Enzũko 19:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Naye mwahatikanabo kutsibu, nabo mobamukebera, mobingira omo nyũmba yiwe. Neryo naye mwakokoteryabo erirya ĩnene, kandi mwahũkĩrabo obundu obute mo kĩhamya, nabo mobalya. Obubi bwʼabandu bʼeSodomo.

Enzũko 19:3 Iomraidhean Croise

Enzũko 19:2

Neryo mwabũga ati, Lebaya lino, abakama bage, ngabasaba, mwingire omo nyũmba yʼomugombe wenyũ, mugotsere eno, mũnabaye ebisando byenyũ, mwasyabuka omo ngyakya, imwayigendera. Nabo mobabũga bati, Iyihi; nĩkwa tũkandĩkala omo muhana erĩhĩka okwʼikya.

Enzũko 21:8

Neryo omwana mwakula, kandi mwatsira amabere, neryo Abrahamũ mwakokotya erirya ĩnene ekiro Ĩsaka atsira amabere.

Enzũko 24:31

Neryo Labanĩ mwabũga ati, Ingira, uwe, oyo Mwami Mukulu abiritsumula. Busana nakĩ ukahangana ekyaswa kwehĩ? Kusangwa nabĩrĩkokotya enyũmba, nʼomwanya wʼesyongamia.

Enzũko 26:30

Neryo mwakokoteryabo erirya ĩnene, mobalya mobapũlya.

2 Abami 4:8

Neryo ekiro kiguma Elĩsa mwalabira eSũnemũ, ahabya omũkalĩ oyukakengawa; naye mwamubirikira okwʼirya akalyo. Neryo emigulu yosĩ alabayo Elĩsa mwingiraho erirya akalyo.

Erĩlũayo 12:15

Ebiro birinda mwasyalya obundu bute mo kĩhamya; nʼekiro kyʼerĩtsũka mwasyalũsya ekĩhamya kyʼomo manyũmba wenyũ; kusangwa omundu oyo wasyalya obundu buli mwʼekĩhamya oko kiro kyʼerĩtsũka erĩhĩka ekiro kyʼebirinda, omundu oyo asyagabulwa oko Ĩsraelĩ.

Erĩlũayo 12:39

Neryo mobokya obundu mo kyanga obute mwʼekĩhamya obo balũsaya eMĩsĩrĩ; kusangwa bwabya butsira kĩhamya, kusangwa bahigawa erĩlũa eMĩsĩrĩ, mobatatoka eririnda, kandi mobatayĩkokoterya endanda.

Luka 11:8

Nyiti nomo atetahangana kusangwa nĩ mwĩra wuwe, nĩkwa busana nʼerimuhatikana, asyahangana nʼerimuha ebyosĩ ali nabyo bwaga.

Luka 14:23

Nʼomukama oyo mwabũga nʼomugombe wuwe ati, Ugende omo syombalu nʼesyonzira, uhatikane abandu base, enyũmba yage yosũle.

Luka 5:29

Neryo Lawĩ mwakokotya erirya ĩnene omo nyũmba yiwe busana na Yesu. Neryo mohabya endeko nene yʼabasolesya nʼabandi bandu ababya bakalira haguma nabo.

Yoane 12:2

Eyo mobamũhũkĩra ebyalya byʼobũgenĩ. Marata abya akahũkũla, nĩkwa Lazaro abya ukwʼabo babya oko mesa haguma na Yesu.

1 AbanyaKorinto 5:8

Neryo tusangire okwʼirya eryo, butsira omo bundu obuli mwʼekĩhamya kya kera, ekyʼebibi nʼekyʼerĩhalya, nĩkwa omo bundu obute mwʼekĩhamya, obwʼobubuya nʼobwʼekwenene.

2 AbanyaKorinto 5:14

Kusangwa olwanzo lwa Kristo lukatutabalako, kandi twabiriminya ndeke ngoko mundu muguma mwahola busana nʼabandu bosĩ, neryo liri ngʼabandu bosĩ babirihola haguma naye.

AbaEbrania 13:2

Simwibirirawe erĩkokya abʼehandi, kusangwa abandi babĩrĩkokya abamalaĩka bo batya ĩsĩbasĩbo.

Abatswerĩ 6:19

Na Gĩdeonĩ mwingira, mwakokotya akahene, nʼehitole hyʼekitiri kiguma kyʼeyĩsyano omute ekĩhamya; mwahĩra eyĩswĩ omo kĩbo, kandi mwahĩra nʼomuto omo kibindi, mwamuleterabyo eyĩhya oko ndĩna yʼomuti wʼeterebĩntĩ, mwamũhereryabyo.

1 Samwelĩ 28:24

Nʼomũkalĩ oyo abya awite ekyana kyʼende ekĩnenehĩre omo nyũmba; neryo mwanguha, mwakerakyo, kandi mwĩmya nʼeyĩsyano mwatsumbayo, mwokya kuyo kʼobundu bute mo kĩhamya.