Enzũko 17:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo nasyahanganĩa endagano yage omo katĩkatĩ kage nawe nʼoko bana bawe enyũma syawe oko syondengo syabo busana nʼendagano ya kera na kera, eribya Nyamuhanga ukʼuwe nʼoko bana bawe enyũma wawe.

Enzũko 17:7 Iomraidhean Croise

Enzũko 15:18

Oko kiro ekyo Omwami Mukulu mwayira endagane na Abramu ati, Nasyaha ekihugo ekĩ oko bana bawe erĩtsũka oko lũsĩ lwʼeMĩsĩrĩ erĩhĩka oko lũsĩ lunene lwʼeEfũratĩ.

Enzũko 17:13

Oyukabutawa omo nyũmba yawe, nʼoyukagulawa oko franka, atolere ĩnĩabanĩbwa. Neryo endagano yage yasyabya omo mubiri wenyũ mo ndagano ya kera na kera.

Enzũko 17:19

Neryo Nyamuhanga mwabũga ati, Iyihi, nĩkwa Sara mũkalĩ wawe asyakubutira omugala, nawe wasyahula erĩna liwe mo Ĩsaka. Nage nasyahanganĩa endagano yage haguma naye oko ndagano ya kera na kera busana nʼabana buwe enyũma wuwe.

Enzũko 26:24

Neryo Omwami Mukulu mwamuhulukira omo kiro ekyo, mwabũga ati, Ĩngye indi Nyamuhanga wa Abrahamũ, tata wawe. Sigubahe, kusangwa ĩngye indi haguma nawe. Nasyakutsumula, nʼerĩkanyĩrĩrya abana bawe busana nʼomugombe wage Abrahamũ.

Enzũko 28:13

Kandi lebaya, Omwami Mukulu iniahangene endata kukyo, akabũga ati, Ĩngye indi Mwami Mukulu, wa Abrahamũ, tata wawe, na Nyamuhanga wa Ĩsaka. Ekihugo ekyo ugotsereko nasyahakyo ukʼuwe nʼoko bana bawe.

Enzũko 6:18

Nĩkwa nasyĩmanĩa endagano yage haguma nawe. Nawe wasyingira omo bwato, uwe, nʼabagala bawe, nʼomũkalĩ wawe, nʼabakalĩ bʼabagala bawe.

Enzũko 9:16

Ekima kyasyabya omo kĩtũ; nage nasyasamalirakyo, inatoka eryibuka endagano ya kera na kera omo katĩkatĩ ka Nyamuhanga nʼobuli kihangikwa ekiriho kyʼemibiri yosĩ eyiri muna-kihugo.

2 Samwelĩ 7:24

Kusangwa wabĩrĩyĩhanganĩrya abandu bawe Ĩsraelĩ babye bandu bawe kera na kera, kandi uwe Mwami Mukulu, wabiribya Nyamuhanga wabo.

1 Emyatsi yʼEmigulu 16:13

Ĩnywe lubuto lwʼomugombe wuwe Ĩsraelĩ, Ĩnywe bana ba Yakobo, abayisogawa buwe.

1 Emyatsi yʼEmigulu 16:14

Iye ni Mwami Mukulu Nyamuhanga wetu; Eritswera liwe liri omo kihugo kyosĩ.

Esyonyimbo 81:10

Ingye indi Mwami Mukulu, Nyamuhanga wawe, Oyo wakũlũsaya omo kihugo kyʼeMĩsĩrĩ. Ũkũmbũle obuno bwawe, nage ngandĩkũlĩsya.

Erĩlũayo 3:15

Kandi Nyamuhanga mwabũga na Musa ati, Wasyabũga nʼabana ba Ĩsraelĩ uti, Omwami Mukulu, Nyamuhanga wʼabotata wenyũ, Nyamuhanga wa Abrahamũ, Nyamuhanga wa Ĩsaka, na Nyamuhanga wa Yakobo, amanyituma kwĩnywe; nʼerĩ rye rĩna lyage erĩhĩka kera na kera, erĩ rye rĩna lyʼeryibukwa lyage oko ndengo nʼesyondengo.

Erĩlũayo 3:6

Kandi mwabũga ati, Ĩngye indi Nyamuhanga wa tata wawe, Nyamuhanga wa Abrahamũ, Nyamuhanga wa Ĩsaka, na Nyamuhanga wa Yakobo. Neryo Musa mwabĩsa ũbũsũ buwe; kusangwa mubaha erilola uku Nyamuhanga.

Erĩlũayo 6:4

Kandi nabirihanda endagano yage haguma nabo, erihabo ekihugo kyʼeKanana, ekihugo kyʼobubunga bwabo, ekyo babungiramo.

Erĩlũayo 6:7

Nage nasyabĩmya eribya bandu bage, nage nasyabya Nyamuhanga wenyũ; nenyũ mwasyaminya ko ndi Mwami Mukulu Nyamuhanga wenyũ, oyũkabalũsaya erĩlũa oko miheke yʼAbanya Mĩsĩrĩ.

Ĩsaya 61:8

Kusangwa ĩngye, Mwami Mukulu nyanzĩre erĩbanza litunganene, ngagalirawa oko bũrahĩ omo buhere bwʼerĩokererya. Ngandisyahabo eririha lyabo omo kwenene, kandi nasyalagana nabo endagano ya kera na kera.

Yeremĩa 31:1

Omwami Mukulu ati, Oko mugulu oyo nasyabya Nyamuhanga wʼebĩtũnga byosĩ bya Ĩsraelĩ, nabo basyabya bandu bage.

Ezekĩelĩ 28:26

Nabo basyĩkala mukyo mo buholo. Kandi basyahĩmba amanyũmba, nʼerihera amalima wʼebĩnyũ, nʼerĩĩkala buholo, ekiro nasyatswera abosĩ abakaponabo oko mbande syosĩ. Neryo basyaminya ko ndi Mwami Mukulu Nyamuhanga wabo.

Abalawĩ 11:45

Kusangwa ĩngye indi Mwami Mukulu oyo wabalũsaya omo kihugo kyʼeMĩsĩrĩ, eribya Nyamuhanga wenyũ; neryo mwasyabya babũyĩrĩre, kusangwa indi mũbũyĩrĩre.

Abalawĩ 25:38

Ĩngye indi Mwami Mukulu Nyamuhanga wenyũ oyo wabalũsaya omo kihugo kyʼeMĩsĩrĩ, eribaha ekihugo kyʼeKanana, nʼeribya Nyamuhanga wenyũ.

Abalawĩ 26:12

Nasyalendera omo katĩkatĩ kenyũ nʼeribya Nyamuhanga wenyũ, nenyũ mwasyabya bandu bage.

Abalawĩ 26:44

Nomo ebyo byangabya bitya, omugulu bali omo kihugo kyʼesyonzĩgũ syabo, sindiendisyaganabo, kutse erĩbakwa nye erĩheryabo kũndũ, erĩĩta endagano yage haguma nabo; kusangwa indi Mwami Mukulu Nyamuhanga wabo.

Abalawĩ 26:45

Nĩkwa busana nabo nasyibuka endagano yʼabotata wabo, abo nalũsaya omo kihugo kyʼeMĩsĩrĩ omo meso wʼebihanda, inatoka eribya Nyamuhanga wabo. Ĩngye indi Mwami Mukulu.

Abalawĩ 26:9

Nage nasyabasĩkya nasyabaha ebĩgũma, nʼerĩbakanyĩrĩrya, nʼerĩhanganĩa endagano yage haguma nenyũ.

Mĩka 7:20

Wasyaha ekwenene uku Yakobo, nʼobubuya bʼolwanzo uku Abrahamũ, ebyo walahĩrĩraya ukwʼabo tata wetu erĩtsũka oko biro bya kera.

Matayo 22:32

Ĩngye indi Nyamuhanga wa Abrahamũ, na Nyamuhanga wa Ĩsaka, na Nyamuhanga wa Yakobo. Nyamuhanga si Nyamuhanga wʼabaholĩ, nĩkwa ni Nyamuhanga wʼabaliho.

Mariko 10:14

Nĩkwa omugulu Yesu alangira ebyo, mwahitana neryo mwabwira abiga buwe ati, Muleke abana balere base kwĩngye! Sĩmũkakĩrayebo, kusangwa Obwami bwa Nyamuhanga ni bwʼabali ngʼaba.

Emibiri 2:39

Kusangwa endagane ya Nyamuhanga ni busana nenyũ nʼabana benyũ na busana nʼabosĩ abali ehali, abosĩ abo Mukama Nyamuhanga wetu asyabirikira.

AbanyaRoma 9:4

Ibo nĩ Baĩsraelĩ, abo Nyamuhanga ayira mo bagala buwe nʼerisangira nabo olukengerwa luwe. Kandi mwalagana nabo, nʼerihabo Emigambo. Kandi bawite erĩramya lyʼeHekalũ, bawite nibya esyondagane sya Nyamuhanga.

AbanyaEfeso 2:2

Oko mugulu oyo mwabya mukalendera omo nzira nyibi yʼekihugo kino; mwabya mũkowa omũtabalĩ wʼobũtokĩ bʼobwami bwʼekyanya. Naye nĩ kĩrĩmũ ekikasondola abandu abatĩowa Nyamuhanga.

Eryibuka Ebihano 29:13

iniatoka erĩbahanganĩa mũnabwĩre eribya kihanda busana naye, kandi iniatoka eribya Nyamuhanga wenyũ, ngoko ababwira, kandi ngoko alahĩrĩraya abotata-kulu wenyũ, uku Abrahamũ, uku Ĩsaka, nʼuku Yakobo.

AbaEbrania 11:16

Nĩkwa lino, bakwĩre olukando lwʼekihugo kyowene ukwʼaho, ekihugo kyʼelubula. Kikaleka Nyamuhanga ĩnĩatakwa esĩsonĩ eriahulwa mo Nyamuhanga wabo; kusangwa abĩrĩkokoteryabo omũyĩ.

AbaEbrania 8:10

Neryo Omwami Mukulu ati, Enyũma wʼebiro ebyo, nasyayira endagane haguma nʼekĩtũnga kya Ĩsraelĩ; Nasyahĩra Emigambo yage omo malengekanĩa wabo, Kandi nasyasakayo omo mitima yabo. Nasyabya Nyamuhanga wabo, Nabo basyabya bandu bage.

Abatswerĩ 2:1

Nʼomũlaĩka wʼOmwami Mukulu mwahetuka akalũa eGĩlgalĩ erĩhĩka eBokĩmũ. Neryo mwabũga ati, Monaba-hetũkya erĩlũa eMĩsĩrĩ, nʼeribaleta omo kihugo ekyo nalahĩrĩraya abotata-kulu wenyũ; monabũga nyiti, Sĩndĩendĩsyatwa endagano yage nenyũ kera na kera.