Enzũko 19:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Neryo mobabũga bati, Ũlũaho. Kandi mobabũga bati, Omundu oyũ mwasa eno ngʼomũgenĩ, naye akabya ngʼomũtswerĩ, lino tukandikukola nabi kwilababo. Neryo mobakũna-kũna ye Lotĩ yo kutsibu, mobahĩka hakũhĩ nʼeritula Olũyĩ.

Enzũko 19:9 Iomraidhean Croise

Enzũko 11:6

Neryo Omwami Mukulu mwabũga ati, Lebaya, ni kihanda kiguma, nʼabosĩ bawite mũbũge muguma nʼekĩ kyo bakatsũka erikola. Neryo lino sihali kindu kikandĩsyakakĩryabo erikola ebyo banzĩre.

Enzũko 13:12

Abramu mwĩkala omo kihugo kyʼeKanana, neryo Lotĩ mwĩkala omo mĩyĩ yʼomwʼirungu, neryo mwahũmĩrya ehema yiwe yʼeSodomo.

Erĩlũayo 2:14

Naye mwabũga ati, Nindi wakũyĩrĩre mo mukulu nʼomũtswerĩ ũkwʼĩtwe kwehĩ? Ũkaganĩraya erĩnyĩta ngoko wĩta Omunya Mĩsĩrĩ kwehĩ? Neryo Musa mubaha, mwabũga ati, Kwesĩ omwatsi oyũ abiriminyikala.

Emĩsyo 14:16

Omundu wʼamenge akubaha, nʼerĩlũa oko bibi; Nĩkwa omũkĩrũ akayiheka omo pono, isiayitsomene.

Emĩsyo 17:12

Lyowene omundu erĩhĩndana nʼedubu eyabĩrĩhũngwa kwʼekyana kyayo Kwilaba erĩhĩndana nʼomũkĩrũ omo bũkĩrũ buwe.

Emĩsyo 27:3

Erĩbwe lĩrĩtohĩre, nʼemisege ĩrĩtohĩre; Nĩkwa omwaga wʼomũkĩrũ alĩtohĩre kwilaba ebyosĩ bibiri.

Omũgambũlĩ 10:13

Enzũko yʼebĩnywa byʼobuno buwe nĩ bũkĩrũ, nʼendũlĩ yʼomũkanĩa wuwe nĩ ʼsĩre ribi.

Omũgambũlĩ 9:3

Ekĩ ni kibi omo byosĩ ebikakoleka eyĩkwa munakihugo hati hali mwatsi muguma busana nʼabosĩ. Kandi, emitima yʼabagala bʼabandu yoswĩre nʼobubi, nʼerĩsĩre liri omo mitima yabo, omugulu bakiriho. Nʼenyũma wʼaho bakaya oko baholĩ.

Ĩsaya 65:5

Abakabũga bati, Ubye aho ĩwowene, siwase hakũhĩ nage, kusangwa indi mũbũyĩrĩre kwilaba we. Aba nĩ mũkĩ omo nĩndo yage, omuliro owakaka omo musibo gosĩ.

Yeremĩa 3:3

Busana nʼekyo embũla yabĩrĩkakĩrĩbwa, ihatawa embũla yʼenyũma. Nĩkwa wabya nʼembũmo yʼomũmalaya, mowagana erĩkwa esĩsonĩ.

Yeremĩa 6:15

Mobanakwa esĩsonĩ omugulu bamabikola ebyʼesyonye kwehĩ? Iyihi, mobatakwa esĩsonĩ nʼahake, kutse obũsũ bwabo mobutaminya erĩtũmba. Busana nʼekyo, basyawa haguma nʼabakawa. Oko mugulu nasyasuyirabo, basyaguswa ahisi, Omwami Mukulu atya.

Yeremĩa 8:12

Mobakwa esĩsonĩ omugulu bamabikola esyonye kwehĩ? Iyihi, mobatakwa esĩsonĩ nʼahake, kutse obũsũ bwabo mobutaminya erĩtũmba. Busana nʼekyo, basyawa omo katĩkatĩ kʼabakawa. Oko mugulu wʼerisuyira lyabo, basyaguswa ahisi, Omwami Mukulu atya.

Ezekĩelĩ 16:49

Lebaya, olubanza lwa mwali wenyũ Sodomo lolũ. Iye nʼabali buwe mobabya nʼobutsibu nʼakalyo, nʼerikamaha butsira mũbĩrĩ, nĩkwa mwatawatĩkya abera nʼabʼobwaga.

Matayo 7:6

Simuhe esyombwa syʼekĩbũyĩrĩre, kandi simuguse esyolulu syenyũ embere wʼesyongulube, sikasyalyatangirirasyo omo bisando byasyo, kandi isyabinduka nʼeribatulanga.

1 Samwelĩ 17:44

Kandi Omũfĩlĩstĩnĩ mwabũga na Dawĩdĩ ati, Tasa, lero ngandigabira omũnyokũ wawe oko nyonyũ syʼomo kyanya, nʼesyonyama syʼomolĩ.

1 Samwelĩ 2:16

Nʼomundu oyo amamubwira ati, Bakandĩtsũka kwenene erĩokererya ebĩsabũ, neryo ĩwĩmya ebyosĩ ebyo mutima wawe anganza; neryo iniamubwira ati, Iyihi, nĩkwa ukandimbasyo lino; bite bitya, ĩnayĩmĩryasyo nʼamaka.

1 Samwelĩ 25:17

Na lino Uminye ũganĩraye ekyo gukandikola kusangwa ebibi byabirikandayirirwa oko mukama wetu, nʼoko kĩtũnga kiwe kyosĩ. Kusangwa Nabalĩ ni mundu mutya-mutya, nʼomundu siangabũga naye.