Enzũko 18:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo Omwami Mukulu mwamuhulukirako hakũhĩ nʼemiti yʼeMamũre, omugulu abya ĩkere omo lũkyo lwʼehema, omugulu eryuba lyasingirira.

Enzũko 18:1 Iomraidhean Croise

Enzũko 12:7

Neryo Omwami Mukulu mwahulukira Abramu, mwabũga ati, Oko lubuto lwawe nasyahabo ekihugo ekĩ. Neryo mwahĩmbaho ekiherero oko Mwami Mukulu, oyo wamuhulukako.

Enzũko 13:18

Neryo Abramu mwahũmya ehema yiwe, mwasa mwĩkala hakũhĩ nʼemiti yʼeMamũre, eyiri eHebronĩ, neryo mwahĩmbaho ekiherero oko Mwami Mukulu.

Enzũko 14:13

Neryo omuguma oyo wabala mwasa, mwabwira Abramu Omuebrania. Nĩkwa abya ĩkere hakũhĩ nʼemiti yʼeMamũre, Omunya Amore, mugala wabo Eskorĩ, kandi ni mugala wabo Anerĩ. Aba babya basakene na Abramu.

Enzũko 15:1

Enyũma wʼemyatsi eyo ekĩnywa kyʼOmwami Mukulu mokyahĩka uku Abramu omo nzolĩ kiti, Sigubahe, Abramu; Ĩngye indi ngabo busana nawe; oluhembo lwawe lwasyabya lunene.

Enzũko 17:22

Neryo Nyamuhanga abere abibuga erĩkanĩa na Abrahamũ, Nyamuhanga mwahetuka akalũa uku Abrahamũ.

Enzũko 18:22

Neryo abandu abo mobabinduka erĩlũaho mobalola eSodomo nĩkwa Abrahamũ iniakinahangene embere syʼOmwa­mi Mukulu.

Enzũko 20:1

Neryo Abrahamũ mwahongoka erĩlũayo, mwalola ebwanga bwʼeNegeve, mwĩkala omo katĩkatĩ kʼeKadese nʼeSũrĩ neryo mwalendera eGerarĩ.

Enzũko 26:2

Neryo Omwami Mukulu mwamuhulukira, mwabũga naye ati, Siwandagalire eMĩsĩrĩ; Wĩkale omo kihugo ekyo nasyakubwira.

Enzũko 35:27

Nĩkwa Yakobo mwahĩka uku tata wuwe Ĩsaka eMamũrĩ, oko Kĩrĩatĩ-eba (eyo nĩ Hebũronĩ), aho Abrahamũ na Ĩsaka babya bĩkere.

Enzũko 48:3

Neryo Yakobo mwabũga na Yosefũ ati, Nyamuhanga Omũtokĩ Wʼebyosĩ mwanyihulukira eLũzĩ omo kihugo kyʼeKanana, nʼerinyitsumula.

2 Emyatsi yʼEmigulu 1:7

Omo kiro ekyo Nyamuhanga mwahulukira Solomono, mwamubwira ati, Ũbũlaye ekyo nangakuha.

Erĩlũayo 4:1

Neryo Musa mwamũsũbĩrya mwabũga ati, Nĩkwa sĩbendĩsyanyĩkĩrĩrya, kutse erĩowa omulenge wage. Kusangwa basyabũga bati, Omwami Mukulu mwatakuhulukira.

Emibiri 7:2

Neryo Setefano mwasũbĩryabo ati, Balĩkyetu, nʼabotata, mũnyowe! Nyamuhanga wʼolukengerwa mwabutukira tata wetu Abrahamũ, omugulu abya eMesopotamia, ate ayĩkala eHaranĩ.

AbaEbrania 11:9

Busana nʼerĩkĩrĩrya, Abrahamũ mwĩkala ngʼomubunga omo kihugo ekite kiwe, ekyalagawa. Mwĩkala omo mahema haguma na Ĩsaka, na Yakobo, abasangira erilaga eryo.

AbaEbrania 13:2

Simwibirirawe erĩkokya abʼehandi, kusangwa abandi babĩrĩkokya abamalaĩka bo batya ĩsĩbasĩbo.

Yosũa 5:13

Neryo mokyabya, omugulu Yosũa abya hakũhĩ nʼeYerĩko, mwasumba ameso wuwe, neryo mwalangira ihali omundu oyo wimene erĩlolya eyo ali nʼomũyalĩ owakũlĩre omo byala biwe; neryo Yosũa mwaya eyo ali, mwabũga naye ati, Uli wa kwĩtwe, kutse gʼoko syonzĩgũ syetu kwehĩ?