Enzũko 2:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Nĩkwa oko bĩgũma byʼomuti wʼeriminya ekibuya nʼekibi, susyerya kubyo. Kusangwa oko kiro wasyalya kubyo wasyahola kũndũ.

Enzũko 2:17 Iomraidhean Croise

Enzũko 2:9

Neryo Omwami Mukulu Nyamuhanga mwalasya oko kitaka obuli muti owakowana omo meso, nʼogowene oko kalyo. Kandi mwalasya omuti wʼengebe omo katĩkatĩ kʼeririma, nʼomuti wʼeriminya ekibuya nʼekibi.

Enzũko 20:7

Na lino ũsũbũlaye omũkalĩ wabene oyo kusangwa nĩ mũmĩnyererĩ, naye asyakusabira, nawe iwabyaho. Neryo wamatendĩmũsũbũlya, Uminye ndeke ko wasyahola kũndũ, uwe, nʼabawe bosĩ.

Enzũko 3:11

Neryo mwamubwira ati, Nindi wakubwira ati uli ndũmbũ? Wabirirya oko muti ogo nakuhana nyiti Susyeryako kwehĩ?

Enzũko 3:17

Nĩkwa Nyamuhanga mwabũga na Adamu ati, Kusangwa wabirihulikirira omulenge wʼomũkalĩ wawe, kandi wabi­rirya oko bĩgũma byʼomuti, ogo nakuha­na nyiti susyeryako. Ekitaka kyamataki­rwa busana nawe, Omo bũlĩge wasyalya ebyalya byakyo ebiro byosĩ byʼeribyaho lyawe.

Enzũko 3:19

Omo lũnza lʼobũsũ bwawe wasyalya akalyo, erĩhĩka oko kiro wasyasuba oko kitaka, kusangwa walũsĩbawa omo lũtũtũ nʼakandi uli lũtũtũ, nʼakandi wasyasuba omo lũtũtũ.

1 Abami 2:37

Kusangwa oko kiro ekyo wasyahuluka, nʼerisoka akũsĩ kʼeKĩdũronĩ, Uminye kwenene ko wasyahola kwenene; omusasi wawe asyabya oko mutwe wawe.

1 Abami 2:42

Neryo omwami mwatumira uku Sĩmeĩ, neryo mwamubwira ati, Mondakũlahĩrĩrya oko Mwami Mukulu, nʼerĩkũtũlĩrago nyiti, Uminye kwenene ekiro wasyahuluka nʼeriya ehandi hosĩ, ko wasyahola kwenene; nawe mowambwira uti, Ekĩnywa namowa kyowene.

Yeremĩa 26:8

Neryo Yeremĩa abere abibuga erĩbũga ebyosĩ ebyo Mwami Mukulu amuhana eribwira abandu bosĩ, abahererĩ nʼabamĩnyererĩ nʼabandu bosĩ mobahamba Yeremĩa bati, Lero ukandihola.

Ezekĩelĩ 18:13

iniakabweka esyofranka busana nʼendũndĩ, iniakaheka erikanyirira. Asyabyaho kwehĩ? Siendisyabyaho! Abirikola esyonye esĩ syosĩ, kwenene asyĩtwa. Omusasi wuwe asyamubyako, oko mutwe wuwe.

Ezekĩelĩ 18:32

Omukama Iye Omwami Mukulu ati, Sindi nʼobutseme omo luholo lwʼomundu oyukahola. Neryo mubinduke, erireka ebibi, mubyeho.

Ezekĩelĩ 18:4

Lebaya, ebĩrĩmũ byosĩ ni byage, ekĩrĩmũ kyʼĩse nʼekĩrĩmũ kyʼomugala ni byage. Ekĩrĩmũ ekikakola ekibi kikandisyahola.

Ezekĩelĩ 33:14

Kandi omugulu ngabũga nʼomundu mubi nyiti, Kwenene wasyahola, neryo amaleka ebibi biwe, nʼerikola ebyʼerĩbanza nʼebitunganene,

Ezekĩelĩ 33:8

Omugulu ngabwira ababi nyiti, Uwe mundu mubi, kwenene wasyahola, nawe sũlĩbũga ehe-e, erikunga omundu mubi alũe omo nzira yiwe. Omundu mubi oyo asyahola omo bibi biwe, nĩkwa omusasi wuwe nasyasondago omo byala byawe.

Emiganzo 26:65

Kusangwa Omwami Mukulu ĩnĩabĩrĩbũga busana nabo ati, Kwenene basyaholera omo mbwarara. Kandi mohatasĩgala mundu kubo, nina Kalebũ mugala wa Yefũne, na Yosũa mugala wa Nũnĩ.

AbanyaRoma 1:32

Kandi nomo banabya basĩ Emigambo ya Nyamuhanga eyĩkabũga iti, abakakola emyatsi eyĩ, batolere ibahola; nomo banabya basĩ ebĩ, bakakolabyo, kandi bakasĩma abandu abakakolabyo.

AbanyaRoma 6:16

Sĩmwasĩ ngoko mugulu mukayiha oko mundu erĩmowa ngʼomukobe, kwenene muli bakobe bʼoyo mũkowa, amabya wʼebibi, akaleta oluholo, amabya wʼerĩowa, akabayira mo batunganene.

AbanyaRoma 6:23

Kusangwa obũhĩngĩ bwʼerikola ebibi ni luholo, nĩkwa olũsũnzo olũkalũa uku Nyamuhanga ni ngebe yʼerikota busana nʼerimatikana na Kristo Yesu, Omukama wetu.

AbanyaRoma 8:2

Kusangwa omugambo wʼOmũlĩmũ oyukatuha engebe busana nʼerimatikana na Kristo Yesu, abirinyibohola oko mugambo wʼebibi nʼowʼoluholo.

1 AbanyaKorinto 15:22

Kandi ngoko abandu bosĩ ba Adamu bakahola, litya abosĩ ababirimatikana na Kristo basyalũbũkĩbwa omo ngebe.

1 AbanyaKorinto 15:56

Oluholo lukatsimita busana nʼebibi, nʼebibi bikabana obũtokĩ bwabyo omo Migambo

AbanyaGalatia 3:10

Kusangwa abosĩ abakayiketera erikola Emigambo babiritakirwa; kusangwa kĩsakĩre kiti, Obuli mundu oyuteyitsinga omo myatsi yosĩ eyĩsakĩre omo kitabu kyʼEmigambo, nʼerikolayo, omundu oyo abiritakirwa.

AbanyaEfeso 5:14

Ekĩ kikaleka ĩnĩabũga ati, Ubuke, uwe mũgotserĩ, Ũlũbũke oko baholĩ! Kristo asyakũkolerya.

Eryibuka Ebihano 27:26

Oyũteberereraya ebĩnywa byʼemigambo eyĩ erikolabyo atakirawe. Nʼabandu bosĩ basyabũga bati, Amina.

Eryibuka Ebihano 30:15

Lebaya, nabĩrĩhĩra embere syenyũ mũnabwĩre engebe nʼomũyĩsa, nʼoluholo nʼekibi;

Eryibuka Ebihano 30:19

Ngabirikira olubula nʼekihugo eribya balangĩrĩ benyũ mũnabwĩre, ngoko nabĩrĩhĩra embere syenyũ engebe nʼoluholo, eritsumula nʼeritakira. Neryo muyisoge engebe, imwatoka eribyaho, ĩnywe nʼabana benyũ;

AbanyaKolosai 2:13

Nenyũ mwabya baholĩ busana nʼamalolo wenyũ, kandi busana nʼeribya bandu bʼEbihanda bitawite Migambo. Nĩkwa Nyamuhanga abiribaha engebe haguma na Kristo. Naye abiritubuyira amalolo wetu gosĩ.

1 Timoteo 5:6

Nĩkwa omũkwakalĩ oyũkayĩtsemesaya nĩ mũholĩ nomo angabya akineho.

Yakobo 1:15

Neryo esyongumbu siwe nyibi syabiheka obukule, sikabuta ebibi, nʼebibi byabikula, bikaleta oluholo.

1 Yoane 5:16

Omundu amalangira mũlĩkyabo akakola ekibi ekitereta oluholo, angasaba Nyamuhanga, naye asyamuha engebe. Eki kikahula abakakola ekibi ekitereta oluholo. Kandi hali ekibi ekikaleta oluholo; sĩndĩbũga nyiti mwasyasaba busana nʼekibi ekyo.

Eribisurirwa 2:11

Oyuwite amatwĩ owe ebyo Mũlĩmũ akabwira esyokanĩsa! Oyũkakĩnda siendĩsyahũtalĩbwa nʼoluholo lwʼakabiri.

Eribisurirwa 20:14

Neryo oluholo nʼEkũlĩmũ mobyaguswa omo ngetsi yʼomuliro. Oluholo lwʼakabiri olũ, ye ngetsi yʼomuliro.

Eribisurirwa 20:6

Omundu Oyukasangira omwʼĩlũbũka lyʼerĩmbere ni wʼobutseme kandi abiritsumulwa kutsibu. Oluholo lwʼakabiri silukiri nʼobũtokĩ kubo, nĩkwa basyabya bahererĩ ba Nyamuhanga na Kristo, kandi basyatabala haguma naye emyaka elfu nguma (1,000).

Eribisurirwa 21:8

Nĩkwa abuba, nʼabatĩkĩrĩrye, nʼabʼesyonye, nʼabĩtĩ, nʼabasĩngĩrĩ, nʼabakũmũ, nʼabakasaba esyosanamu, nʼababehĩ, omwanya wabo asyabya omo ngetsi eyikaka nʼomuliro nʼekirimi, olo lo luholo lwʼakabiri.

Abatswerĩ 3:2

esyondengo syʼabana ba Ĩsraelĩ sitoke erĩkangĩrĩrĩbwa amalwa, abatabya basĩgo erĩmbere nʼahake).

1 Samwelĩ 14:39

Kusangwa, ngoko Mwami Mukulu aneho, oyũkalamaya Ĩsraelĩ, nʼomo erĩlolo eryo lyangabya uku Yonatana mugala wage, asyahola kwenene. Nĩkwa mohatabya mundu nʼomuguma omo katĩkatĩ kʼabandu bosĩ oyo wamũsũbĩraya.

1 Samwelĩ 14:44

Na Saũlo mwabũga ati, Nyamuhanga anyikole atya, na kwilaba aho kusangwa kwenene wasyahola Yonatana.

1 Samwelĩ 20:31

Kusangwa omugulu gosĩ mugala wa Yese akineho omo kihugo, uwe, kutse obwami bwawe sibwendisyahangana. Neryo lino umutumireko undetereye, kusangwa kwenene atolere iniahola.

1 Samwelĩ 22:16

Neryo omwami mwabũga ati, Uwe Ahĩmelekĩ kwenene ukandihola, nʼekĩtũnga kyosĩ kya tata wawe.