Enzũko 19:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Neryo mobabirikira Lotĩ, mobabũga naye bati, Abandu abalyasa ukʼuwe omo kiro ekĩ bali hahi kwehĩ? Ũtũhũlũkĩrayebo, tutetebo.

Enzũko 19:5 Iomraidhean Croise

Enzũko 19:6

Neryo Lotĩ mwahulukira kubo oko lũyĩ, neryo mwakinga Olũyĩ enyũma siwe.

1 Abami 14:24

kandi abamalaya bʼesyonyamuhanga babya omo kihugo nibya; mobakola esyonye syosĩ syʼebihanda ebyo Mwami Mukulu asingula embere syʼabana bʼAbaĩsraelĩ.

1 Abami 22:46

Nʼabasĩgalira oko Banya Sodomo abasĩgala omo biro bya tata wuwe Asa, Yehosafatĩ mwalũsyabo omo kihugo.

Ĩsaya 1:9

Kumbe Omwami Mukulu Wʼemilondo, atalĩtũsĩgĩra akasakĩrya kake kutsibu, nga twabiribya ngʼeSodomo, nga twabiribya ngʼeGomora.

Ĩsaya 3:9

Erisosa lyʼameso wabo lĩkatũlago busana nabo; bakakangaya ebibi byabo ngʼeSodomo, sĩbebĩsabyo. Obũlĩge kubo! Kusangwa babiriyiretera ebibi.

Yeremĩa 3:3

Busana nʼekyo embũla yabĩrĩkakĩrĩbwa, ihatawa embũla yʼenyũma. Nĩkwa wabya nʼembũmo yʼomũmalaya, mowagana erĩkwa esĩsonĩ.

Yeremĩa 6:15

Mobanakwa esĩsonĩ omugulu bamabikola ebyʼesyonye kwehĩ? Iyihi, mobatakwa esĩsonĩ nʼahake, kutse obũsũ bwabo mobutaminya erĩtũmba. Busana nʼekyo, basyawa haguma nʼabakawa. Oko mugulu nasyasuyirabo, basyaguswa ahisi, Omwami Mukulu atya.

Ezekĩelĩ 16:49

Lebaya, olubanza lwa mwali wenyũ Sodomo lolũ. Iye nʼabali buwe mobabya nʼobutsibu nʼakalyo, nʼerikamaha butsira mũbĩrĩ, nĩkwa mwatawatĩkya abera nʼabʼobwaga.

Ezekĩelĩ 16:50

Nabo mobayipipa, nʼerikola esyonye embere syage. Busana nʼekyo omugulu nalangira ekyo monalũsya boho.

Ezekĩelĩ 16:51

Kandi Samarĩa mwatakola nʼekitswe kyʼebibi byawe. Nĩkwa uwe wabĩrĩkanyĩrĩrya esyonye syawe kwilababo. Litya Wabirireka abali benyũ ibabya nga ni babuya busana nʼesyonye syawe syosĩ esyo wabirikola.

Abalawĩ 18:22

Susyegotsera nʼabalume ngʼabakalĩ; ni nye.

Abalawĩ 20:13

Omulume amasĩngĩra omulume ngoko bakasĩngĩra omũkalĩ, ababiri bosĩ babirikola esyonye. Basyĩtwa kwenene. Olubanza lwabo lwʼomusasi luli kubo.

1 AbanyaKorinto 6:9

Kandi sĩmwasĩ kwʼabatatunganene ko batendisyasangira oko bwami bwa Nyamuhanga kwehĩ? Sĩmũtebĩbawe; abʼamaragane, kutse abakasaba esyosanamu, kutse abatetĩ, kutse abalume abakatetana,

Eryibuka Ebihano 23:17

Sihasyebya mũtetĩ omo bali bʼAbaĩsraelĩ, kutse Sihasyebya omulume oyukateta omulume omo bagala ba Ĩsraelĩ.

1 Timoteo 1:10

kandi busana nʼabasĩngĩrĩ, kutse busana nʼabalume abakatetana, kutse abĩbĩ bʼabandu, nʼababehĩ, nʼabandu abakalega bandi, nʼeyindi myatsi yosĩ eyikagana erĩkangĩrĩrya lyʼekwenene.

2 Timoteo 3:13

Nĩkwa bandu babi, nʼabatebya, basyakanyirira eribya babi, ibakateba abandi nʼerĩtebĩbwa ĩbobene.

2 Petero 2:2

Kandi abandu bangi basyakwama emyatsi yabo eyĩtĩsĩrĩre, kandi busana nabo, abandu basyahula enzira yʼekwenene mo nabi.

2 Petero 2:7

Kandi Nyamuhanga mwalamya Lotĩ, omundu oyutunganene. Lotĩ abya akagalwa busana nʼemikolere eyĩtĩsĩrĩre yʼabandu bʼomwaga.

Yuda 1:7

Ngʼabandu bʼeSodomo nʼeGomora, nʼemĩyĩ eyo yabya hakũhĩ nayo, mobahalya ngʼabamalaĩka abo. Mobayiha okwʼĩsĩngĩra libi, kandi mobakwama esyongumbu syʼesĩsonĩ omo mibiri yabo. Aba babirisuyirwa omo muliro Wʼerikota, ibakabya kĩmĩnyĩsyo oko bandu bosĩ.

Abatswerĩ 19:22

Nʼomugulu babya bakatsemesya emitima yabo, lebaya, abalume bʼomũyĩ oyo, abandu batswatswa, mobatĩmba oko nyũmba, mobahuma oko lũyĩ; mobabũga nʼomwenye nyũmba, omũsyakulu oyo, bati, Hũlũkaya omundu oyo oyulingira omo nyũmba yawe, tuminyane naye.