Enzũko 18:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Nage ngandiyenda akahande kʼobundu akʼerĩsũbya emitima yenyũ yʼomo nda, enyũma wʼaho imwalaba, kusangwa muliasa oko mugombe wenyũ. Nabo mobabũga bati, Ukole utya ngoko wabĩrĩbũga.

Enzũko 18:5 Iomraidhean Croise

Enzũko 18:6

Neryo Abrahamũ mwanguha erĩhĩka omo hema uku Sara, mwamubwira ati, Ũkokotaye lũba ehĩrengĩ hisatu hyʼeyĩsyano yowene, utsumbeyo mo mandu.

Enzũko 19:8

Lebaya, lino ngwite abali babiri abate baminya mundu. Ngabasaba muleke ngabaleterabo, imwakolabo ngoko kiri kibuya omo meso wenyũ. Nĩkwa abalume aba simukolebo kindu, kusangwa mobakasa omwage eriremberwa omo nyũmba yage.

Enzũko 33:10

Na Yakobo mwabũga ati, Iyihi, ngakusaba, nyiti, lino namabya nabiribana erĩsĩmwa omo meso wawe, wangirire oluhembo lwage omo byala byage; kusangwa nabirilangira obũsũ bwawe ngoko mundu akalangira obũsũ bwa Nyamuhanga, nawe wabirinyitsemera.

1 Abami 17:11

Neryo abere akagenda eriyaletago, mwamubirikira ati, ngakũbũlaya nyiti unyiretere akahande kʼobundu omo byala byawe.

Esyonyimbo 104:15

Nʼebĩnyũ ebyʼerimũtsemesya, Nʼamagũta wʼerĩhakabya obũsũ buwe, Nʼobundu bwʼerimuha akagala.

Ĩsaya 3:1

Kusangwa lebaya, Omukama, Omwami Mukulu wʼemilondo, asyalũsya oko Yerũsalema nʼoko Yũda emberekerero nʼomũtso, emberekerero yosĩ yʼakalyo, nʼemberekerero yosĩ yʼamagetsi,

Matayo 6:11

Utuhe mũnabwĩre akalyo ketu akatutolere.

Abatswerĩ 13:15

Na Manoa mwabũga nʼomũlaĩka wʼOmwami Mukulu, ati, Ngakusaba nyiti, Uleke tũkũtsĩmbaye, itwatoka erĩkũhũkĩra akahene.

Abatswerĩ 13:16

Nʼomũlaĩka wʼOmwami Mukulu mwabwira Manoa, ati, Nomo wanganyĩrĩndya, Sindiendirya akalyo kawe; kandi wamasonda erĩkokotya obuhere bwʼerĩokererya, litolere iwahongabo oko Mwami Mukulu. Kusangwa Manoa syabya asĩ kwʼabya mũlaĩka wʼOmwami Mukulu.

Abatswerĩ 19:5

Neryo oko kiro kyʼebini, mobabuka lũba omo ngyakya-ngyakya, neryo mwahangana ati akahongoka; nʼĩse wʼomwana-muto mwabũga na mukwe wuwe, ati, Ũtsũke erĩũkũla erĩsĩkya omutima wawe nʼakatole kake kʼobundu, neryo imomwayigendera.

Abatswerĩ 6:18

Kĩsĩ-kĩsĩ sĩgũlũe hano nde nabiswasa ukʼuwe nʼerireta ehongo yage, nʼerĩhĩrayo embere syawe. Naye mwabũga, ati, Ngandirinda erĩhĩka aho wasira.

Abatswerĩ 6:19

Na Gĩdeonĩ mwingira, mwakokotya akahene, nʼehitole hyʼekitiri kiguma kyʼeyĩsyano omute ekĩhamya; mwahĩra eyĩswĩ omo kĩbo, kandi mwahĩra nʼomuto omo kibindi, mwamuleterabyo eyĩhya oko ndĩna yʼomuti wʼeterebĩntĩ, mwamũhereryabyo.