Enzũko 13:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Kandi ho habya ekiherero ekyo ahĩmba erĩmbere. Nʼaho Abramu ayibirikirira erĩna lyʼOmwami Mukulu.

Enzũko 13:4 Iomraidhean Croise

Enzũko 13:18

Neryo Abramu mwahũmya ehema yiwe, mwasa mwĩkala hakũhĩ nʼemiti yʼeMamũre, eyiri eHebronĩ, neryo mwahĩmbaho ekiherero oko Mwami Mukulu.

Enzũko 26:25

Neryo mwahĩmbaho ekiherero, kandi mwabirikira oko lĩna lyʼOmwami Mukulu, neryo mwahandaho ehema yiwe. Nʼaho abagombe ba Ĩsaka mobatakula ekitehero.

Enzũko 4:26

Setĩ naye mwabuta mugala, neryo mwahula erĩna liwe mo Enosĩ. Neryo oko mugulu oyo abandu mobatsũka eribirikira oko lĩna lyʼOmwami Mukulu.

Esyonyimbo 107:1

Muhe ewasĩngya oko Mwami Mukulu, kusangwa ni mubuya; Olwanzo luwe ni lwa kera na kera!

Esyonyimbo 107:15

Litolere ibaha Omwami Mukulu yo wasĩngya busana nʼolwanzo luwe olutyusa, Busana nʼemyatsi eyʼeriswekera eyo akolerabo!

Esyonyimbo 107:8

Litolere ibaha Omwami Mukulu ewasĩngya busana nʼolwanzo luwe olutyusa, Busana nʼemyatsi eyʼeriswekera eyo akolerabo!

Esyonyimbo 116:17

Ngandikuha obuhere bwʼewasĩngya, Kandi ngandikuletera erisaba lyage, uwe Mwami Mukulu.

Esyonyimbo 116:2

Akanyihulikirira, Obuli mugulu ngamulakira.

Esyonyimbo 145:18

Omwami Mukulu ali hakũhĩ oko bosĩ abakamubirikira, Ali hakũhĩ oko bosĩ abakamubirikira nʼekwenene.

Esyonyimbo 26:8

Uwe Mwami Mukulu, nyanzĩre enyũmba yawe aho wĩkere. Kandi nyanzĩre aho lukengerwa lwawe lwĩkere.

Esyonyimbo 84:10

Ekiro kiguma omo Hekalũ yawe, kyowene kwilaba ebiro elfu ehandi; Nyanzĩre erihangana oko lũkyo lwʼenyũmba ya Nyamuhanga wage, Kwilaba erĩĩkala omo manyũmba wʼababi.

Ĩsaya 58:9

Neryo wasyabirikira, nʼOmwami Mukulu asyakwitaba. Wasyalaka naye asyabũga ati, Nandi hano. Wamalũsya engomo omo katĩkatĩ kawe, nʼerĩkanganĩa omunwe, nʼerĩbũga nabi,

Yeremĩa 29:12

Kandi mwasyanyilakira, kandi mwasyasa nʼerinyisaba, nage nasyabahulikirira.

Zefania 3:9

Kusangwa oko mugulu oyo nasyaha ebihanda emĩnywa yerĩre, abosĩ batoke erilakira erĩna lyʼOmwami Mukulu, erimukolera nʼeriyisinga hagumaguma.

1 AbanyaKorinto 1:2

tukabasakira haguma, ĩnywe kanĩsa ya Nyamuhanga eyiri eKorĩnto, ababirikirawa eribya bandu ba Nyamuhanga, abahigulawa erimatikana na Kristo Yesu. Kandi tukabasakira haguma nʼabandu bosĩ ehosĩ abakalakira erĩna lyʼomukama wetu Kristo. Yo Mukama wabo nʼowetu.