼebirinda, mwayirakyo mo kĩbũyĩrĩre; kusangwa mwaluhuka mukyo oko mĩbĩrĩ yiwe yosĩ eyo abya abirihangika nʼerikola.

Enzũko 2:3 Iomraidhean Croise

Enzũko 1:31

Neryo Nyamuhanga mwalangira obuli kindu ahangika, talebaya ko kyowene kutsibu. Neryo mobwabya ĩgolo-golo, kandi mobwabya ngyakya; ekyo kye kiro kyʼendatu.

Enzũko 2:2

Oko kiro kyʼebirinda Nyamuhanga mwabuga omũbĩrĩ wuwe gosĩ ogo akola, neryo mwaluhuka ekiro kyʼebirinda oko mũbĩrĩ wuwe gosĩ akola.

Enzũko 2:4

Esĩ ni ndengo syʼolubula nʼekihugo omugulu byahangikawa. Ekiro Omwami Mukulu Nyamuhanga ahangika ekihugo nʼolubula.

Nehemĩa 9:14

Mowamĩnyĩsyabo eSabato yawe ĩbũyĩrĩre, nʼeritegekerabo, ebihano, nʼamahamulo nʼemigambo, omo byala bya Musa omugombe wawe.

Erĩlũayo 23:12

Ebiro ndatu wasyakola emĩbĩrĩ yawe, nʼoko kiro kyʼebirinda wasyaluhuka; ende yawe nʼepunda isyaluhuka, nʼomugala wʼomukobe wawe wʼobũkalĩ, nʼomubunga, ibatoka erihumula.

Erĩlũayo 34:21

Wasyakola omũbĩrĩ omo biro ndatu, nĩkwa omo kiro kyʼebirinda wasyaluhuka; oko mugulu wʼeririma, nʼoko mugulu wʼerigesa wasyaluhuka.

Emĩsyo 10:22

Omũyĩsa wʼOmwami Mukulu akaleta obuteke; Naye sialitomeka obũlĩge bo kugo.

Ezekĩelĩ 20:12

Kandi monahabo esyo Sabato syage nibya eribya kiminyikalo omo katĩkatĩ kabo nage, ibatoka eriminya ko ndi Mwami Mukulu oyukahigulabo.

Abalawĩ 23:3

Omũbĩrĩ asyakolwa ebiro ndatu; nĩkwa oko kiro kyʼakalinda ni Sabato yʼeriluhuka ndeke; nĩ ʼhĩndana lĩbũyĩrĩre. Susyekola omũbĩrĩ nʼomuke; ni Sabato oko Mwami Mukulu aho mwĩkere ehosĩ.

Mariko 2:27

Neryo Yesu mwabũga ati, eSabato yahĩrawa busana nʼerĩwatĩkya abandu. Abandu mobatayirwa busana nʼeSabato.

Luka 23:56

Neryo abakalĩ abo mobasuba eka mobakokotya amanũkato nʼamagũta awakakumba ndeke busana nʼomubiri wuwe. Nʼoko Sabato mobaluhuka ngʼEmigambo ko yikahana.