Enzũko 16:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Kandi omũlaĩka wʼOmwami Mukulu mwabũga naye ati, Nasyakanyĩrĩrya abana bawe bo kutsibu, nabo sibendisyaganzwa oko bungi bwabo.

Enzũko 16:10 Iomraidhean Croise

Enzũko 13:16

Neryo nasyayira abana bawe ngʼolũtũtũ lwʼekitaka, neryo omundu amatoka eriganza olũtũtũ lwʼekitaka, neryo abana bawe ibanganaganzwa.

Enzũko 16:9

Neryo omũlaĩka wʼOmwami Mukulu mwabũga naye ati, Usube oko mugole, uyibombeke omo byala biwe.

Enzũko 17:20

Nĩkwa busana na Ĩsĩmaelĩ, nabĩrĩkowa, lebaya, nabirimutsumula, nasyamũkanyĩrĩrya nʼerimutomekera kutsibu. Asyabuta abakama erĩkũmĩ nʼababiri, kandi nasyamuyira mo kihanda kinene.

Enzũko 21:13

Omugala wʼomũkalĩ mukobe nibya nasyamuyira mo kihanda, kusangwa naye ni mwana wawe.

Enzũko 21:16

Neryo mwagenda mwĩkala ahisi eyisirya hake, haraha nʼaho musoha wʼobuta angaguswa, kusangwa abũga ati, Sinyilole oko luholo lʼomwana. Neryo mwĩkala eyisirya kwiye, mwasumba omulenge wuwe, mwalira,

Enzũko 21:18

Hangana, Usumbe omũlwana, umuwateko omo byala byawe, kusangwa nasyamuyira mo kihanda kinene.

Ĩsaya 63:9

Omo malĩge wabo gosĩ naye mwagalwa, nʼomũlaĩka wʼembere siwe mwalamyabo. Mwatongolyabo omo lwanzo luwe nʼerisasira liwe. Kandi mwatelulabo, mwahekabo ebiro byosĩ bya kera.

Malakĩ 3:1

Lebaya, ngatuma omukwenda wage, naye asyowanĩa enzira embere syage; nʼomukama, oyo mũkasonda-sondaya, asyabutuka omo Hekalũ yiwe; nʼomukwenda wʼendagano, oyo mukatsemera lebaya, akasa, Omwami Mukulu Wʼemilondo atya.

Yoane 1:18

Sihali mundu wabilangira Nyamuhanga na kera; nina Nyamuhanga. Ekyusa, oyuli oko kĩkũba kya Tata, yo wabirimũmĩnyĩsya.

1 Timoteo 6:16

Iye ĩyowene yukakota; kandi ĩkere omo kyakakala ekite kyangahĩkwamo. Sihali mundu oyo wabirimulolako, kandi sihali mundu wangatoka erimulolako. Erĩsĩkya nʼobũtokĩ bwa kera na kera bibye ukwʼiye, Amina.

Abatswerĩ 6:11

Nʼomũlaĩka wʼOmwami Mukulu mwasa, mwĩkala omo ndĩna yʼomuti wʼomũterebĩntĩ owabya eOfra, owabya lubibi lwa Yoasĩ Omũbĩezerĩ; nʼomugala wuwe Gĩdeonĩ abya akahũmba engano omo kikamiro kyʼebĩnyũ, busana nʼerĩbĩsayo oko Bamĩdĩanĩ.

Abatswerĩ 6:16

Neryo Omwami Mukulu mwabũga naye ati, Kwenene nasyabya haguma nawe, kandi wasyĩta Abamĩdĩanĩ ngʼomundu muguma.