Enzũko 13:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Neryo Abramu mwabwira Lotĩ ati, Ngakusaba nyiti, Sihabye malwa omo katĩkatĩ kawe, nage, kutse omo katĩkatĩ kʼabalĩsya bage nʼabalĩsya bawe, kusangwa tuli bʼekĩtũnga kiguma.

Enzũko 13:8 Iomraidhean Croise

Enzũko 13:9

Ekihugo kyosĩ sikiri embere syawe kwehĩ? Ngakusaba uyihigule uyigabe kwĩngye, wamanza erĩĩmya oluhande lwʼamalembe, neryo nasyaya oko luhande lwʼamali; kutse wamĩmya oluhande lwʼamali, neryo nasyaya oko lwʼamalembe.

Enzũko 14:14

Neryo omugulu Abramu owa ko mugala wabo abirinyegwa, mwasondola abalume buwe abo ĩgĩsaya amalwa, ababutawa omo nyũmba yiwe, amagana asatu nʼerĩkũmĩ nʼomunani, neryo mwakwamirirabo erĩhĩka eDanĩ.

Enzũko 45:24

Neryo mwahongokya bagala babo, nabo mobagenda neryo mwabũga nabo ati, Simunegenere omo nzira.

Enzũko 46:34

Nenyũ mwasyabũga muti, Abagombe bawe babya balĩsya bʼebihangulo erĩlũa omo bũlwana bwetu erĩhĩka lino, ĩtwe nʼabotata wetu. Imwatoka erĩĩkala omo kihugo kyʼeGosenĩ, kusangwa obuli, mũlĩsya ni nye oko Banya Mĩsĩrĩ.

Esyonyimbo 133:1

Ni kyʼeriswekera, kandi ni kibuya, Abandu ba Nyamuhanga bamĩkala haguma ngʼabana abasubeneko!

Erĩlũayo 2:13

Neryo mwahongoka ekiro kyʼakabiri, kandi mwalebya abandu babiri bʼAbaebrania bakalwa; neryo mwabũga nʼoyo wakola nabi ati, Busana nakĩ ũkaswĩraya mũlĩkyenyũ kwehĩ?

Emĩsyo 15:1

Erĩsũbĩrya lyolo likahiga erihitana; Nĩkwa ekĩnywa kĩkalĩre kĩkasũbaya erihitana.

Emĩsyo 15:18

Omundu wʼerihitana akatsũmbũkaya erinegena; Nĩkwa oyutegalirawa lũba akakũbaya amalwa.

Emĩsyo 20:3

Nĩ ʼsĩkya oko mundu oyukayisolola oko malwa; Nĩkwa obuli mũkĩrũ asyanegena.

Matayo 5:9

Obutseme buli oko bakahĩra Obuholo: Kusangwa Nyamuhanga asyahulabo mo bana buwe!

Emibiri 7:26

Nʼengyakya Musa mwahuluka kubo ibakalwa, neryo mwalenga erĩsanganĩabo omo buholo ati, Batahi muli baguma, busana nakĩ mukakolerana nabi kwehĩ?

AbanyaRoma 12:10

Mwanzane kutsibu ngʼabasubeneko. Mukengane nʼeribya nʼomutima wʼerĩsĩkya abandi.

AbanyaFilipi 2:14

Mukole emyatsi yosĩ butsira eriyitonga kutse buhaka,

1 AbanyaTesalonika 4:9

Sihali bwaga bwʼeribasakira ebarua busana nʼerianza abalĩkyetu abĩkĩrĩrye, kusangwa Nyamuhanga akabakangĩrĩraya ngoko mwanganzana.

AbaEbrania 12:14

Mukwamirire nʼomũhwa eribya nʼobuholo nʼabandu bosĩ, kandi mukwamirire eribya nʼengebe ĩbũyĩrĩre. Oyũtabũyĩrĩre siendisyalola oko Mukama.

AbaEbrania 13:1

Mwanzane ebiro byosĩ ngʼabalĩkyetu.

1 Petero 1:22

Neryo kusangwa mwabĩrĩerya emitima yenyũ, busana nʼerĩowa omwatsi wʼekwenene, kandi mwabiribya nʼolwanzo olute nʼeriteba busana nʼabalĩkyetu, lino litolere imwanzana nʼemitima yenyũ yosĩ nʼomũhwa.

1 Petero 2:17

Mũsĩkaye abandu bosĩ. Mwanze abalĩkyetu Abakristo, mukenge Nyamuhanga, kandi mũsĩkaye omwami.

1 Petero 3:8

Omo myatsi yosĩ eyĩ tuti, Ĩnywe bosĩ mubye nʼobũlengekanĩa buguma, nʼomutima muguma, mwanzane ngʼabasubeneko, mubye nʼomutima mubuya, kandi mũyĩkehaye.

1 Petero 4:8

Kwilaba emyatsi yosĩ, mũkwe omũhwa wʼerianzana kutsibu, kusangwa olwanzo lũkakũnĩngĩra ebibi bingi.

2 Petero 1:7

nʼokwʼĩyĩyĩnĩa lyenyũ mutomeke erikenga Nyamuhanga; nʼokwʼikenga Nyamuhanga mutomeke Obugenge, nʼoko bugenge bwenyũ mutomeke olwanzo.

1 Yoane 4:7

Abanze betu, twanzane, kusangwa olwanzo lũkalũa uku Nyamuhanga. Obuli mundu Oyukanza, Nyamuhanga abirimubuta, kandi asĩ Nyamuhanga.

Abatswerĩ 9:26

Neryo Galĩ mugala wa Ebedĩ mwahĩka haguma nʼabagala babo, neryo mobasokera eSekemũ; nʼabandu bʼeSekemũ mobamũlĩga.