Enzũko 13:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo mohabya malwa omo katĩkatĩ kʼabalĩsya bʼesyonde sya Abramu nʼabalĩsya bʼesyonde sya Lotĩ: nʼAbanya Kanana nʼAbanya Perĩzĩ babya omo kihugo ekyo ekiro ekyo.

Enzũko 13:7 Iomraidhean Croise

Enzũko 10:19

Omutano wʼOmunya Kanana abya atsũkĩre eSĩdonĩ erilola eGerarĩ erĩhĩka, eGaza, erilola eSodomo nʼeGomora, nʼeAdama, nʼeSeboĩmũ, erĩhĩka eLasa.

Enzũko 12:6

Neryo Abramu mwalaba omo kihugo erĩhĩka ahakahulawa mo Sekemũ, oko muti More. Omunya Kanana abya omo kihugo oko mugulu oyo.

Enzũko 21:25

Neryo Abrahamũ mwakunga Abĩmelekĩ busana nʼekitehero kyʼamagetsi, ekyo abagombe ba Abĩmelekĩ bahũnga kinya-maka.

Enzũko 26:20

Neryo abalĩsya bʼeGerarĩ mobalwa nʼabalĩsya ba Ĩsaka, bati, Ekitehero ni kyetu. Neryo mwahula erĩna lyʼekitehero ekyo mo Ezekĩ, kusangwa balwa naye.

Enzũko 34:30

Neryo Yakobo mwabwira Sĩmeonĩ na Lawĩ ati, Mwabĩrĩnyagalĩranĩa, mukaleka inakumba nabi oko ndũnĩ syʼekihugo, nʼoko Banya Kanana, nʼoko Baperĩsĩ, kandi, eriganza lyetu nĩ ĩke, basyakuma-kumana busana nage nʼerĩnyĩta. Nage nasyaherĩbwa, ĩngye nʼekĩtũnga kyage.

Enzũko 46:34

Nenyũ mwasyabũga muti, Abagombe bawe babya balĩsya bʼebihangulo erĩlũa omo bũlwana bwetu erĩhĩka lino, ĩtwe nʼabotata wetu. Imwatoka erĩĩkala omo kihugo kyʼeGosenĩ, kusangwa obuli, mũlĩsya ni nye oko Banya Mĩsĩrĩ.

Nehemĩa 5:9

Kandi monabũga nyiti, Omwatsi mukakola sĩowene; siritolere mukalendera omʼubaha lya Nyamuhanga wetu kwehĩ busana nʼebĩtsũmi byʼebihanda esyonzĩgũ syetu?

Erĩlũayo 2:17

Nʼabalĩsya mobasa mobahigabo; nĩkwa Musa mwahangana mwawatĩkya abana-bato abo, erĩsomya esyombũlĩ syabo.

Emĩsyo 20:3

Nĩ ʼsĩkya oko mundu oyukayisolola oko malwa; Nĩkwa obuli mũkĩrũ asyanegena.

Mariko 3:25

Ekĩtũnga kyʼabandu kyamayĩrwanĩa, ekĩtũnga ekyo sikyangahangana.

1 AbanyaKorinto 3:3

Kusangwa lino mukine bandu abakwamĩre omubiri. Kusangwa omugulu hakine eritsuro nʼamanegeno omo katĩkatĩ kenyũ, sĩmũkwamĩre omubiri kwehĩ? Kandi simwelendera ngʼabandu bʼekihugo kwehĩ?

AbanyaGalatia 5:20

erisaba esyosanamu, erilagula, obũyĩgũ, erilwa, obũha, erihitana, erinegena, erĩkangĩrĩrya lyʼamabehĩ,

AbanyaKolosai 4:5

Mulendere nʼamenge oko bandu abatĩkĩrĩrye, imukasonda esaa yʼeriimira Kristo.

1 AbanyaTesalonika 4:12

Neryo imwatoka erĩsĩmwa nʼabatĩkĩrĩrye, kandi simwendisyabya nʼobwaga bwʼekindu.

Tito 3:3

Kusangwa netu twabya bakĩrũ erĩmbere, isitulikenga, ĩtũkatebĩbawa. Twabya bakobe bʼesyongumbu nʼebyʼerĩyĩtsemesya, ebyʼemĩsĩndo yosĩ, itukasiba omo myatsi mibi, nʼeritsura, ĩtũkakwa abandi bʼekĩnĩga, nʼerikwama obusu.

Yakobo 3:16

Kusangwa ahali eritsura nʼeriyanza nabi, aho hali erinegena nʼerikola ebĩtĩsĩrĩre byosĩ.

Yakobo 4:1

Erinegena nʼamalwa omo katĩkatĩ kenyũ bĩkalũa hahi kwehĩ? Bĩkalũa oko syongumbu syenyũ esĩkalũa omo mibiri yenyũ.

1 Petero 2:12

Muyire emigendere mibuya omo katĩkatĩ kʼEbihanda, neryo nomo bangabatsuma ngʼabakola-nabi, nĩkwa omugulu bakalangira emĩbĩrĩ yenyũ mibuya, ibapipa Nyamuhanga oko kiro kyʼeritswerwa.