Enzũko 2:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Olubula nʼekihugo mobyahwa, nʼebyosĩ ebirimo.

Enzũko 2:1 Iomraidhean Croise

Enzũko 1:1

Okwʼĩtsũka Nyamuhanga mwahangika olubula nʼekihugo.

Enzũko 1:10

Neryo Nyamuhanga mwahula ekitaka kyũmĩre mo kihugo. Nʼerĩhĩndana lyʼamagetsi mwahulalyo mo ngetsi: neryo Nyamuhanga mwalangira ko byowene.

Enzũko 2:4

Esĩ ni ndengo syʼolubula nʼekihugo omugulu byahangikawa. Ekiro Omwami Mukulu Nyamuhanga ahangika ekihugo nʼolubula.

2 Abami 19:15

Neryo Hezekĩa mwasaba embere syʼOmwami Mukulu, mwabũga ati, Uwe Mwami Mukulu, Nyamuhanga wa Ĩsraelĩ, uwe wĩkere endata oko makerũbĩ, uwe uli Nyamuhanga, uwe ĩgowene, oko mami gosĩ wʼekihugo; wabirihangika olubula nʼekihugo.

2 Emyatsi yʼEmigulu 2:12

Kandi Hĩramũ mwabũga ati, Omwami Mukulu, Nyamuhanga wa Ĩsraelĩ, apipawe, oyo wahangika olubula nʼekitaka, oyo waha omwami Dawĩdĩ omugala wʼamenge, oyuwite eriyilandako, nʼeriminya oyo wasyahĩmba enyũmba busana nʼOmwami Mukulu, nʼenyũmba busana nʼobwami buwe.

Nehemĩa 9:6

Uli Mwami Mukulu uwe ĩgowene; mowahangika olubula, obũtũkũ bwʼamatũkũ, haguma nʼemilondo yosĩ yago, ekihugo, nʼebindu byosĩ ko biriko, esyongetsi nʼebyosĩ ko biri musyo, nawe ukaleka ebyosĩ ibyabyaho; nʼemilondo yosĩ yʼelubula ĩkakũramaya.

Yobũ 12:9

Nindi oyũtasĩ emyatsi yosĩ eyĩ. Ngoko ebyala byʼOmwami Mukulu byabirikola ebĩ.

Esyonyimbo 104:2

Ukayiswika ekyakakala. Ukasanza ekyanya ngʼehema.

Esyonyimbo 146:6

Oyo wahangika olubula, ekihugo, nʼengetsi, nʼebyosĩ ebirimo, Oyũkaberereraya esyondagane siwe ebiro byosĩ.

Esyonyimbo 33:6

Omwami Mukulu mwabũga ekĩnywa kisa neryo amatũkũ mwahangikwa, Kandi mwategeka, neryo eryuba nʼomukera nʼesyongũnũnũ mobyahangikwa,

Esyonyimbo 33:9

Omugulu abũga ekĩnywa kisa, ekihugo mokyahangikwa; Omugulu ahana, ebyosĩ mobyahuluka.

Erĩlũayo 20:11

Kusangwa omo biro ndatu Omwami Mukulu mwahangika olubula nʼekihugo, nʼengetsi, nʼebyosĩ ko birimo, neryo mwaluhuka ekiro kyʼebirinda; kyaleka Omwami Mukula iniatsumula ekiro kyʼeSabato, nʼeriyirakyo mo kĩbũyĩrĩre.

Erĩlũayo 31:17

Ni kiminyikalo omo katĩkatĩ kage nʼabandu ba Ĩsraelĩ kera na kera; kusangwa Omwami Mukulu mwahangika olubula nʼekihugo omo biro ndatu, neryo oko kiro kyʼebirinda mwaluhuka mwatekana.

Ĩsaya 34:4

Emilondo yosĩ yʼelubula yasyahwerekerera, nʼolubula lwasyalĩngwa ngʼakaratasi. Omulondo walo gosĩ asyahwerekerera, ngʼekikoma kyʼomũlĩkĩ wʼebĩnyũ ko kikuma, ngʼekikoma kyʼomuti wʼomũtĩnĩ ko kikuma.

Ĩsaya 42:5

Nyamuhanga Omwami Mukulu akabũga atya, oyo wahangika olubula, nʼerĩlandĩkanĩalo, oyo wasanza ekihugo nʼebiti byakyo, oyukaha omuka oko bandu abali kukyo, nʼekĩrĩmũ oko bandu abakalendera mukyo ati.

Ĩsaya 45:12

Nabiribumba ekihugo, kandi nabirihangika omundu yo kukyo. Ĩngye, omo byala byage nabiribamba ekyanya, kandi monahamula emilondo yakyo yosĩ.

Ĩsaya 45:18

Omwami Mukulu oyo wahangika olubula. Iye ni Nyamuhanga oyo wabumba ekihugo, nʼerihangikakyo mwahanganĩakyo, mwatahangikakyo eribya mulala, mwabumbakyo kyĩkalawemo ati, Ĩngye indi Mwami Mukulu sihali gundi.

Ĩsaya 48:13

Kwenene ebyala byage byo byahĩra ekibanza kyʼekihugo, nʼebyala byage byʼamali byo byabamba olubula. Omugulu ngabirikira kubyo, bikahanganira iguma.

Ĩsaya 55:9

Kusangwa ngoko lubula luli endata hali oko kihugo, esyonzira syage ko siri sitya endata oko syonzira syenyũ, nʼamalengekanĩa wage alengĩre amalengekanĩa wenyũ.

Ĩsaya 65:17

Kusangwa lebaya, ngahangika olubula luhya-luhya nʼekihugo kihya-kihya nʼemyatsi yʼerĩmbere siyendisyasyibukwa, kutse erĩhĩka oko mutima.

Yeremĩa 10:12

Abirihangika ekihugo omo bũtokĩ buwe, kandi abĩrĩsĩkya ekihugo omo menge wuwe, nʼomwʼiminya liwe abirisanza obũtũkũ.

Yeremĩa 10:16

Erĩgabo lya Yakobo siriri ngʼaba. Kusangwa iye nĩ mũhangĩkĩ wʼebindu byosĩ. Kandi ekihanda kya Ĩsraelĩ ni mwandu wuwe: Omwami Mukulu wʼemilondo lyo lĩna liwe.

Yeremĩa 8:2

Basyasanzago oko lyuba, nʼomukera, nʼemilondo yosĩ yʼelubula, eyo banza nʼeyo bakolera, nʼeyo bakwama, nʼeyo basondaya, nʼeyo baramaya. Siendisyakumirwa haguma, kutse eritabwa, asyabya ngʼamabĩ oko kitaka.

Zekarĩa 12:1

Enzumwa yʼekĩnywa kyʼOmwami Mukulu busana na Ĩsraelĩ. Omwami Mukulu akabũga, oyo wasanza ekyanya, nʼerĩhĩra ekibanza kyʼekihugo, nʼerihangika ekĩrĩmũ kyʼomundu omwisi wuwe ati,

Luka 2:13

Neryo-neryo mohahuluka haguma nʼomũlaĩka oyo, omulondo munene wʼabamalaĩka bʼelubula, ibakapipa Nyamuhanga bati,

Emibiri 4:24

Neryo omugulu bowa ebyo, abosĩ mobasaba Nyamuhanga omo mutima muguma bati, Uwe Mwami Mukulu, ni iwe wahangika olubula nʼekihugo, nʼengetsi, nʼebyosĩ ko birimo!

Emibiri 7:42

Nĩkwa Nyamuhanga mwalũa kubo, mwalekabo ĩbakaramaya esyongũnũnũ syʼekyanya; ngoko kĩsakĩre omo kitabu kyʼabamĩnyererĩ kiti, Abandu ba Ĩsraelĩ! Mwaherera amahere ayo nʼesyohongo ũkwʼĩngye, kwehĩ? Emyaka makũmĩ ani omo mbwarara.

Eryibuka Ebihano 17:3

iniabiriyakolera esindi nyamuhanga nʼerĩramyasyo, kutse erĩramya eryuba, kutse omukera, kutse ekindu kyahi kyʼesyondeko syʼebihugo byʼomo kyanya, ebyo ndabahana,

Eryibuka Ebihano 4:19

Kandi mukasyalalamira obũtũkũ, kandi omugulu mukalangira eryuba nʼomukera nʼesyongũnũnũ, esyonzige syosĩ syʼekyanya, ukatwalawa erĩramyabyo, nʼerikolerabyo, ebyo Mwami Mukulu abirigabira bandu bosĩ eyĩkwa wʼobũtũkũ.

AbaEbrania 4:3

Nĩkwa ĩtwe twĩkĩrĩraya tukingira omwʼiluhuka lya Nyamuhanga; ngoko kĩsakĩre kiti, Monalahĩrya omwʼihitana lyage nyiti, Sibendisyingira omo kihugo ekyo aho nangaherebo eriluhuka. Mwabũga atya nomo emĩbĩrĩ yiwe yanahwa oko mugulu ahangika ekihugo.